لندن

[عبدالرحمن الميع]

اقفى على اللي تبعد الناس عن ناس=اللـي تقـرب بالمسافـات مــده
على المدرج كنهـا طيـر قرنـاس=ولاخاب ظن اللي جزم بـه وهـده
من قوْ مكاينها غدى الغيم محتـاس=مـدري تجـر الريـح ولا تـهـده
الله عليها لو لها قلـب وأحسـاس=ماكان اهـي سبـة فراقـه وبعـده
اغليت لندن من غلا من بهـا داس=شخـصٍ معاليـق الحنايـا تـوده
ياليت لندن بينـي وبينهـا سـاس=اقرب من البحريـن او بعـد جـده
لسوق رجلي له على الدرب عساس=الشوق يدفعنـي وعـزوم المـوده
مكان شفت الشوق ناره بالأنفـاس=ولا كان دمعي فـي ظلامـي اهـده
مايدري ان البعد ملفـى للأتعـاس=ولا يدري انه بحـر ماشفـت مـده
ماقد في عمري لجى خوف بالراس=واليوم خفـت البعـد مانيـب قـده
من غاب عني وكن الأعيان حراس=الليل مـن يقبـل وهـي مستعـده
يجرها هوجاس لاغـاب هوجـاس=ولاجرهـا للنـوم فـرش ومخـده
مبغى بعـاده او هدايـا بالأكيـاس=ابغـاه جمبـي ليـت ربـي يـرده