ياقل الذي ذوده يجي وضح ولاّ صفر

[محمد الدباغ]

ألا يـاولـيّ الخـلـق يــارب يـارحـمـن=إليـك العبـادة .. والعبـادة لغـيـرك كـفْـر
تيقّنـت باسمـاك وصفاتـك مــن التبـيـان=عليـك التوكّـل .. والتوكّـل بجاهـك ظـفْـر
وأنـا لاجـزت عينـي تحيـزمـت للقيـفـان=ولالـي بغيـر الشـاردة بالفـيـاض القـفْـر
أعيـش الحيـاة ولانـي بمابـهـا طمـعـان=وبيني وبين أهـل الطمـع فـي حياتـي نفْـر
ياقـل الرجـال المخلصـة تـالـي الأزمــان=وياكثر القلوب السـود حـدر الوجيـه السفْـر
بهـذا الزمـن نـادر تحصّـل مـن الرفـقـان=صدوق .. وكريم .. ومستقيم .. ووفي .. وظفْر
فعند الرخا لو تحسب يجي لـك ألـف إنسـان=وإذا احتجت ترجع حسبة الألف واحد .. صفْر!!
ألا يارفيـقـي زلّـتـك مـالـهـا مـيــزان=ولاأدري هي امـن السـود بالعيـن ولا العفْـر
لكن الأكيـد إنْ شانهـا فـي ضميـري شـان=توافرتهـا ياصـاح بيـن الطـعـون الـوفْـر
تسيـل الجـروح اللـي سببهـا مـن الخـلاّن=مثـل ماتسيـل سيـول وادي تعقّـب حـفْـر
ولا في يد الطيّـب سـوى الصبـر والسلـوان=وتلحيـق خلاّنـه عـلـى مافعلـتـه غـفْـر
لو أعمـال خلـق الله كمـا النـوق بالألـوان=ياقـل اللـذي ذوده يجـي وضْـح ولاّ صفْـر