نتائج عازمية لخمسة افخاذ جديدة

[فجري بن فجري]

ظهرت قبل قليل نتائج العينات الخمس من خمسة افخاذ من العوازم ثلاث منها لافخاذ جديده وكلها من السلاله J1e
الف مبروك للاخوه الافاضل
وعموما لن يتضح مدى التقارب بينها وبين العينات القديمه الا عند اكتمال النتيجه والذي قد يستغرق اسبوعين من الآن
لكن اعتقد انها ستكون قريبه من قراءة اول 12 ماركر

كل مالها وتحلى يا عيال عطا والنتائج مبين من اول 12 ماركر انها قريبة من بعض -- بس ما نبي نستعجل ---- الظاهر نبي نكمل جميع الافخاذ قبل الشتاء --- الحمدلله

[الــهــدلانــي]

الحمد لله

وياليت توضحلي شنو قصت هالعينات؟؟

[فيصل بن طويلة]

ما فهمت شي ..؟

الرجاء التوضيح

[عبدالرحمن بن فجري]

الحمدلله خبر مفرح وجميل :)

الله يزيد هالأخبار الطيبه :)

[فجري بن فجري]

يعني الفخوذ اللي دزينا عيناتها , جاءت نتائجها علي نفس خط الفخوذ اللي قبلها .

[sdaa7]

في ناس موفاهمه

[خالد العكيلي]

لو سمحت ابي اعرف في جويسري فحص عكيلي او لا

[عمر عيد بن وطين]

ممكن تجيب لنا اسماء الفخوذ اللي فحصت !!

[نواف]

هههههههه

والله مو فاهم شي

ياليت توضح لنا يعني شنو هذا

[محمد--البريكي]

والله مو فاهم شي
وضحو لنا يا اخوان

[!! حمد الصواغ !!]

اخوي فجري
ياليت تقولنا من الفخوذ اللي فحصت ؟
يعني كم اخذت رجال من كل فخذ ؟
وشكرا

[صوت العقل]

هناك 3 افخاذ فحص منها شخصان من كل فخذ
وفخذ فحص منه 4 اشخاص
وثمان افخاذ فحص منها شخص واحد للفخذ الواحد
ومجموع الافخاذ التي شاركت هو 12 فخذ من قويع وغياض

[بدر حمد الفراع]

اتمنى التوضيح
والمعنى من الينعات

ومن الموضوع

وافيدونا لا هنتم

[صوت العقل]

المقصود نتائج فحص الحمض النووي لابناء القبيلة
حيث فحص الى الآن 18 شخص.
والموضوع قد سبق النقاش بشأنه منذ فتره في هذا المنتدى

[نصار 79]

ماقول الا عسي الله يوفقكم ياربعي والله يزيد النتايج الطيبه وبن فجري وضح لنا ياخوك شنو الفخوذ وباشرنا ترانا متابعين لك وعسي يوفقك ويعينك للامام ونسئل الله التوفيق لنا ولك ولكل مسلم

[خالد الملحم]

هههههههه

والله مو فاهم شي

[محمد بن حجاج]

الرجاء طرح الموضوع بشكل كامل في موضوع جديد

شكرا ودمتم بود

[مفرق الجنون]

والله مو فاهم

ما الهدف من هذا الفحص ؟

وكم يتم الفحص ؟

:)

[القول الصاعق]

لله ترك هذا

[عبدالرحمن الموايجي]

الرجاء التوضيح وشكرن

[صبحان]

شنو يعني حنا عوازم ولا مو عوازم شككنى

[بن كريوين الموايجي]

يعطييم العافيه وتقبل مروري

[البححه]

مشكوين ويعطيكم العافيه

[فالح الحجيلان العازمي]

الصراحة أسأله غريبه (( يا أمة أبكت من جهلها الأمم ))

[البندري --]

:):):):):)

اخوي .. هل..
ابن جاامع .. اطلع على هذاا الفحص ..؟

[فيصل22]

الناس تبخص وتعرف ومن غير فحص

[@الطبـــ راعي العشواـيجي@]

الله لا يهينك يا راعي الموضوع وما قصرت
وانا حبيت اقول كلمه وهي >>>ان العلم هذا زين في بعض الاحيان وبعضها شين
لان انت واثق من نفسك انك اصيل وما يحتااج انك تفحص والسلاام الختاام

[سلطان العويضي العازمي]

والله نهم مسكين ايعني فيه شك الموضوع غير لايق رجو من لاداره حذف الموضوع

[فالح الحجيلان العازمي]

السلا عليكم ورحمة الله وبركاته

الأخ سلطان من الناحية الإدارية الرجاء الالتزام بأدب الحوار .. وإذا كان لديك سؤال يفيدك ويفيد الأخوه الأعضاء والزوار الرجاء طرح السؤال مباشرة من غير أي تعليقات لاتنفع ولاتضر ،،،

ومن الناحية الشخصية أرد عليك بأن هذا العلم ولله الحمد نافع ومن يريد توثيق الموروث فالأبواب مفتوحه ومن ناحيه الشك أطمنك أن من يعمل هذا الفحص فهو من الواثقين جدا جدا بل من الواثقين على الإطلاق لأنه وبكل صراحة يحتاج إلى شجاعة الرجال العقلاء .،،

وفي الختام أسأل الله العلي القدير أن يهدينا الى سواء السبيل

[ناقد !!]

السلام عليكم ....

درر درر يافالح

انا لا اعبر عن قولك وكلامك الكبير ولكن ولكن الله يكون بعونك من الناس اللي تتكلم عن شئ لا تعرفه
والله يوفقك بما يحبه ويرضاه ..

نحن معك قلبن وقالبن

تقبل مروري

[صالح البريكي..!؟]

والله هالحمض النووي شي ممتاز.. ^_^

عقبال مانشوف النتيجة الاخيرة ^_^

[kwi13]

اللي بيعرف شالسالفه لايسآل يقرآ مواضيع فجري اعتقد شرح وماقصر وياربعه لاكن مع الاسف الناس تبي المعلومه بسرعه بدون قراءه الموضوع حلوا واللي مخرب الموضوع الاسئله عفوااااااااااااااااااا البايخه من بعض الشباب الصغار بالموقع

[عاشق الهوا]

------------- مراح يرفع روسنا الا هالحمض وشنا مو اصايل يبا احنا اصيل ومن هوازن ومايحتاج حمض نووي ولاذري

[فالح الحجيلان العازمي]

بسم الله الرحمن الرحيم

الأخ عاشق الهوى ... انا متابع لردودك الرجاء التزام أدب الحوار وهذا تحذير اذا كان لديك شيئ مفيد الرجاء طرحه ولاتكون كمن فسر الماء بعد عناء الجهد بالماء

[قرم السعوديه]

انا عااازمي لو فصيلة دمي نفس فصيلة اوباااما انااااااااااا عااااااااااااااااازمي انتسب لعيااال عطااا ^_^
والله يوفقكم

[عبدالرحمن بـن تـنـيــٌــش]

لاهنت ياخوي


وبتظار النتيجة الاخيرة

[محمد ابو عزيز]

الى الامام وهذا علم

[جسار]

مجهود رائع وتشكر عليه يابن فجرى واتمنى نشر كتيب فى كل ماقمت فيه لتعم الفائدة والانتشار ولك كل التقدير

[السمهودي]

مبروك أخي , و أشكرك على الموضوع .

[أخت كحيلان]

مع اني مو فاااهمة بالضبط
والعلم هذا اعتقد مالة اي داااعي
القصص والناس والشيبان موجودين والاخبااااار عندهم -الله يطول في عمر جدي مورخ تاريخي -
لكن أنااااا عازمية أصيلة و قبيلة العوازم مو محتاجة للتفسير عن اصلها
ونعم فينااا أعيال عطاااا
لكن بعض الردود صرراحة ماادري شنو يستفيد منهاااا اللي كاتبهااا
عليك فيهم يا فالح الشلواني
يعطيكم العافية على الموضوع

[السيل اليا حدر]

تبون الصج موضوع غريب :) نسأل الله العفو والعافيه

[فالح الحجيلان العازمي]

الحمدلله صدورنا وسيعه للبحث والنقاش العلمي البناء ... ولاكن بعض الزوار الله يهدانا ويهديهم لايعرف ولايريد أن يعرف ويشهد الله أن هذا النوع من الشباب يحزني جدا بس أرجع وأقول الله يصلحهم

[فــهــد الــصــوااغ]

السلام عليكم ورحمة الله وبركاته

وجهة نظر ..


من المفروض وضع هذا الموضوع بعد انهاء النتايج .. لكي لاتفهم المتطفلين شيأ اخر..

ومن يجهل هذا الشي ماراح يفهم بختصاراتكم هذي ..


((رحم الله امرئ عرف مقدار نفسه ))

[مصبح ومسي]

السلام عليكم بغيت اسال هل للام دخل في تغيير النتيجه مثال : ثلاث اخوان كل واحد ماخذ زوجه من واحد هنديه والثاني بريطانيه والثالث تايلنديه واحفاد الثلاثه تم فحصهم هل يؤثر هذا في نتيجة الفحص

[الرادار1977]

منطقيا ما ياثر ايا كانت جنسيه الام
بس بسال هل الفحص من الدم او اللعاب

[احمد بن سعد الصعفاك]

الام ماتأثر اطلاقا

والفحص يتم عن طريق الاعاب

[ملازم]

يا شباب انا قالي اخوي كان يدرس بالاردن قبل حوالي 7 سنوات سوو الفحص بالاردن وتبينة نتيجة ربعنا طيبه ولله الحمد والمنه وغيرنا نسبهم ضعيفه ومو متقاربه واللي يعرف احد من الطلبه كان يدرس تقريبا سنة 2004 او 2005 يساله بهالموضوع وتقبلو مروري

[شجاعه+حكمه=قرم]

الله يجزا خير القائمين عليه

[شجاعه+حكمه=قرم]

شلون اسوي فحص

[الـــبـــريـــكـــي]

موضوع غريب جدا

[أبوثامر]

الحمدلله .. وسؤالي من اللي اخذوا عليه الفحص وكيف التوصل لأخذ التحليل

[باتل الأبرص]

السلام عليكم


اخواااني والله الموضوع هاام جدا

لا تحطون من اهمية والشباب القائمين علي الموضوع يعطيهم العافيه مالهم مصلحه شخصيه انما مصلحتهم من مصلحتكم ارجوا التعاون معاهم

وشكرا


اخوي

انا اسمي

باتل حمود فهد القراشي

هل في احد من القراشة فحص او لا


اذا مافيه انا حااضر اكون العينه لهم واذا في زود الخير خيرين


وشكرا


ارجوا الرد

[فجري بن فجري]

اخوي باتل فاحصين اثنين من القراشة .

وكلهم علي نفس الخط والسلالة .

[باتل الأبرص]

الحمدالله علي كل شي

يالله الله يوفقكم ومتي تنتهون من الكل ونشوف النتائج الاخيرة