تــغــطــيه كــامــله لــحفــل زواج عـبـدالله بـن مـصـبّـح الـعـا ز مـي

[سلطان العازمي]

http://www.l22l.com/l22l-up-4/dc53a99fa9.jpghttp://www.khozamanajd.com/vb/images/smilies/hala03.gif


http://arabcafe.**********************/aa11.gif

بسم الله الرحمن الرحيم
الاخوان والاخوا ت الكرام اسعد الله ايامكم ولياليكم بكل خير وسعاده
يسرني ويسعدني ان اقدم لكم تغطيه كامله بحفل الاخ الفاضل عبدالله بن مزكّي المصبّح العازمي
وهذي المناسبه عزيزه على قلوبنا جميعا" كما قيل عدد من القصائد بهذه المناسبه
من كلا" من الشعراء الموضحه اسمائهم وهم كا لتالي
الاول الاخ عبدالله مصبح عايد العازمي رحب بهذه الابيات الجميله القاها عنه الشاعر عبدالرحمن الفهيدي مشكورا"

حيالله اللي علمهم يرفع الراس= شعار جزلين المعاني بالابيات
شعار وايل بالمراجل لهم ساس = وشعار مكلب من فحول الشرارت
وشعار عازم كاسبة كل نوماس= وكل الحضور اهلابهم بالقريات

كما القاء الدكتور نهاربن مزكّي عايد المصبّح كلمة ترحيبيه بهذه المناسبه تطرق فيها لأمور كثيره
منها امور العنوسه ومشاكل الطلاق وان حلال الاسر وماهي الدوافع
وماهو مدا تاثيرها على المجتمعات الاسلاميه
بعدها بدأ الحفل :


2 الشاعر / عبدالرحمن بن عبيد الفهيدي العازمي

جيت من نجد العذية يـم ربعـي بالشمالـي
........................جيت اشارك واتعلـل عنـد راع المقدريـة

حفلـة الغالـي علينـا نعتبرهـا بالكمالـي
......................................يـوم عبـدالله دعانـا بالسلـوم الاولـيـة

الليالـي كلبوهـا والله ابــرك هاليـالـي
.....................................ليلةٍ فيها نبـارك والخـوي يذكـر خويـة

فرصةٍ فيها نشرف حفلكم يابـن الرجالـي
....................................ياولد رجلٍ سمعنا عنه مـن طيـب وحميـة

عازميٍ من عـوازم ماتهـاب أول وتالـي
..........................................سجلوا تاريخ يذكـر فـي ليـالٍ صيرميـة

عزوةٍ تعرف لياركب الرشا فوق المحالـي
.......................................فوق أصيلات الخيول وبالرماح السمهريـة

شامخين الروس من بين العرب والقدر عالي
...............................................يشه دون الناس والسيف المحـدب والعبيـة
يامن الخايـف بظـل سيوفهـم ولا يسالـي
.........................................والخوي يلقا الوفاء والطيب والنفس الرضية

يحشمون الجار والعليا مـرام وراس مالـي
..............................................ويقل ط الخاطر على منسـف ودلـة شاذليـة

والقبايل ماعليهـم زود وافيـن الخصالـي
.............................................محتمي ن ديارهم وقـت الرخـاء والجاهليـة

والتحيـة يابنـي عمـي حقيقـة لاخيالـي
..............................اعتبرها من صميم القلـب ياربعـي هديـة

الشاعر عبدالرحمن الفهيدي
بعدها القى
الشاعر / حمد عقلا المداهين الشراري

ابـدا بـذكـر الله عـلى كـل بــــادي *** اللي رفع بالكـون سبـع السمــــوات

عليه فـي كـل الأمـور اعتمــادي *** يـالله لاتـجعـل بـالأقــــــــوال زلات

يامرسل بالحق لأرض الجهادي *** ومن يتبعه نال الشرف والكـرامـات

ومن بعد ذكره مايسجل مدادي *** جــزل المـثل باهـل الوفـا والمـروات

حق علي ومن طريق الرشادي *** مـدح الرجال اهــل الفـعول الثمينـات

اللي لهم بالجود بيض الأيـادي *** والهم بصعبات المواقيف بصمــــات

منهم الا عــدو كـرام المبـادي *** أبـو نــهـار اللـي فــعولـه جــــزيــلات

شيــخ تعلا ذروة الـمجـد بـادي *** يــوم اتـقـا غيــره بصـكات الأزمــات

زيــزوم قـوم للعــوازم قيــادي *** للي بجمــــــاجـم ســــاكـن والقريــات

شيـخ يسمى شيـخ عـلم وكـادي *** ولا كــل شيـــــخ يستـحق الشـهــادات

بيته لعصمان الشوارب ينـادي *** مـــاصـك عـن عانيــه بــابــه بـرزات

كل يعرفه حضرها والبـوادي *** امـــا ضـــيـوف جـــــوه ولا لحـاجـات

دليل منجوم عن الدرب غادي *** لـه في سبيـل الخـير صــوله وجـولات

ليث الا هاب الذليـل الربـادي *** للــــقـمــه العـليـا عــــزومــــه بعيـدات

مدحي لمثله من طريق السدادي ** ومـــن نـال مثـلـه يستـحـق الأشــادات

مـزكّـي بن عـايـد كريم جــوادي ** ترفـع لـه البيـضا بـروس الرفـيـعـات

يابو نهـار اقـول والقـول بــادي *** فـي حفـلـكـم ماسطـر الــزاج بابيــات

عــسى ليـاليـكـم تــدوم بعيـادي *** وعــسـى فرحـكـم عامــر بالمســرات

الشاعر / حمد عقلا المداهين الشراري
بعدها جاء دور

الشاعر / كاتب بن خلف عريفج العنزي

يالربع جيت ومقصــدي طيب الفـــال ***اقــطـع مسافـات الديـارالبعيــده

صوب الشمال وجيتي لأجل رجــــال *** عبـدالله مـزكـّي ونعـم البـديــده

تشريف لــه ومشـاهــدة طيب الخــال *** فـي ليـلـة فيـهـاالمشـاعـرسعـيده

مــاردنــاعـن جيتـه كـــثرالاشغــــــال ***؟والعــذرعيــّالايشــيلــه بــريـده

فرضا"علينـايفرضـــــه طيب الافعــال ***؟ياهــل المكارم والنفوس الحميده

مبروك عـرســك يامــواريث الابطـــال ***؟عـسا سنــيـنك كلـبوهـاجـديــده

واطلب لك التوفيق مع طيب الاعمــــال ***؟وعســاك تاصل كل شئ تريده

مـانـي بشــاعــربـس هـــاوي للامثـــــال ***؟مجمـل خواطرماتسمى قصيده
وأيضا القى القصيده التاليه:
جيت من ربعي لربعي بالقريات الحبيبه *** واندفع واهيم كلي كل مــــــــاقالوا شمــــــالي

والعلوم الوافيه ياهل الوفا ماهي غريبه *** والمعرفه مكسب الرجال في عرف الرجالـــــي

يامنشدني عن الغيبات مالك بالمغيبه *** غيبتي عند الرجال اللي يفـــكون التــوالـــــــــــــي

والله اني من تبوك لدارهم سقت النجيبه *** وبالغلا عندي تــراهم منزلة عمي وخـالــــــــي

الوصل لهل الوصل واهل المواقيف العريبه *** ماجحدنا موقف اهل الجود واكرام السبالي

وبيض الله وجه ابونهارله قدر وهيبه *** شيــــخ علم وشيـــــخ حلم ومدركا كل المعـــالـــــي

والله انه جامع غير الكرم هيبه وطيبه *** وارثا مـــجد الكـــهول وفيه وصى للــعيالــــــــي

يالله انك تحفظ الطيب وتكفيه المصيبه *** وياعـــساه مجار من شر المصايب واللـــيالــــي

ويامزكي لو كتبنا الشعر والخافي نجيبه *** مـــاوفيت بــحق شخصك وانت قدا للمقــالـــي

ومن يحوش الطيبه قالوا تراها من نصيبه *** وانت وافي ياعريب الجد ياشهم الخوالــــــي

قلتها وليت المسافه بيننا دايم قريبه *** كان ازورك كل مابطي عنك لاجلك حيل غالــــــي

واتسلا في علومك واخذ علوم عجيبه *** واشرب الفنجال في مجلسك من صفر الدلالــــي

وماتبعدنا الديار ولا تنسينا المغيبه *** والله انك حــيل غالي والله انك حـــيل غــــالــــــــي
الشاعر / كاتب بن خلف بن عريفج العنزي
بعدها جاء دور الشاعر/ عايد بن جظرم الشراري
وقد ترك حفل زواج اخيه بنفس الليله لحضور هذا الحفل فله من جزيل الشكر

لـي الشـــرف يـــوم اتعنـا لشـــرواك *** ولي الشرف كل الشـرف في حــضــورك

يـالطيـّب اللـي نــادرات مـزايــــــاك *** يـاطيّبـــــــــــا" ماضـيـك يشهــــد لــدورك

ابـادلـك بافــراح قلبــك وممـشـــــاك *** انـا شعـــــــــــوري بالمحبـــه شعـــــورك

نفـرح الا شفـنا على الـزرف دعـواك *** سـرور قلبــي يــوم رفــرف ســـــرورك

يامن على الطـولات تتعـب مطايــاك *** وعلى الرجــولـه طال مضـرب شبــورك

القاف يزهي مـدح مثلـك وشــــرواك *** عــــــــزالله ان القــــاف نـــور بنــــورك

اقبـل تحيــة مـن علـى النـاس بـــداك *** دور الأخـــو خـــلاه وابــدا بــــــــــدورك

يابو مـزكّـي شـرف الــرب ملـفـــاك *** الله يجيــــــرك عـن مصايـــب عـثـــورك

يابو مزكّـي شـامخـــات مـــزايـــاك *** طيبـك سبـب هـذا الشمـــوخ وحضـــورك

عالـي وعـالـي عــزز الـرب مبنــاك *** وفخـــر الرجـال القـادمـه مـن فخــــورك

ابوك قبـلـك ســـابـق الطيـب يمنـــاك *** قبــل تـلاطـــم بالسفــايـن بحـــــــــــورك

ماخاب ظن اللي على الطيب ربـــاك *** يـانـايـل الهـومـــــــات يكـفـيـــــك دورك

الطيــــب والتمجيـد بالجــود غــــذاك *** الطيــــب نـبتـه نـابـت مـن جـــــــذورك

من ساس ربع من سـلاطيـن الأفــلاك *** ربــع تعــزز بالصحـــايـــف نشـــــورك

الشاعر / عايد بن جظرم الشراري
بعدها تقدم
15( الشاعر / محمد بن معتق العنزي
سلام عليكم ورحمة الله وبركـــاته *** باللي حضر للحفل أو جاه من بــــــرا

وبعد السلام انحيي في تحياتــــــه *** أبو نهار اللي بحــفـل اليوم مستـــــرا

الشيخ مزكّي تلفظ في عباراتـــه *** يـقـول يوما مثل هــاليـــوم مــــامـــرا

سعادته ماتوصف غــــامره ذاته *** وحضوركم شــرفـه باللـيلـه الغـــــرا

لمت احبابه وجاره مع جمـاعاته *** هـو يعتبرهـا هـنا ونـوعـا من البـــرا

العرس لأبنه دامت له سعاداته *** لعـل زرعــــه بكـل الوقـت مخضــــرا

عبدالله الله يسعده في كل حزاتـه ** عـز الخـوي والصديق احـلى مـن الـدرا

الله يطـيب مســاه وكـل ليلاتــه *** يقــــــربلـه الخـير ويبعـد عنـه الشــــرا

أبوه شيــخ وافي في جـمالاتـه*** هـو عـز من لـه عنـا ضـايـق ومـضطـرا

حيثه علم الرجال بكل وقفاته *** مـتواضــع ماهــو بكبـر النفـس مغتـــــرا

واذا سمحلي ابذكر بعض ميزاته ** قـولا على فعـل لـو يطـول مــــاضـــرا

الطيب والأخلاص هوساس عاداته ** ورثـن من ابـوه عـلى فعـلـه امـضـرا

ولو قلت مهما قلت مانوفي بصيفاته ** لأن القصيده توقف فوق حرف الـرا

ربعه عوازم وعزه وقت نخواتــــه *** عــدوهـم يجـرع الويـلات والـمـرا

ذاقول شاعر مـاتاجـر فـي مقـالاتــه *** مابيع صفوت قصيدي دام انا حرا

وشعري لغير الكـفـو ماطلع ابياتــه ** ولا اضرب حساب الردي لو قام يتزرا

الشاعر / محمد بن معتق العنزي


http://www.al-wed.com/pic-vb/103.gif
http://www.onaizah.com/1/fgody/b/4.gif

http://sultan118.**********************/ghoh%2011.jpg

[سلطان العازمي]

http://www.l22l.com/l22l-up-4/8c0a6e469e.jpg

جانب من الحضور
بعدها القى

( الشاعر /الشاعر محمد بن عايد البوجان الشراري

بـديت باللـي بنـا سبـــــــع الأطبــــاق *** الواحـد اللي عـالـم بالســريـره



سبحان من قسم على الخلق الأرزاق *** الكـون كـلـه جـل شـانـه يـديـره



ومن بعد ذكره صغت قافي بالأوراق *** لشيـخ مقـر الجـود ربي يجـيره



القـــاف في مـدح الرجـاجـيل ينسـاق *** اهل الفـعول الطـيبـه والشهـيره



اللي علـى الطـولات تقـدم وسبــــاق *** تنصى بوقت الضيق من كل ديره



منصى وتنصى عند نشفات الأرياق *** مـزبـان عــادتهـم تحـل العسـيره



امثال شيـخ مـاكـره فـوق شــوهــاق *** صميـدع ياعــز من يستـشيـــــره



أبو نهــــار المــدح يـزهــاه بهــلاق *** مـزكّي بن عـايـد مكــرم قصيــره



مثل النـداوي كـامـل الوصف لحـاق *** شيــخ يشـرف منـطـقـه وتعبيــره



ومع الكرم شيخ جمع حسن الأخلاق *** وعنده على الطولات دافع وغيره



ولأفــــراحهـم قـلبـي مــود ومشتـاق *** حيث المعـــزه والـمـوده كـبيــره



وبافراح نجـله جزل الأبيـات تنسـاق *** عبدالله مـزكّـي مشـرف مسيـره



عبـــدالله اللـي بـالـوفـــا نــادر فـــاق *** وأخوانه الوافـيـن عـز وذخيـره



الله يـوفـقـهـم على حـسـن الأوفـــاق *** وعسى الولي يضفي على الكل خيره



وصلاة ربـي عــد مــالاح بــــــراق *** على الرسول اعداد ماخضر محيره

الشاعر / محمد بن عايد البوجان






( بعدها الشاعر المعروف جاسر بن غضيان الشراري في قصيده مدح العوازم مدحا يستحق الثناء والرد عليه من قبل شعرائنا الكبار لأنه شاعر كببير ومعروف في السعوديه والكويت:



طاب المكان وصار لشعر ميـــــدان *** وراع الشعر كن القصايد وريده



ونا وديـوان العـرب حيـل صدقـان *** وعلاقتـي مع القصــايــد وطيــده



مســـاكـم الله يالعــوازم بالأيمـــان *** وكــل ينـال اللــي يبيــه ويريـــده



العرس له روعه وفرحه ونيشــــان *** ولا العزوبي وحدته وش تفيـده



يالعــازمي ماجيتــــك الا علشـــان *** اشـــاركك بمناسبتــك السعــيده



من يـــوم ماكلمتني جيت عـجلان *** ولو ردت قلت ان المسافه بعيده



لاشــــك مثلك نــاصـله يابليهـان *** ولي الشرف يوم اشترك بالقصيده



وان القصيده تفتــخر باهـل الشـان *** عــــــــــوازم ياحـي والله بـديده



كرام الوجيه اهل الوفا طوال الأيمان ** شم الخشوم اهل العلوم الحميده



لهم الفخر في صفحة المجـد عنــوان ** من يوم ماكانوا لعصر الجريده



ولاجيت ابا امدحهم على راس مابان ** ميزانهم بالمدح عالي رصيده



عسى المـصبّح بالسعد كل الأحيــان ** والخير فيهم والصفات المجيده



اهل الكرم والجــود ذبـاحـة الضـان ** زود على همف الخشوم الفريده



ماقـلتـهــا زور ولا هلـقـت الســــان ** مـابـالعـوازم واحـد تقصر أيـده



لاجـيتهـم تلـقـى مجـالـس وصيـوان ** لضيف والطرقي وراعي الوعيده



ارداهم اطيب من همـاليـل الأمـزان ** ياسعد منهم بالملازم عضيــــده



وعـذروبهـم لاشــح بالمـال كوبــان ** صب السمن يوم السنين المكيده



ولا بالقـبـايل والأجــاويـد نقصـان ** قــول المـثل كـل ذراعــه تـزيـده



في ظل زيزوم الجزيره كـحيلان ** الحـــاكـم العـادل وشعبـه شهيـده



ستر الوطن عن كل طامع وخوان ** يمناه في جـزل العطايا وحيـــده



جزاه ربي عن شعوبه بالأحسـان ** ويمهـلـه بعمــره سنيـن عديـــــده



واعود للموضوع من حيث ماكان ** عسى الفرح فيـكم سنينه مديــده



وكل العــوازم دون عــد وتبيــان ** من واحد مـــدح النشـامـا يجيــده



هـذا وصلوا عـد ماشــارق بـان ** على النبي اكــرم وأطـهـر عبيــده



الشاعر / جاسر بن غضيان الشراري







)8( بعدها الشاعر/ محمد بن دويشر النصره الشراري

الليله السهره اولع قناديلــــــــــه *** واشـعــل فـتيـل القـصـيـد بليـل عشاقــــه



ابا اجذب الصوت واردد مواويله *** والوح مثل شعاع الشمس الضوح براقه



واخذ من اجمل ورود الورد واهديله ** لما يتوافـــــا حلاهــــا دوم مشتاقـــــه



آخذ من الجزل واترك مهــــازيلــــه ** حرصا على اللي يعرف الشعر ذواقه



واهدي لرجل الوفى من طيب قيلــــه ** حــرا يمينه بفعل الخيـــر سبـا قــــه



شهم لكسب الثنى يتعب مـــراسيلـــه ** نفســه لفـعل الثنى والجـــود تواقـــــه



مــزكّـي اللي نفــل بالغانمـه جيلـــه ** طــابـتلـه الطيّبـه مـن طيّب اعمــاقـــه



كل الليالـي حـلا ويامجمــل الليلــه ** شعشـع سماهـا فـرح ووردهــا بــاقــه الشاعر / محمد بن دويشر النصره الشراري



بعدها القى الشاعر / علي بن بركه الكريباني العازمي هذه القصيده:


يامرحبا وهلا عدد ماخضر العود =وعداد من لبا وبالبيت طافي
وعداد مزنن مقدمه برق ورعود = غشا على البيدا سحابه ضفافي
بحفلت ربوعن ساسهم منبع الجود = اعيال ابن عايد لها الماد وافي
وعزالله ان الطيب حاشوه باجهود = بمدت يماني ماخضعت لنكافي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ

سلام من فيض المشاعر والاحساس= مثل المزون الي يسبح رعدها
من هاجسن لا نضم الشعر ماحتاس = يسلك مساليكه ويضمن عددها
وينضم معانيها علي وتر و قياس = جزل القصايد صاغها واعتمدها
وسقنا شواردها على خمس وسداس= في مجد زاهر بالقبيله وحدها
تاريخها مجدن له انكون حراس = في معجم الانساب دون نسبها
بحفلت هل الناموس والعز والباس= عوازم تفخر باصالت عربها
معربين الجد والساس من ساس = ساسن عريبن ماندفن في لحدها
و عبدالله مزكي ولد حر قرناس = اشيوخ بلقوات ثبت جهدها
من ساس ربعن لاركبو قب الافراس= كم قالتن بالكون كلن شهدها
ومن زودالكيلات وبليس خناس=هدمت مقامت من حباله وردها
ومد الخيال الي على كل نبراس=الرجال تافي لوعدت في وعدها
وانا بحفل الي بهم يرفع الراس = راسي رفيعن برتفاعت عمدها
وتشريفتي حفل المناعير نوماس = عندي كما عيدن ينور بلدها
وختامها بذكر الي له تعيد الانفاس= ربن عزل هتانها عن بردها
بعدها القى القصيده التاليه:

لابو نهار ازكى تحيه وتقديــــــر *** شيخ(ن) على الطولات يثبت وجـــــوده

حلحيل حلال العقود المعاسيــــر *** موارد العطشان صـــــافي عـــــــدوده

رجل(ن) يواجه بالجمايل مخاسير *** ولاثنى طـــــــير السعد عن سنـــــوده

يكفخ بجنحان السعد صبح وعصير** ويضرب على الكـــايد ولاحد(ن) يكوده

وحــكيم راي ونظرته نـظرت اللغير** متعاقبين الطــــــــيب ترثت جـــــدوده

وحمات من حن(ن) وصك(ن) على ضير** يرعـــن بحماهم زمـــاليق عــــــوده

هذا ولد (عـــايد) ســلالت مـــــــــناعير**عـــوق الخصيم اليا تعدا حــــــدوده

وريــف الضــــيوف اليا لفوله مسايير** البال يضـــحك والسواعد زنــــــوده

ولا يكون في هرجي نقادة وتقصير ** الباحث المــــغوار اول شهـــــــوده

يشهد شـهادة حق واف الأشابـــــير** عبدالله الهران شـــاهد جـهـــــــوده

وصلاة ربي عــد مــارفــرف الطــير** على رسول(ن) واضحات(ن) بــــنوده

[/QUOTE]

[محمد الرميـح]

الاخ العزيز سلطان لاهنت على هالموضوع اللي خلانا نفرح بأخونا عبدالله بن مصبح

للامانه الرجل دعاني ويعلم الله بالظروف والا عزيــز وغالي ابومصبح

الله يسعده ويبارك لهم ويستر عليهم ويصلح ذرياتهم بإذن الله ومبروك ياعبدالله





اخوك



محمد

[سارة]

الله يبارك له و يهنيه و يستاهل الشاعر عبدالله بن مصبح

و يعطيك العافية أخوي سلطان العازمى على التغطية الرائعه ..

[جراح العازمي]

الله يبارك له ويسعده دنيا واخره ان شاء الله

ويستاهل اخونا عبدالله


ومشكور اخوي سلطان وماقصرت علي التغطيه الرائعه

[زمـــ(الصمت)ـــن]

اخوي سلطااان الله لايهينك علىى هالموووضووع وجزاك الله خير

[العليا q8]

الله يبارك له و يهنيه و يستاهل الشاعر عبدالله بن مصبح

و يعطيك العافية أخوي سلطان العازمى على النقل الرائع

تحياتي ..

[محمد التويمي العازمي]

الله يبارك له ويسعده دنيا واخره ان شاء الله

ويستاهل اخونا عبدالله


ومشكور اخوي سلطان وماقصرت علي التغطيه الرائعه

[سبي النواظر]

الله يهنيه ان شاء الله
ويوفقه في حياته
يعطيك العافيه اخوي وما قصرت

[غلا_ابوها]

صـــــح الـــســـآآآآآنــــك والــــســـآآآآآنـــهـــم جـــمـــيـــعــآآآآ

ويـــعــطــيــك ألـــف عـــآآآآآفـــيــه أخـــووووي ســلــطــان

والــلــه يـــهـــنــيــه يــــآآآآآرب ويــــووووفـــقـــه

[الينبوع]

الأخ الفاضل الشاعر سلطان العازمي

أشكرك على هذه التغطية الأكثر من ممتازة وهذا الجهد الرائع والموفق

في جمع قصائد تلك الحفلة الشاعرية وصياغتها بأسلوب جميل بتواجد هذا الكم من

الكبير من الشعراء بزواج اخينا المبارك والموفق عبدالله بن مصبح وأيضاً بما

اتحفتنا من جزلٍ للمعاني في تلك الأمسية التي لا تنسى ..



تقبل كافة تقديري على هذا الجهد ..


تحياااتي

[راعي العشوا الطبيجي]

الله يبارك له و يهنيه و يستاهل الشاعر عبدالله بن مصبح

و يعطيك العافية أخوي سلطان العازمى على التغطية الرائعه

[مزاجي]

الاخ سلطان مشكور على التغطيه والله يبارك ويوفقك بن مصبح لما يحبه ويرضاه

[فزاع]

الله لايهينك أخوي سلطان العازمي على النقل ,,

والشكر كل الشكر لشبكة مجالس قبيلة العوازم الهوازنية لتواجدها في موقع الحدث ,,

وبالتوفيق ان شاء الله لعبدالله بن مصبح ,,

والشكر لجميع الحضور والشعراء المشاركين وحياة سعيدة ان شاء الله ,,

شكر سلطان العازمي ..

[AL_Ms7ME]

ولو انها متأخره بعض الوقت ولاكن نتمنمى من الله العزيز القدير ان يبارك للشاعرعبدالله المصبح ابن الشيوخ الكرام 0 كما نشكر الاخ سلطان العازمي على هذا النقل الطيب
تمنياتي لكم وللمنتدى التوفيق
والسلام عليكم ورحمة الله وبركاته

[سحايب العازميه]

الله لايهينك أخوي سلطان العازمي على النقل ,,

والشكر كل الشكر لشبكة مجالس قبيلة العوازم الهوازنية لتواجدها في موقع الحدث ,,

وبالتوفيق ان شاء الله لعبدالله بن مصبح ,,

والشكر لجميع الحضور والشعراء المشاركين وحياة سعيدة ان شاء الله ,,

شكر سلطان العازمي

[عبدالله الصواغ]

الله يبارك له ويسعده دنيا واخره ان شاء الله

ويستاهل اخونا عبدالله


ومشكور اخوي سلطان وماقصرت علي التغطيه الرائعه

[مشاري بن أحمد العازمي]

الله يبارك له

[المهيني]

صح لسانك وتسلم ايدك