جرحت المشاعر

[مرزوق الصواغ]

الا ياحبيبي كم نهيتك عن التجريح= جرحت المشاعر مالها حل موليه

انا كيف اصحح غلطتك مالها تصحيح=ولو انها هانت تعيد الخطا ليه

عنيد (ن) بطبعك ماخذ(ن) بالقشر تصريح= اقول السنع مناك وتقول منيه

الك مذهب(ن) لاهو بالاسلام ولا المسيح= و لا صار مثله بالديان الــيهوديه

بدل ما تريح خاطري زتني فحيح= تعكس الصحيح ولا صفينا على نيه

انا ماحصلي من حنانك سوى التلميح= على من عطاك الود مافيك حنيه

اسوق الرجل لمشاهدت وجهك المليح= لجل خاطرك تمشيلك اقدام رجليه

تغير مزاجك صاير(ن) في عطاك اشحيح= ابي شوفتك لاشك منيت بالجيه

حسبتك مثل ماني معك بالهوى صريح= تعرف الامور ولاتجي منك السيه

ميزان الغلا في حبكم راجحن ترجيح=قتلت المشاعر والمشاعر قبل حيه

تعذرتني ما بديت لي علمك الصحيح=تعوج الكلام وعندك اسرار مخفيه

تعبت بهواك ولا لي الا اني استريح=متى ماصفى جوك تعال اتصل فيه