قصة وقصيدة / ظيـــــــــــــــــــــــــــــف العوازم

[(الفهيدي)]

نزح سالم الغريقان الاسلمي الشمري من ديار شمر في شمال غرب عالية نجد للمنطقه الشرقيه بعد سقوط حائل بيد قوات الملك عبدالعزيز رحمه الله وبالتحديد في عام 1350هـجري ونزل على العوازم وكان في تلك الايام لايملك سوى جمل واحد يشيل عليه اولاده وزوجته وعندما جاء بقرب بيت الامير عيد بن جامع رحمه الله انزل اولاده وعمل لهم حضيره من الاشجار ودخل هو بيت الامير وقال له الامير لماذا لاتدخل العائله للبيت وقال العائله كبيره وتضايق اهل البيت وقال له الامير طيب الله ثراه الظيف لا يضايق العوازم ادخل اهلك البيت ودخلو بيت الامير وامر في اكرام الظيف وفي الصباح ارسل الامير زوجته للنساء العوازم وطلب حضورهن جميعا وعند حضور النساء قال كل واحده تذهب لبيتها وتاتي ومعها عمود ومخيط وحبل وشقه من البيت وفعلا احضرن ماطلب منهن وامر بعمل بيت للظيف وبعد الانتهاء من البيت طلب رجال العوازم المتواجدين بالنزل وقال كل منكم يذهب لبيته وياتي ومعه واحده من الضان وولدها معها وتم تلبية طلب الامير وجمع العوازم للظيف اكثر من خمسه وثلاثون من الغنم وقام الامير ووهبه عدد من الجمال والابل ومكث معهم ثمانية اعوام ثم عاد لجماعته بعد زوال اسباب نزوحه وروى قصته لجماعته وكان حاضر القصه احد العوازم وهو الشاعر العم / هظيبان بن سرحان الفهيدي العازمي وهو مازال على قيد الحياه اطال الله بعمره وقد بلغ من العمر 98 عام وعند سماعه قصه تشرف العوازم هاضت قريحته بهذه القصيده :













doPoem(0)












سميـت بالعبـود معطـي عطايـاه = الواحد اللي فـوق راسـي اظلالـه




قصيرنـا الوعـال ندمـح خطايـاه = نرفاه عن عيب العـرب والرزالـه






نعده حدا الشيبان ونمشي على ارضاه = وحلالنـا يـا سعـود عـده حلالـه






ليـا نـزل بالبيـت جنـه هدايـاه = امـا الجمـل والا امهـات الشمالـه






وليا عطـا المعبـود حنـا عطينـاه = عاداتنـا للضيـف نرفـا خمـالـه






البخل خله يقطـع الـرزق لا جـاه = والا الكـرم عنـد النشامـا جمالـه






وضيف ابن جامع قلطه ثـم عشـاه = وحط الغنم والبيـت ينـزل الحالـه






والزمل جابه ثـم نوخـه ثـم ثنـاه = لاشـدو العربـان دنــا ارحـالـه






وعقب ثمان اسنيـن قفـن مطايـاه = يـوم اغتنـا قـام يتطـرا ارجالـه






وبكا وهم بكـم مـن قشـر فرقـاه = ومن الغـلا قامـت تباكـا اعيالـه






وياول ياخطو الولـد خـاب مجنـاه = يبـا يبـرد افعولنـا مـن اهبـالـه






تراء الردا والطيـب بالعفـن تلقـاه = امـا اجذبـه ابــوه والا خـوالـه






وكل العوازم توصل الطيـب منهـاه = اللـي نـزل بالشـرق والا شمالـه






والا الردي لوهو حضـر ماحسبنـاه = عـن المراجـل قاصـراتٍ احبالـه


























التوقيع : قال الفـهيدي في حسينــــات الالحان @ ابيــــات للتـــاريخ تبــــقى وديـــعه




حنا عـوازم من هـــوازن وعـــدنان @ اولاد عــــازم من ســـلالة ربيـــعه
تاريـخــنا معروف من ماض الازمان @ وانسابنا وســــط القـــبائل رفـــيعه
وعاداتنا مثل العــــرب دون نقصان @ نمشي بحـــكم الله وحـــــكم الشريعه
وصــفاتنا بالحــرب بالعون شـجعان @ اللــــي يبي من حـــفنا ما نطـــــيعه













آخر تعديل عبدالله بن مصبح يوم 12-02-2006 في 02:17 PM.
http://www.alawazm.com/vb/alnad3rgold/buttons/reputation.gif (http://www.alawazm.com/vb/showthread.php?t=5097#) http://www.alawazm.com/vb/alnad3rgold/buttons/quote.gif (http://www.alawazm.com/vb/newreply.php?do=newreply&p=67118) http://www.alawazm.com/vb/alnad3rgold/buttons/quickreply.gif (http://www.alawazm.com/vb/newreply.php?do=newreply&p=67118) http://www.alawazm.com/vb/alnad3rgold/category/don_rigth.gif http://www.alawazm.com/vb/alnad3rgold/category/don_center_i.gif







</FONT></FONT>

[محمد الرميـح]

الفهيدي لاهنت على هالموضوع الممتاز اللي يذكر تاريخ القبيلة

تقبل تحيات اخوك الرميح

[مشاري بن أحمد العازمي]

هذا كرم قبيله العوازم

والشمر فيهم الخير والبركه ويستاهلون كل خير

شكرا اخوي الفيهيدي على الصقه والقصيده

لاهنت