قصيده فى محمد الاصفر

[مرزوق الصواغ]

مرزوق الصواغ / قصيدة شكر وعرفان للاستاذ العزيز
محمد فالح الاصفر/ تاريخ 13 / 7 / 2006
ماكل رجلن لابغا الطيب طاله = بعـض الاوادم مالهم فيه مـدخال

الطيب ضلعن يتعب اللى رقاله = كم واحدن حول يبي الطيب ماطال

مـاياصله ياكـود من طاب فاله = اللى يمينه بالمـواقف لها افـعال

سـوات ابو فـالح كريم السباله = محمد الاصفر على كل الاحـوال

لـه الثنا منى ليـاجا مـجاله = انا اشـهدنه بالـمواجيب رجـال

نعمن بهذا الشخص فيه الشكاله = اقـولها يومه عن الطـيب مامـال

ماخاب ظن اللى نصاه وعناله = فى حزت الماجوب يجهد لك الـحال

لاشاف من صوت على اسمه عداله = ماصد عن وجهه ولا هوب ختال

قرمن يباشرك الوفـا فى وصـاله = عزالله انـه تنظرب فيه الامـثال

لاتحسب انه منك يضيق باله = صدره وسيع وقفــته وقفة ارجـال

حكــيم راي ولا بقلبه جهاله = حرأ مــواكيره على قـمة اجبال

ساسه عريب وفيه طيب الخصاله= وعلى علوم الخير له طيب منــزال

ماهوب من يمشى بدرب الخماله = عـزيز نفس ولاسمع هرج الانـذال

على المراجل دوم يكرب احباله= متـعلين ماهو على حـافة الجــال

المد ح فى قــول الرياجيل ناله= ياقل من مثله حشى مـاله اشكـال

طيب وكرم واخلاق والكل قاله = ومن لاذكر طيب الرياجل د جـال

فى طاعة الله مامشا بالظلاله= الد يــن دســتوره ولاهمه المــال

الله يسمح له طريق العداله = يارب يامنزل تبــارك والانــفـاال

تمت وصلو عد برق الخياله= واعداد ماتكتب حسينات الاعمــال

على حبيب الله راعى الرساله= صفوة قريش المصطفى خير الا جـيال

[التويجرية]

يعطيك الف عافية اخوي وصح لسانك
تقبل مروري
اختك التويجرية

[همزة وصل]

تسلم والله على القصيد

ويستاهل .....

وصح الساااانك والاهنت ........

[حمود بن علي الفايز]

المد ح فى قــول الرياجيل ناله= ياقل من مثله حشى مـاله اشكـال

الله الله..

صح لسانك ولاهنت يا ابن صواغ.. اسعدتنا حقيقة بطرحك الطيب.

اخوك/
حمود الفايز

[ابو محمد]

يعطيك العافيه يالصواغ على القصيده ولاهنت :)

[عـبدالرحمن الحضيري]

يعطيك العافيه اخوي مرزوق الصواغ
على القصيده ولاهنت تسلم

[عذبة الروح]

يعطيك العافيه وصح لسانك..

[مرزوق القراشي]

صح لسانك ولسان الشاعر
ولا هنت