المساعد الشخصي الرقمي

مشاهدة النسخة كاملة : قصايد بشير حمد شنان


لافي بن فالح بن رديني
06-12-2009, 10:56 PM
\12الله واكبر على اللي مر ماسلم .. عصريه السبت وسط السوق وافاني
من يوم قفى وانا امشي بجو اظلم ..يغفر لي الله لو ان الأسعاف ماجاني
ياليت غض النهد باللي جرى يعلم ..يشوف حال المولع زاد نقصاني
من طب سوق الذهب والله مايسلم لاشاف من هو يتخطا في الدرب وحداني
مدعوجه العين تركب بنتياك ادهم .. فيه البكم يشتغل اشكال والواني
انا جيت قصدي زياره ياخفيف الدم .. واليوم في حيكم اصبحت سكاني
ياهل الهوى وين ابلقى بو حجاج اظلم .. قولوا لصافي الثنيه حرام ينساني
مدري من اهل الملز عسليه المبسم .. والا من اهل الشميسي سود الأعياني
كلمات بشير حمد شنان

اذا قلت ابنسى يافهد حب بعض الناس ..تذكرت ايامً مضت لي مع الغالي
واذا حل به طاري غدى كن بي وسواس ..وقضا العمر في رجوا الحبيب على الخالي
انا بعد مافارقت غض النهد محتاس ..ولا في يدي حيله على قدرة الوالي
انا من بكى عيني غدى كن فيها نعاس ..وقلبي من الخلان ماهوب متشالي
غرام الحبيب يافهد شاربه في كاس ..تجرعت علقم يافهد واحسبه حالي
الى من ذكرت الي خدوده كما القرطاس ..كرهت الحياة وعفت انا المر والحالي
وشديد المصيبه كل ماشفت شيب الراس ..وان طال هجره يافهد خلصت حالي
بلاني بحبه واثر حبه بليا ساس ..وقلب الشقى مهوب من عشرته سالي
كلمات بشير حمد شنان




ازكى التحيه مع الاشواق ..لك ياحبيبي بعثناها
مع بريد الهوى الخفاق ..لك طاير الشوق وداها
محبتي لك من الاعماق.. من مسكن الروح مبداها
قلبي عليك اشتها واشتاق ..واسهر عيوني وعناها
لا ولا غيرك لي احدن لاق.. لي في ابعد الناس وادناها
غصنك غضيض والورود رقاق ..عشر وثمانك حسبناها
يوضي سنا نورك البراق ..بد الشهر نورك اضواها
والي حصل يةم صار افراق.. فيك السعاده فقدناها
القلب لو من غرامك فاق.. يمكن لياليك ينساها
لاشك قلبي وقع وانعاق ..في غبةٍ ماعبرناها
كلمات بشير حمد شنان


لبارحـه ساهـر تكـدر منامـي .. ياعين نومي واتركي كل شيطـان
ياعين ماينفـع كثيـر الملامـي .. واللي مضى ياعين عديه ماكـان
هذي نصيحه واحفضي لي كلامي .. للمقبلات مـن الليالـي والأيـام
الأوله ممشـى عيـال الحرامـي .. ومن الردي اللي على السد خوان
ومن السكوت اللي يشيل الكلامي .. وفي كل مجلس قال لفلان وفـلان
واللي بعرفك قاصد بـك مرامـي .. يرميك للأعداء ويبعـد بالأوطـان
وان جاك شبه اللي يشيل العظامي .. يصد الا شافك ويغضي بالأعيـان
عاشر صبي بالمراجـل تمامـي .. ينفع بوقت الضيق في كل الأحيان
الا زهمته جاك يجـري همامـي .. يقضي لزومك مايفكر بمن كـان
هذاك خله لـك شبيـه الحزامـي .. ولا تبيعه لو غلت فيـه الأثمـان
كلمات بشير حمد شنان


البارحه فزيت من غرقه النوم .. مرتاع وقلبي كن وسطه حريقه
والله لولا الميز لأصيح مظلوم .. ولأشق جيبي ثم اقول الحقيقه
لاشك عند الغرق ماينفع العوم .. والنوح مايطفي لهيب الحريقه
ياعاذلي كف العذل عنك واللوم .. الصبر عن مظنون عيني ماطيقه
واجب الى من شفت مبلي ومهموم .. تدعي له الله ماتعارض طريقه
كل الذي يجري على العبد مقسوم .. من عند من ينجي النفوس الغريقه
ان مت بأسباب اريش العين مرحوم .. اللي رمى في القلب مليون ضيقه
الله يبيحه عد مايظهر نجوم .. وعداد مافي وقتنا من دقيقه
:p كلمات بشير حمد شنان :p

البارحه في منامي شفت خلي .. فزيت كني قريص عضه الداب
فرحان مرتاع وارحب واهلي .. والدمع مني على الأوجان سكاب
احسب وليفي عنالي في محلي .. هداه ربي وعود عقب ماغاب
لاشك خاب الامل في الصاحب .. اللي طاع العواذل وعاداني بلا اسباب
اول الى غاب عني يعتذر لي .. واليوم اوافيه ماكني من الأصحاب
عسى النمايم وراعيها يولي ..اما القبر او سجين وسط سرداب
اللي تسبب ونكر صاحب لي .. عليه دمعي سوات السيل صباب
الله حسيبه دهاني وقرب اجلي .. وشيب براسي وانا توي بعد شاب
خلى هدومي من عضامي تملي .. واسقاني المر في كيسان واشراب
والختم هذا اللي الله رايد لي .. ما لي جدى كود اراعي النجم لاغاب
كلمات بشير حمد شنان


البارحه ليل السعاده والافراح ..ليلن عسى ربي علينا يعوده
ليل قضيته بس في هرج ومزاح ..مع الحبيب الي زهى الزين عوده
العود موز وبالصدر طلع تفاح ..وكن القمر بالليل لمعة خدوده
وحمر الشفايا بينهن بيض وضاح ..من شافها ياناس ضيع ردوده
متى يعود الليل والبال ينساح ..واسج انا والزين حزه وجوده
وان عاده الله طاب كيفي وابرتاح ..ولاجزت عيني وعافت رقوده
ان صحت انا بالصوت مالي بمنصاح ..راعي الهوى عينه ونفسه تقوده
والي تسمع كل عاذل ونصاح ..الله يعود الليل الله يعوده
اسبح انا الزين والهم ينزاح ..واقطف من البستان زهرة وروده
\12 كلمات بشير حمد شنان\12


ان كان حدك في السفر خمسه أيام .. سافر وباصبر عنك غصب عليه
حظي معك ياصاحبي مابعد قام .. وامر الولي يملك جميع البليه
لاغبت فاذكر صاحب صابه أوهام .. اذكرني يالمحبوب صبح وعشيه
تراك في بالي ولاني بمنلام ..في حبكم يابو العيون الطريه
سيف المحبه ياريش العين صرام .. والاياك تذبحني بليا خطيه
باعطيك قرطاس مع اظروف واقلام .. ارسل لنا لاغبت منكم تحيه
كلمات بشير حمد شنان


انا الي الشرهه علي يوم حبيت .. واخلصت في حبي لمثلك وشرواك
ولو التمني قد نفع قلت ياليت .. ياليت ربي لد عرفك وجمعاك
وياليتني في حارتك ماتمشيت ..ولاعرفتك يوم هذي سوياك
وياليتني من قبل اعرفك توفيت .. كان مستريح من الغرابيل وياك
وياليتني ساعة ملاقاك صديت ..مارحت ادور واسطه لي عرفناك
وياليتني يوم شفتك اقبلت صديت .. عز الله اني مستريح بلياك
انا صحيح الي على نفسي اخطيت .. اخفيت انا الواضح وخافي خطاياك
وترى العذر ماينفعك مهما تخفيت .. تشهد عليك الدبله الي بيمناك
كلمات بشير حمد شنان


انا بطلب الله وارجي الواحد المعبود .. عليم الخفا الي مابعد خاب طلابه
يروف بحياة مولع ضامره ملهود .. يخاف الزمن يصك من دونه ابوابه
انا ماذبحني كود غروٍ عيونه سود .. خذا القلب من بين المعاليق واقفابه
وانا لي عشير كل يوم غلاه يزود .. وحب العرب ينقص وهو زاد بحسابه
تزايد غرامه والهوى تابعه مقرود .. الاواهني الي هوى الترف ماصابه
وانا سامح مدام هو بالوطن موجود .. واهل العباري خوفي الترف يغدا به
ويازين خلي لالبس افخر الماجود .. عديم الوصايف يوم مر يتخطابه
يشابه لعين موحش بالشبك مصيود .. وسهوم المنايا بينات بمخلابه
وياعود موز ناعم .... .. مكانه ظليل وراهي الما بمشرابه
كلمات بشير حمد شنان


انا وقلبي على الهجران عزمنا .. طرد المقفى حشى ماهي لنا عاده
مادمت اخلفت ياغدار عادتنا .. ماعاد لي في غرامك شف اورداه
درب الهوى منه ياغض النهد تبنا .. والله لأنسى الذي بي طاع حساده
اول نقدرك يوم انك تقدرنا .. احسب فؤداي معك بيلحق مراده
واليوم مادامكم بعتوا معرفتنا .. عسى مانقص منك يالفتان بزياده
ماشفت منا الجفا يوم انت راغبنا .. غيرك نقص حبهم اما انت بزياده
لاتحسب انا غشوم بعدك تعلمنا .. ومن عضه الداب خاف من الحبل عاده
للعيش والملح شفناك سلمنا .. ويروغ قلبي الا من شاف صياده
:p كلمات بشير حمد شنان :p

اول نديم للهناء والسعاده ..واليوم نادمت الشقا والعنا زاد
من عقب فرقا الي ملكني وداده ..اصبحت انا فبلاد والزين فبلاد
صار السهر والنوح للعين عاده ..نصحت عيني من سهرها ولافاد
تبكي ونوم الليل عافت رقاده ..وفي الليل نومي صار وقفات وقعاد
والقلب به جرح قديم وزاده ..عشرين جرح صابت القلب واجداد
سهم الهوى لامن رمى القلب صاده ..وراعي الهوى مشاكله مالها اعداد
ماشفت انا احدن حب والحب فاده ..لاشك راعي الحب له غصب ينقاد
من فارق الغالي وفارق مراده ..صارت حياته له غرابيل وانكاد
يمشي سليم وعلته في فؤاده ..يخفي الالم والسر عن كل حساد
راعي الهوى يمشي بعقل وركاده ..يخشى الملام وهرج عاذل ونقاد
:confused: كلمات بشير حمد شنان :confused:

بالهون بالله ياأريش العين بالهون ..ارفق على قلبً تزايد لهيبه
من حبك اسهر والخلايق ينامون ..ياصويحبي كثرت علي المصيبه
يازين قلبي مغرم فيك مفتون ..عساك ياغض النهد من نصيبه
قالو لي العذال تراك مجنون ..هذاك مغلينه هله وش تبي به
قلت ان حصل بعطي هله لين يرضون ..مهما يزيدون الثمن بشتري به
ياحيلة الله شغل الايام وشلون .. كم من لهيب شبته من حريقه
والختم ابطلب من له الخلق يدعون ..يقرب حبيبن شوفته لي صعيبه
\4 كلمات بشير حمد شنان \4


بتحب من لايحبك ياعذاب قلبك .. قلب يحبك وقلب ماسأل عنك
ماشفت في الناس مثلك ياقسى قلبك .. اعطف علينا بنظره خاف من ربك
تحب فايت ونحنا عايشين جنبك .. وانا الذي قد زرعت الفل في دربك
وراعي الود في بعدك وفي قربك .. لاكنك غدار ماتعرف قد حبك
ولو تصافيني ثاني مش حرحبك .. وتحب من لايحبك ياعذاب قلبك
\14 كلمات بشير حمد شنان \14


بنات المدارس ليتني عندكم سواق ..امتع عيوني بالنظر دايم فيكم
وامضي حياتي بينكم مايصير فراق ..وفي كل عام بالشهادات اهنيكم
ولاابغى معاش ومقصدي ماطفت اشواق ..ونار بقلبي ولعتها اياديكم
بنات المدارس هجركم مر ماينطاق ..ولاشك يالخلان خاب الامل فيكم
انا من تبين الشمس الى تختفي الاشفاق ..بحال كسيف جعل ربي يجازيكم
ومن عقبكم والجو متعكر ماراق ..والقلب يكفخ كل ماحل طاريكم
دموعي على خدي وبقصى الحشى خفاق ..وعزي لقلب بالشوارع يباريكم
انا لاطريتو لي تعذرت بالمشراق ..اسولف مع الشيبان من شان اوافيكم
\6 كلمات بشير حمد شنان \6


ترى الموده شـف ماهـي غصيبـه .. وان كان تبغى الجـد يازيـن عفنـاك
وان كان تدري تـرى اكبـر مصيبـه .. عنـدي سلامـك لاتوافيـت ويــاك
احتـرم نفسـك والعـذر لاتجيـبـه .. ترى ابرك الساعـات يازيـن فرقـاك
لاجلك على نفسـي رضيـت الغليبـه .. وابغضت اعز الناس ابحث عن ارضاك
ترى دروب الحـب شـوك وصعيبـه ..وعسره على الجهال مثلك وشـرواك
وتـرى طريـق الشـوك مايمشي بـه .. الا ان بغيت الموت عجـل ببمشـاك
معذور من يهواك لـو شـق جيبـه .. امـا انـا مليـت شوفـك وجمعـاك
وطلبـت رب الخلـق عـلام غيبـه .. يمكن تبيـع الربـع لامـن نسينـاك
ولأكتب على بابـي عبـاره غريبـه .. واقول لـه لاتمنـع الضيـف لاجـاك
ترى امـور الدهـر عوجـه عجيبـه .. امـا تميـل الدهـر مامنـه فـكـاك
ترى الا من جـي الحبيـب وحبيبـه ...كلـن يقـول الحـمـدالله شفـنـاك
:D كلمات بشير حمد شنان :D


تشوقلي خيزرانه بين جمع الصفوف .. ياليتها في يميني واتعصابها
لاكن علينا السهيلي ماترده عيوف .. ودي بما يمنعه لو كان يفدابها
حلفت ماحط مالي في حبوب شعير .. ياكود لي حنطه يكثر كيالها
كلمت بشير حمد شنان


جانا زريف الطول بشكله المقبول ومبسم حلو معسول..وعسى الله يخليه
ماأقبل معه انسان فيه الجمال اللوان يارب يارحمن.. انك لنا تبقيه
اسمه بحرف السين يذبح بلا سكين والكحل بالعينين ..رب السماء معطيه
كله حلى واخلاق والقلب له خفاق ياليت منهو ذاق ..مبسمه والي فيه
من يوم وافيته من القلب حبيته والقلب اهديته ..حر يتصرف فيه
ان قلت له يازين لازم تجي ذالحين يقول خدامين ..وشلون ماأصافيه
لاشفت انا نهده وصل الصبر حد نخلص وانا اوده ..وبالروح انا افديه
والختم عهد الله طول العمر ماأنساه ولاأمشي على مرضاه ..وعسى الله يخليه
كلمات بشير حمد شنان


جت منك ياللي توزن العقل والروح .. لاكن بسيطه منك ولاني من الناس
ويابومحمد كل ماقلت مسموح .. واذا امرت امرك على العين والراس
تخدمك عيني ياهوى البال والروح .. لو كان تسقيني الغرابيل في كأس
ولو كان روحي من سبايبك بتروح .. تهون بأسبابك حياتي ولاباس
ولو في الجفا ياناعم العود مصلوح .. والله لاعينك بس مافيه نوماس
شافت عيوني في الهوى كم مملوح .. وبتشوف لاكنك ملك وهم حراس
والختم ياعاذل وللحب مجروح .. نصيحتي لك تقول تراني ولد ناس
كلمات بشير حمد شنان


حاربت حلو النوم وزاد الاسى بهموم ..امر علي مقسوم من خالق الاكوان
حبيت انا مخلوق من نظرتة فالسوق ..القلب عاقه عوق زادت به النيران
الهم والهوجاس احدث بي الوسواس ..مالي هوى بالناس غيره من الخلان
ان ماحصل وشلون ياربعنا تكفون ..ردو لي المضنون يرجع لي النقصان
كلمات بشير حمد شنان


دروب الموده ياهلــي مــابــها منقــــــود .. ترا النار ماتحرق سوى رجل واطيها
وانا لو جحدتك دموع عيني علي شهود .. ورجلي الى وقفت بان الخمل فيـــــهـــا
وانا يوم طالعني الغضي بالعيون السود .. جرت دمعتي ولا تمكنت اخفــــــيهـــا
بغيت اتكلم لكن في وسط حلقي عــــــود .. وبالغتره امسح دمعة العين واخفــــيها
وفي ظرف ساعه انتبه لي نعيم العــــود .. وقال انت نفسك عاليه لاتوطيـهــــــــا
وانا اشهد شاهدة حق مافي المحبه فــــود .. ولا واهني بالذي مامشى فيـــــهـــــــا
مهوب مثلي لاهقى الحاسدين رقــــــــــود .. يجر الونين وكل نجمه يسريـــــهـــــا
شريت ادويه من الصيدلــيه ولا من زود .. وجروح الهوى تعجز الدكاتر تداويها
مضالي سنه وشهرين سهران انا والعـود .. واخفف عن النفس الحزينه بلاويهــــا
كلمات بشير حمد شنان


راسي غدا يالسهيلي شيب .. وباشكي لك الحال بعد الله
ياسعيد لو اني قريت الغيب .. ماصار هاللي حصل كله
ابرسلك في طريق صعيب .. وانخاك من بد خلق الله
توصل وصاتي ولابتغيب .. لصويحب قذلته فله
ابونهود كما العنيب .. ابوزهيره على حله
وقله ترى فلان لولا العيب .. ماصبر صبر على حله
لاكن يبي الحل بالترتيب .. خل الجبل وانتحى السهله
ياسعيد انا داري انك ذيب .. والصعب تقدر على حله
والختم انا بنتظر ولا تغيب .. وان مت مايرحم الا الله
كلمات بشير حمد شنان


شكيت محد سمع شكواي .. بكيت محد رحم حالي
الله يصبرني على بلواي .. ويالله عسى الجو يصفالي
النار شبت بوسط احشاي .. من عقب ما فارق الغالي
يا زين لا تسمع الحكاي .. نقالة القيل والقالي
اهل الحسد يخلفون الراي .. ويالله عسى الجو يصفالي
ان كان رغبتك في فرقاي .. كلً ولد ناس يالغالي
وان غبت عني فانا رجواي .. في واحد في السماء عالي
يهديك لي يلرغبتي ومناي .. ويبدل الهجر بوصالي
يازين كثرت علي بلواي .. ويازين باموت عزالي
\6 كلمات بشير حمد شنان \


ارجو أن تنال أعجابكم
معا تحيات لافي بن فالح بن رديني الهدلاني

مرام
06-12-2009, 11:09 PM
تـــسلم على هالمجهـــووود الطيب
لا خلا ولا عدم
م ــرام

نواف بن هضيبان
06-12-2009, 11:16 PM
تم نقل الموضوع من (مجلس الشعر النبطي)
إلى (مجلس الشعر النبطي المنقول )

شكرا على منقولك واتمنى منك اختيار المكان المناسب لمواضيعك اخي العزيز .. واهلا وسهلا بك مره اخري

لافي بن فالح بن رديني
07-12-2009, 11:38 PM
شلون مو فهم ممكن تفهمني حبيبي نواف بن هضيبان

سالم بن شحيتان
08-12-2009, 12:21 AM
صح السانك والسان شاعرها

الله يرحمه ويرحم موت المسلمين

وطاب منقولك ولاهنت

وتقبل مروري

مزوون
08-12-2009, 12:29 AM
تسلم على النقل المميز
....مزوون....

لافي بن فالح بن رديني
08-12-2009, 08:47 AM
سلام عليكم ورحمت الله وبركته
طلعت على بعض الاشعات على الفنان بشير انه ميت معدوم في المحكمه السعوديه وبعض الاشعات الي الناس ترويه من عندها قبل بشير ليسفر حق قطر كان ويا محمد سعد الجنوبي وفهد بن سعيد عزمو السفر لقطر يكملون الساحه الفنه توفا بشير حمد شنان الله يرحمه في بيت أنسبه محمد سعد الجنوبي كانا فيه مرض في الكبد وتوفا بشير حمد شنان الله يرحمه توفا سنه 1973 وكنا الشاعر الكبير محمد سعد الجنوبي يعطي كلمات حق بشير حمد شنان وكان بشير يغير بعض الكلمات الشاعر الكبير محمد سعد الجنوبي مكان يحب بشير وكان يكره وبعدين الشاعر الكبير محمد سعد الجنوبي وبشير حمد شنان في محل التسجيلات ينشرون جلسات بشير حمد شنان وزعل الشاعرالكبير محمد سعد الجنوبي وبعدين جاء الفنان عيسي بن علي وكان يطرده الشاعر الكبير محمد سعد الجنوبي كانا عيسي بن علي مكان يعرف يغر القصايد وبعدن وفات بشير حمد شنان كمل الشاعر الكبير محمد سعد الجنوبي كمل رحلته ويا عيسي بن علي وكانا يعطيه بعض القصائد وارتحا حق عيسي بن علي وطلع فهد بن سعيد معا الشاعر راشد بن جعيثم وعلى القحطاني وبعض الشعر وكمل الشاعر محمد سعد الجنوبي ويا عيسي بن على بعداء متوفا الفنان الكبير بشير حمد شنان وفتح الطرب حق الفنان عيسي بن علي الاحسائي وهذا كلام ميه بالميه من الشعر الي كان يعرفون بشير حمد شنان توفا في مرض في الكبد ليس معدوم في المحكمه السعوديه
معا تحياتي لكم لافي الهدلاني

لافي بن فالح بن رديني
08-12-2009, 09:55 AM
يسلمك ربي ويخليك غزيز وغالي مرام

لافي بن فالح بن رديني
08-12-2009, 09:56 AM
يسلمك ربي ويخليك عزيز وغالي مزوون

لافي بن فالح بن رديني
08-12-2009, 09:57 AM
صح بدنك عزيز وغالي سالم

مشعل فهيد بن زاروط
08-12-2009, 03:14 PM
صح الله السانك وطاب منقولك
تقبل مروري

ابراهيم المجرن
05-04-2010, 11:42 AM
صح لسانك ولسان الفنان الكبير ملك العود واسطورة الفن الشعبي بشير حمد شنان

بس اتوقع ان الفنان بشير ميت سنه 1974

حمود بن فالح بن رديني
05-04-2010, 12:13 PM
طاب منقولك يالافي
تقبل مروري

سالم ابن حيا
29-06-2010, 03:37 PM
سلام عليكم ورحمت الله وبركته
طلعت على بعض الاشعات على الفنان بشير انه ميت معدوم في المحكمه السعوديه وبعض الاشعات الي الناس ترويه من عندها قبل بشير ليسفر حق قطر كان ويا محمد سعد الجنوبي وفهد بن سعيد عزمو السفر لقطر يكملون الساحه الفنه توفا بشير حمد شنان الله يرحمه في بيت أنسبه محمد سعد الجنوبي كانا فيه مرض في الكبد وتوفا بشير حمد شنان الله يرحمه توفا سنه 1973 وكنا الشاعر الكبير محمد سعد الجنوبي يعطي كلمات حق بشير حمد شنان وكان بشير يغير بعض الكلمات الشاعر الكبير محمد سعد الجنوبي مكان يحب بشير وكان يكره وبعدين الشاعر الكبير محمد سعد الجنوبي وبشير حمد شنان في محل التسجيلات ينشرون جلسات بشير حمد شنان وزعل الشاعرالكبير محمد سعد الجنوبي وبعدين جاء الفنان عيسي بن علي وكان يطرده الشاعر الكبير محمد سعد الجنوبي كانا عيسي بن علي مكان يعرف يغر القصايد وبعدن وفات بشير حمد شنان كمل الشاعر الكبير محمد سعد الجنوبي كمل رحلته ويا عيسي بن علي وكانا يعطيه بعض القصائد وارتحا حق عيسي بن علي وطلع فهد بن سعيد معا الشاعر راشد بن جعيثم وعلى القحطاني وبعض الشعر وكمل الشاعر محمد سعد الجنوبي ويا عيسي بن على بعداء متوفا الفنان الكبير بشير حمد شنان وفتح الطرب حق الفنان عيسي بن علي الاحسائي وهذا كلام ميه بالميه من الشعر الي كان يعرفون بشير حمد شنان توفا في مرض في الكبد ليس معدوم في المحكمه السعوديه
معا تحياتي لكم لافي الهدلاني



بسم الله الرحمن الرحيم
المملكة العربية السعودية الرقم 51/ط
وزارة الصحة التاريخ 7/3/94 مصلحة الطب العدلي (شهادة وفاة طبيةعدلية)
بلدة الرياض
انا الموقع ادناه الطبيب الدكتور/احمد نعمت في مستشفي الرياض المركزي..قمت بالكشف العدلي على جثة المتوفى المدعو..بشيربن حمدبن شنان الدوسري...المرسل من قبل شرطة منفوحه بحسب المذكرة المرفقة.....
والمؤرخة في7/3/1394هـ ، 1974/3/31م وذلك في الساعة 9 صباحا (نهارا)والتاريخ7/3/1394ه..........الجنس (مذكر) العمر في العقد الثالث..الديانة مسلم..التابعية سعودي.....فوجدت ان سبب الوفاةهو...بتوقيع الكشف الطبي الظاهري على جثة المتوفى عالية وجد في حوالي العقد الثالث من عمره تقريبا..لاتوجد بالجثة اية اثار اصابية ظاهرة تشير الى عنف جنائي او مقاومة ما ومن المرجح ان يعزى سبب الوفاة الى علة داخلية كامنة وكان قد مضى على الوفاة مدة اقل من يوم......صورة طبق الأصل 9/3/94

دكتور احمد نعمت..............الدكتور عبدالرحمن
مصدق مدير مستشفى الرياض المركزي الدكتور ..بدون توقيع..........
رحم الله بشير شنان

.................................
فقيد الفن رحمة الله عليه



اخوك : عاشق بشير
¸.

( `•.¸
`•.¸ )
¸.•
(`'•.¸(` '•. ¸ * ¸.•'´)¸.•'´)
«´¨`.¸.*..* "ٍغ ـاَ‘ب آلقـمـ َـرٍـرٍ ^_^"*..*.¸.´¨`»
«´¨`.¸.* *. ¸.´¨`»
(¸. •'´(¸.•'´ * `'•.¸)`'•.¸ )
.•´ `•.¸
`•.¸ )
¸.

ابراهيم بن سحلول
30-06-2010, 02:16 AM
صح لســآنــك ولســـان شــأعــرهـــأ

وطــــاب منــقــولــك الــرآئـع

تــقــبــل مــروري وتحيــأتـي

سعود عادل
22-09-2010, 06:33 AM
صح السانك ولسان شاعرها

وطااب منقولك الجميل

تقبل مروري

البويعي
05-10-2010, 04:01 AM
الله لا يهيننك على البيات الحلوى صرحه ok تقبلل مروري

فهـد بن تنيش البريكئ
05-10-2010, 04:20 AM
لا هنت اخوي لافى .. ولكن انا في بيت لـ بشير / ابو حمد وهو ؟


( ما دامنى في مثل ذا الغار مقروص = وش لي بـ قارن خابرن فيه دابين )

تقبل مروري .. ولا هنت :)

صالح الوسام
07-10-2010, 08:40 PM
صح السانك والله يرحمه وطاب منقولك
تقبل مروري

الجرناس
07-10-2010, 10:36 PM
صح لسانك وطاب منقولك

الجرناااس

فهد بن محجان
29-04-2012, 11:44 AM
صح السانك والسان شاعرها

الله يرحمه ويرحم موت المسلمين

وطاب منقولك ولاهنت

وتقبل مروري