( غرور الدمع )

[عبدالرحمن الميع]

وشـلـون تـنـزل ويــن قـفـى غــرورك=وانــا الـــذي خـابــرك مـحــدٍ يـحــدًك
لــو أن مـحـدٍ شـاهــدٍ فـــي ظـهــورك=تبـقـى الحقيـقـه بـعـت عيـنـك لـخـدًك
قـال السبـب يالايـمـي فــي حـضـورك=نـفـس المـكـان الـلـي تـركـنـا مـــودًك
تـاقــف عـلـيـه وذكـريـاتــه تــــزورك=وذكــــراه لاقـفًــيــت عــنـــه تـــــردًك
هــذه سـنـه قـفـت اراعـــي شـعــورك=عـنـد الـعـرب لا مــر طـيـفـه وشـــدًك
مسجون في نفسـك والأوهـام سـورك=وجــول الـطــواري وارداتـــن لـعــدًك
شـف حالتـك وأكسـر ظلامـك بـنـورك=يالله عـسـى شـمـس الحقـايـق تـمـدًك
هيبـتـنـي ظـلـمـة لـيـالــي شــهــورك=وطيـفـه شـقـى جفـنـي وعـيـا يـهــدًك
الـلـي حـصـل حـطًـم بـالأحــلام دورك=وجــات النـهـايـه لـلأســف دون ودًك
حطًـم قصـور الحـب مـن دون شـورك=ولابيًـن اسبـابـه عـلـى ويــش صــدًك
وصارت رياح الحزن تعصف سرورك=وجـال المـواصـل عــاف مــده ومــدًك
حتى الشعـر ماقـد رسـى فـي بحـورك=حمًـلـت فـيـه الـشـوق وازرى يـعــدًك
وانـا ادري بثقـل الحكـي وسـط زورك=وانـا ادري انــه حـمـل مـاهـوب قــدًك
وفزيـتـلـك لـحـضـة تـعـديـت طـــورك=تـبـي الصـراحـه خـفـت هـمـك يـهـدًك
مـقـدر اوقــف لـيــن تـذبــل زهـــورك=وقــدام عـيـنـي جـيــش الألام ضـــدًك
فـزعـتـلـك وبــــلٍ يـبــلــل جـــــذورك=ويغسـل همومـك لـيـن تمسـحـه يــدًك
لاعـاد تنـشـد !! ويــن قـفـى غــرورك=وانـــت الـــذي لـلـيـل بـيـحـت ســـدًك