يوميات ..جــاســم مــحــمــد vs صــالــح مــبــارك ...

[جاسم محمد]

السلام عليكم ورحمه الله وبركاته


اخواني .. اعضاء هذا المنتدى الصرح


انا لا اجيد المقدمات ... ولكن


في هذا الموضوع ستجدون مقتطفات ( متجدده ) من ابيات مساجله بيني وبين الشاعر صالح مبارك ..



اتمنى ان تروق لكم ,,,,





دمتم سالمين :)


الإدارة : المتصفح لـ صاحب الديوان فقط ,, ويمنع الرد من قبَل الأعضاء الكـرام

[جاسم محمد]

جاسم ..


أعاتبك .. وادري فيك ما انته بحمل عتاب=ولاهو على شاني بعاتب .. على شانك
وبكره ليامن قفّلو دونك الابواب=تعرف التناقض بين ربعك وعدوانك


صالح ..


ياغايب .. ترى قلبي بعد صدتك منصاب=وانا مقتنع في قوله (لسانك حصانك)
رحلت ونسيت الحب ولا ذكرت اسباب=وانا كثر ما احبك بديت اعشق اخوانك

جاسم ..


بعد غيبتك ماسرتك نضره الاحباب=وياكبرها كلمه .. ليا جت من لسانك
ابذكر غلاك ان مرني طيفك الكذاب=واذا ضايقتني سيّتك . بذكر احسانك

صالح ..



عليك الضلوع تتوق . وان شافتك ترتاب=وانا اشوف حبك لي من نضره أعيانك
هذا وقتنا الفايت يوم ان القلوب قراب=قبل ما اكره مواصلك . واحب نسيانكجاسم ..


هذاك أول .. ادور وصالك من الاعجاب=ادوّر عليك بلهفتي واجلس وزانك
وهالحين .. لا والله عفتك وجرحي طاب=بعد خنت باللي صافين لك ولا خانك

[جاسم محمد]

جاسم ..


ياصاحبي يابو العيون السود=بلاش من نضراتك الحادّه
اهواك واعشقك بليا فود=ومرخص معاك النفس والمادّه
صالح ..


عن باقي العربان كلك زود=لكن نفسك بالهوى صادّه
اقول لك لارحت . مو مفقود=وكل يوم اجي واروح بالجادّه
جاسم ..


تغيب ماتدري وش المقصود=وكل يوم مر بغيبتك . عادّه
صديت عني والغلا موجود=وكف الوفى ياغايتي مادّه

صالح ..


حبك ترى وسط الحشا موجود=وان زاد صدك لي ماني هادّه
اشقيتني ياحضي القرود=حتى النظر ماهو علي لاادّه

[جاسم محمد]

جاسم ..


الآدمي ماهو خليّ امن العيوب=ارجع على ماضي حياتك كلّها
وحاول تتوب . اذا قدرت انك تتوب=من بعدها أدّ الفروض وصلّها

صالح ..


الآدمي ماهو على الذنب مغصوب=يامل نفسن مذنبه ياملّها
نفسن تغطيها الخطايا والذنوب=لعلّها تلقى فرج . لعلّها

جاسم ..


تقولها .. واقول ماصار محسوب=وامن الخطا . ناسن تموت بغلّها
اسمع ترى ياصاحبي ماني كذوب=وان جيت لك ناسن غشيمه . قلّها

صالح ..


للي نوى بالذنب ياكثر الدروب=ودروب فعل الخير كلن دلّها
للواحد القهار غفّار الذنوب=أذل نفسي وافتخر في ذلّها
جاسم ..


تنوب ولا ياعشيري ماتنوب=الصدق خاوه . والبشاعه خلّها
خلك بوضعك لاتدخل بالحروب=وان طعتني غن البيوت وشلّها
صالح ..


نوبن يفيد الهرج ياجاسم ونوب=ماينفع اللي مستحيل يحلّها
ما اقسى من الدمعات والجرح العطوب=ياكود شجره مايضلل ضلّها

[جاسم محمد]

صالح ..


ياللي بعد فرقاك قمت أعاني=باب المفارق لو تكرم (سدّه)
لو كنت تذكرني ولا تنساني=ماباح لك قلب المعنّا (سدّه)

جاسم ..


ياللي على شانك بدعت ألحاني=وقلبي لك احساسه . وتملك (ودّه)
اشتاق لك وانت تعرف تجفاني=وقلب المعنّا كل ليله (ودّه)
صالح ..


ودي بشوفك يابعد خلّاني=ولا أنت نفسك بالهوى (مرتدّه)
لاجيت أقول أحبك امن لساني=جت هجمت(ن) من عاذلي ( مرتدّه)جاسم ..


ياما تحملت الغلا وأشقاني=ومن يوم غاب وكل يوم (أعدّه)
وشلون ينسى حبّي ويجفاني=اللي مكان القلب كنت (أعدّه)صالح ..


لو زادو بمر الزمن خلاني=حبك ترى محد(ن) يقرب (حدّه)
أخذك عن لقياي واحد ثاني=والشوق واصل وسط قلبي (حدّه)

جاسم ..


قلبي عطاه امن الغلا مجّاني=وشلون يجحدني ويجحد (مدّه)
من يوم فارقني وأنا وحداني=وانا اتحرّى جيّته من (مدّه)

[جاسم محمد]

صالح ..


ياحبيبي رد لي واذكر غلاك=كان ماعندك على بعدي صبر
لي ثلاث سنين صابر في هواك=والفراق يزيد .. والحظ أغبر

جاسم ..


انت في قلبي وعارف مستواك=ممتلك قلبي وحبّي لك كبر
ليتك تعرف التشتت والهلاك=كان تاخذ من مفارقنا عبرصالح ..


اذكرك لارحت مع هذا وذاك=وانثر الدمعات لو طيفك عبر
كل يوم أمر بيتك من غلاك=ثم أعوّد منك ماحصّل خبر

جاسم ..


والله اني ماتهنيت بلقاك=شفتك .. وصدّيت عضمي ماجبر
شوف عيني وتعرف معنا جفاك=والله ل/تذكر معاناة القبر

[جاسم محمد]

جاسم ..


صاحبي صالح بعلمّك الحكايه=وكل يوم أجيب لك قصه جديده
ويش رايك لو أسويك دعايه=بالاذاعه .. والمجلّه .. والجريده؟
صالح ..


مالنا في شهره الاعلام غايه=وفوق هذا . الشعر ماينقص رصيده
ألعب أنا وانت لي حد النهايه=والوعد قدّام والدنيا مديده
جاسم ..


مشكله بتموت مارزّيت رايه=أنت ماتفهم وأحاسيسك بليده
صاحبك محتاج له حب ورعايه=كل خمس شهور يطعن في وريده
صالح ..


أنت ياجاسم مع الاجواد تايه=ومن صدوف الوقت طعناتك سديده
دام عمرك راح ماحفضت آيه=لو تغيب سنين ماتصبح فقيده

جاسم ..


والله اني ياعميلي ماعلايه=ماشي(ن) سيده واشوف الدرب سيده
وانت ضايع فالبدايه والنهايه=واحدن شرواك ماضنّي وليده
صالح ..


واحدن مثلي مايبغاله وصايه=مؤمن(ن) بالله ولا يظلم عبيده
وواحد شرواك مانحتاج رايه=خابر اطباعه لي سنين(ن) عديده

[جاسم محمد]

صالح ..


هذا الجو غير وطاري الشوق مثله غير=وانا عارف انه غير من موجز النشره
ياغالي لاتسبني بعد مارحلت بخير=همومي تزايد كل ماطرّوا العشره

جاسم ..


هذا الجو غير . و(لندني) . والمطر تقطير=وانا حالتي ماهيب عشره على عشره
ياغالي ترى بالقلب لك قيمه وتقدير=ليا طعتي بيع الجفا . والوصال إشره
صالح ..


انا والله اني بالهوى ماعكست السير=لو ان الهموم بداخل الصدر محتشره
سعيد بحياتك بعد مارحت عنّي .. مير=انا حالتي من يوم خليتني . قشره
جاسم ..


ياغالي سهوم البعد من يوم رحت تغير=انا طالبك . بالجمع . والوصل . والخشره
اعاني من اللوعات والضيق والتقصير=وبعد غيبتك . فالشعر ماهمنّي نشره

[جاسم محمد]

جاسم ..


طيع شوري لايغرّنك سنينك=يوم حبّي يانظر عيني ضمنته
من كثر صدّك . ماعاد اقول وينك=كل يوم يمرّني بعدك حزنته
مابقى قلبي على حطّه يدينك=دامني لا أنا أنا .. ولا أنته أنته

صالح ..


روح عنّي جعل ربّي لايهينك=يوم جلّ الحب يالمحبوب خنته
استر اللي صار مابيني وبينك=ولا أنا حبّك عن عيوني دفنته
دام كثر الحب مابيّن بعينك!!=لعنبو ذاك الهوى .. (شهره وسنته)

[جاسم محمد]

جاسم ..


الحب عجْزت تعبر به حروف الكلام=ومشاعري من بعد فارقتني ميّته
(ياغايتي . لاتحملّني عتاب وملام)=الدمع في محجر المجروح ماريّتهصالح ..


(ياغايتي كان طعتيني بلاش الخصام)=ياوزن شعري . ومضمونه . وقافيّته
قلبي معش ماهو بجاهل سلوم الغرام=مير اذكري حسنته . لامن بدت سيّته
جاسم ..


يوم أول الحب . وأوضاعي على مايرام=واقفيت .. والوقت قطعّني ب/جنبيّته
من يوم صدّيت عنّي والهمام الهمام=الشعر ماعاد ينفعني علانيّته
صالح ..


لاتحسبين المفارق معش برد وسلام=البعد ياغايبه متعبني بكيّته
شاعرش ماتلحقه شكّه ولا ريب داام=لا أقفى علا نيّته .. وان جا على نيّته

[جاسم محمد]

جـاسـم ..


من اول حبيب الروح شافق على لقياه=أسج القدم كله لعيناه .. وأركض له
وهالحين .. يوم اني تفارقت انا وياه ؟=حلال ٍ على غيري ليامن خذا الفضله


صـالـح ..


من أول بدايات المفارق .. عجزت انساه=يدوّر عليه القلب من طيبه . وفضله
وهالحين .. لا والله حكم الزمن وداه=وأنا والله اني لا رحل . ما أتعرضله


جـاسـم ..


بعد راح ياقلبي وانا عاجز ٍ لا انساه=ولهالحين بالاحساس والحب .. تنبض له
أخذك . وخذا حالي . ومالي . ولا كفاه=وأشوفك من الاشواق . والحب .. تحفض له


صـالـح ..


ياقلبي رحل عنك .. ولا قدّر اللي جاه=وهو لا سلم تسلم . ولا طاح .. تمرض له
رحل من ثمان شهور ولا حصل لاماه=وأثرك بغيابه بالمعاذير .. تفرض له

[جاسم محمد]

جاسم ..


الطيب كايد والمراجل غبّه=وكل(ن) على تفكيره وتربيته
واللي زعل منّي بليّا سبّه=يموت ماجيته ولا راضيته

صالح ..


ترى الردي لاراح . ربّي ربّه=لو انه يحب السما . ماجيته
ولا انت . خشمك لازعلت أحبّه=واشيل عنّك ذنب ماسويته

جاسم ..


الظاهر اني . بتركه وأكبّه=الله يسخط به .. ويهدم بيته
من أول أمدح صاحبي . ما أسبّه=واليوم من بعد اللقى خليته

صالح ..


الضيق لامنه تبيّن خبّه=دامه ماهو كفو الغلا وأغليته
اللي رحل في صمته ولا نبّه=ياليته يعرف الوفى ياليته

[جاسم محمد]

صالح ..


لاتحسبني ليا غبت أبحاتي=ولا بخسر بعد صدك حياتي
انا ماني بندمانن لأني=اشيل الحب والطيبه بذاتي
انا من قبل لا اخسرك حبيبي=خسرت احلامي وجلّ امنياتي

جاسم ..


حبيبي كان رحت . امسك وصاتي=تذكّرني بطاري ذكرياتي
ولا تنسى . لأني مانسيتك=وعلى طاري رجوعك . لاتحاتي
تعااال ومنزلك قلبي وعيني=انا غرقان ووصالك نجاتي

[جاسم محمد]

جاسم ..



عـذبـتـنـي بـوصــالــك الـمـغـشــوش=ومــشــاعـــر الـمــشــتــاق جــيّـــاشـــه
ياصـاحـبـي يــالابــس الـطـربــوش=عـاشــقــك بــاقـــي يـــــوم مـاعــاشــه
محـمـد الـذيــب . وسـعــد عـلــوش=افــضــل قـصـيــد تـطـلّــع الـشـاشــه
اسمعهم . وتلقى طبوعك خوش=ولا تـــطـــالــــع خـــــالـــــه اقـــمــــاشــــه


صالح ..



حبـك تـرى فــي خافـقـي منـقـوش=وقــــــدرك بـقـلــبــي مـــاحـــدن نـــاشـــه
ســوالــف الــعـــذال . ردت بـــــوش=الـــلـــي عـــلـــى الـتـفــريــق مـعــتــاشــه
ياللي غرامك بالحشا مخشوش=شاعـرك . مبطـي مـابـرد جـاشـه
مـابـدّل الـشـوفـه . بـكـثـر قـــروش=مسـراه مـن شانـك .. ومغبااشـه

[جاسم محمد]

جاسم ..


العشق ماعاد له عندي مقام=وماعادني كل بنت أعجب بّها
والله ما أطالع ( بنيه ) مادام=غاليتي . تحبني وأحبّها

صالح ..


الحب ماهو سواليف وكلام=والغاليه في ضلوعك خبّها
ولّا هل الدنفسه . بأسم الغرام=أما تكبك .. أو انْك تكبّها


جاسم ..


من شفتها . بالحلا . والأحترام=كل البنيّات قمت أسبّها
ان روّحت . ياحسافه . ياحرام=وان جات .. يامرحبا . يالبّها


صالح ..


لاتحسب ان الهوى برد وسلام=اسأل مجرب دروبه طبّها
تغدر بك الناس . في جنح الظلام=تب اليدين القصيره .. تبّها

[جاسم محمد]

جاسم ..



لاتروح وشوفك مرادي . وقلبي بيتك=والغلا محتلّني واشواق قلبي حارّه
والله اني لوّ اموت ابرك .. ولا خليتك=المفارق مشكله .. والوصل ( بشرى سارّه )


صالح ..



ماتكاثرت العمر لجلك . وجيت أهديتك=لين حبّي صار عبره . ( في طريق المارّه )
ماحسبت انك تخون الحب . يوم أغليتك=كنت هاقي ب/ان نفسك في حبيبك بارّه


جاسم ..



والله اني متْ فيك وجيتك وحبيتك=المشاعر فايضه .. واقلام شعري دارّه
وبعد ماجازيتني .. ياليتني ماجيتك=كل كلمه منك في حقي تراها ضارّه


صالح ..



ياحبيبي والله انك مانت حاشم صيتك=ومابعدك . وضيّعك غير الهروج العارّه
ليتك تعرف المحبه . والمودّه ليتك=الخلايق حبهم ( دوله ) وحبّي ( قارّه )

[جاسم محمد]

صالح ..


والله انّه كذب في هالزمن من قال=من فعل خير .. يلقى في حياته خير
ياحبيبي بعد ما ماتت الامال=صار ماصار . واسمح لي على التقصير

جاسم ..


الغلا ياحبيبي باقي ولازال=وصار يكبر معك من يوم كنت صغير
ايه . ودي بشوفك (جعلك السّلال)=مايكفيني ( الايميل ) و ( الهوز هير )

صالح ..


بعد صدّك كبر جرحي .. ودمعي سال=والعتب غير .. لأن اللي جرحني غير
بعد خليتني والحال . ماهو حال=ليه تهجرني . وترحل بلا تبرير !!

جاسم ..


جيت والشوق يجرفني .. وهجرك طال=وصدمتك بالجفا . ماقبلها تحذير
رد لي . واقهر الحسّاد والعذّال=منت في حاجه الاعذار والتفكير