سامحٍ لك تروح

[محمد الدباغ]

تستاذن تروح عنّي سامحٍ لـك تـروح // لكـنّ لا تلتفـت وترجّعـك دمعـتـي



يسمح لك لسان ولاّ القلب ماهو سمـوح // وشلون يرضى لغيري فيك ياطمعتـي !



ياحبّي الصادق اللّـي للأحاسيـس روح // يالغزي الغامض اللّي صابتـك رمعتـي



ماباقي إلاّ الرحيل وبرق بعـدك يلـوح // هب الهوى وانطفت في ليلتـك شمعتـي



روّح ولا يزعجك منّي فحيح الجـروح // ولا تستمع للحنيـن وتشفـق لجمعتـي



ولا لا تحاتي لساني عن هوانـا يبـوح // احرص على سمعتك وأيضا على سمعتي