القسوة بالعادات والتقاليد ؟؟؟ إلى متى ؟؟

[SILVER RAIN]

قد ينظر البعض إلى عنوان الموضوع يقول (( شسالفة..؟؟ )) ولكن هناك موضوع بمنتهى الخطورة أتمنى أن نناقش هذا الموضوع بما يبيححة الاسلام والدين وتحرمة العادة والتقليد .. لا أرى العيب أبدا في ان يربى الابناء على عادات الاسلام والحب والولاء للوطن .. بل كل انسان ولد ويحب نفسة وذاتة وقد يفدي روححة لعائلتة ولوطنة.. ولكن القبلية هي المشكلة ... لقد سيطرت العادات والتقاليد علينا هي فخر لنا ولكن ليس بكل شي علينا ان نتبعها نحن بشر خلقنا بعقول لكي نسير بما يتفق علية العقل لا العادة والتقليد الذان يجعلونا نسير هذا هراء ما يفعلة البعض..!!





دعوني امسك طرف الخيط لكم ..



عادات الزواج



دعوني اتحدث بكل صراحة .. لما البعض متمسك من ابائنا من ان الزواج التقليدي هو افضل زواج .. اقصد بنت العم لابن العم ومن العائلة فقط ؟؟؟ وقد يكون الابناء ايضا معتقدين ذاك واساس الزواج هو اقتناع الطرفين بذات انفسهم لا بذات ابائهم وهذا ابن فلان وذاك ابن علان..!!؟؟؟



اعذروني على هذا التطفل البسيط .. لما عندما نرى ان البنت الفلانية تزوجت الولد الفلاني من العائلة الفلانية خارج القبيلة تاتي الاحاديث التي تسم البدن ؟؟ وهم متزوجين على سنة الله ورسولة ؟؟؟ كانهم استغفر الله عملو الفاحشة ؟؟!!! (( او الي سوه حرام والله بيقطهم بالنار.. شهالخرابيط....؟؟))



ايحرم ديننا ان يكون القبيلة الفلانية يتزوجون بس منها كانة الذين من خارج قبيلتهم فيهم الطاعون مثلا؟؟؟ يتعصب البعض على القبلية جميلٌ هو ان ندافع عن انفسنا وعن اهلنا ولكن هل جدك سيخرج من القبر ليصفق لك اذا نفذت حرفياً ما اعتادو هم علية ونحن نحرم ما شرع الله جل وعلى؟؟
قال الله تعالى ..

يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ (13)

الحجرات


المشكلة قد ينفذ البعض من ابنائنا ما تامرة علية عائلتة .. ولكن مشاكل كثيرة ((هدم حياة الشاب او الشابة .. بالله ليش علشان ارضي يدي الي مات وشبع موت..؟؟؟))



مالذي يجعل الاسر الكويتية بعضها متمسك بتلك العادات ..؟؟

لما لا ناخذ الجيد منها ونترك السيئ؟؟

لما كل شي ننفذة حرفيا كانة شرط.. او البعض استغفر الله يعتبرونها كالدين لتسير حياتنا؟؟(( مافي عقل انعرف الصح من الغلط؟؟ ليش هالحرمان الي مالة معنى؟؟))

بكل شي قد تسير العادات والتقاليد ..



(( شغلة صراحة باطة جبدي..!!))

[ديمــــ الكويت ــــومة]

يعطييييييييييج ألف عافيه توته

درر والله درر :)

((اقصد بنت العم لابن العم ومن العائلة فقط ))

للأسف للحين في ناس متمسكين بهالشي !!!!!

[بشاير]

يسلمؤؤؤن ويعطيكـ العافية..

[SILVER RAIN]

ديومة ..

المشكلة تمسكهم بعادات فاشلة بعيدة بعد قاطع عن القران الكريم والسنة النبوية .. حكم قوي على ضعيف بالله ليش لان متهاوشين معاهم ايام يدي الله يرحمة .. بس الدنيا اتغيرت وكل شي تغير وليلحين ماسكين عليها ..


بشاير الله يسلمج على المرور ^_________^

[القحطاني]

اولا توضيح بسيط للموضوع

اسف على تدخلي بعدين
العادات والتقاليد لولاها !لما لمع اسم القبائل بين كثير من عوائل وحضر الوطن
والعادات والتقاليد دستور عند كل القبائل بالتفهام والواجبات مع القبائل وساير الناس

وموضوع الزواج
اذا صارت بنت عمي كفو وتستاهل من يتقدم لها ليش ما اخذها ؟؟؟؟
اكيد اني راح اخذ بنت عمي او يكون من اهم شروطي للزواج بنت من بنات عمي

عرفها وباخصها وادري بهلها وغيره من الامور
مع العلم ان عاده ان الزواج من بنت العم وارد ! لا والله راحت الامور هذي ولاكن مع تطور الزمن
وغيرها من الحضاره والغزو الفكري الغربي على وطنا الاسلامي يخلي اكثر الناس يحاسبون في فتره الزواج
ويتمنى القريب قبل البعيد

وتقبوا تحياتي

وعلى فكره نصيب الزواج مكتوب سواء من بنت العم ومن بنت الخال ومن العاني ومن الجار



اخوكم القحطاني

[أبوعبدالله القفيدي]

كلام سليم جدا وموضوع قيم بصراحه بارك الله فيج

فالموضوع عامة صحيح وفي منتدى العوازم خاصه يصيب الجرح

ويوجع فمن عادات قبيلتنا القديمه جدا انها لا تزوج بناتها للغريب

وهذا كعادة ملتزم بها اغلبية العوازم فهي عاده سيئه وهناك العديد

من العوائل الاخرى التي تقوم بمثل هذا الفعل ويعلم الله ان الرسول عليه افضل الصلاة والسلام

حذر من فتنه اذا ما تقدم صاحب الدين للزواج ورفض واظن الفتنه باديه علينا مع الاسف الشديد

فقد قال((اذا جائكم من ترضون دينه وامانته فزوجوه وان لم تفعلوا تكن فتنه))

وهنا الفتنه كالاتي: سيقول الناس ان هؤلاء لم اتى لهم فلان التقي ولم ياخذ منهم والعيب ليس

فيه فهو تقي وصاحب دين وامانه بل العيب اكيد منهم وهكذا واذا ما زاد الشئ على مستوى قبيله

كم هو الحاصل مع قبيلة العوازم فيقول النقصاء ممن لم يتصاهروا مع العوازم بان العيب ليس

في الباقين فالقبائل كلها لم تتزوج منهم الا ما ندر وهكذا يكون الطعن والتنقيص في العوازم

ولن يصيب الاخرين منه شئ ولقد حذرنا رسولنا الكريم من مثل هذه الامور وهذه هي الحكمه والتي

ظهرت لنا بعد قرون من وفاة رسولنا الكريم والله المستعان ولكن اليوم لله الحمد والمنه

ظهر لنا جيل نرجوا من الله ان يثبته على الصلاح والطريق الحق ذوو دين وعسى الله يهدي الباقيين

ولكم شكري الجزيل

[SILVER RAIN]

مزاجية

^____^ شكرا لان ماتكلم بسمي انا بس بروحي .. انا اتكلم بصفة عامة وشاملة .. وهذا واقعنا الاغلبية ترفض تقبلة اذا انتي والله اتايدين القبلية الي مالها معنى احترم وجهتة نظرج ^___^ اشكر مرورج ..


اخوي القحطاني

قريت الاية الكريمة :

قال الله تعالى ..
يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ (13)

الحجرات

حتى الدين ما اعترف بالعادات الي اتوجب شغلة اسمها عازمي ياخذ عازمية بس ..!! او مطيري ياخذ مطيرية او عجمي ياخذ عجمية وغيرة وغيرة ..!! ماقال الاسلام انة ممنوع علينا ناخذ من قبايل ثانية صح ولا مو صح؟؟

تبي الجانب الشرعي من هالعادات كلها ..

كل هالعادات الي تقيد فيها اجدادنا باطلة وحرام..!!

تبي اتعرف ليش؟؟

اغلب الشباب طلاقات بسبتة الزواج المفروض من الاهل اخذ بنت عمك وليلحين متمسكين بهالشي اذا انت اتعرف بنت عمك غيرك مايعرف شنو اهيا اشلون حتى صايرة وممنوع حتى يشوف اشلون صايرة حتى الشوف الي الرسول قال لازم يشوفون بعض وسنة عن النبي الاغلبية رافضين هالشي ..
عنوسة زايدة بالديرة لهجرتة الشباب اييبون الغريبة الي من برا لانهم ملو من الديرة انغثو من شغلة العادات الي وجبها الاجداد كانة دين انوجب علينا والمشكلة الكل يدري انها حرام .. لكن انمشيها كانة مفروض غصب غصب نمشي عليها

ومشاكل اشكثر وشكثر كلة من تعقيدات الزواج اساسها القبلية

تقدر اتسمي هذا شنو؟؟

اخي k19

شكرا على مداخلتك وفعلا الرسول امرنا بشي بس نشوف شي ثاني انرسخ بعقول الاغلبية .. ولما يمشي البعض على نهج الرسول كانة ارتكبت معصية استغفر الله او انة هالبنت والشاب جلبو العار ليش مع انة على سنة الله ورسولة ماشين ..!!

[سارة]

يعطيج العافيه سلفر على الموضوع

و انا صراحه اتفق مع اخوي القحطانى و k19

موضوع حساس وايد خاصه انه بمنتدى قبيله العوازم لانهم عيال عم صج مو تحالف

قبائل و لحتى اليوم متمسكين بهالشئ بس ودى اعرف شغله وحده ليش حاطه عنوان

الموضوع قسوه ؟ يعنى لهالدرجه هذى قسوه!!

بالعكس الفضايح و اللي ممشي سوق البلوثوت شنو ؟ غير اللي تتعرف على واحد

غريب و اخرتها يفضحها و هل الشئ يوميا نشوفه لانها لا بنت عمه و لا يهمه

سمعتها و سمعه اهلها فشلون تبين يتزجون من غير عيال عمهم اذا ماكو علاقه مبدئيه

و ماتدري شنو نهايتها فلو الرجال يستر على بنت عمه احسن من الغريب اللي

يطلقها بكل سهوله و بكيفه لان لا اهله اهلها و لا له صله غير زواج فيها ،،

فصراحه زواج البنت لولد عمها عاده طيبه و مريحه للطرفين و انا ما أعارض هالعاده

و لا ارفضها بس مو حلوه واحد يرفض ولد اخوه او من اهله عشان واحد غريب ،

و المهم و الأهم ان يكون الزواج راضي لكلا الطرفين و بدون ارغام او بالغصب .

(( وجهة نظر ))


ساره

[راعي العشوا الطبيجي]

السلام عليكم ورحمة الله وبركاته


شكرا ً اختي الكريمه على الموضوع


لكن اول شي قبل ما اقول رايي احب اوضح شغله

قال الله تعالى ..
يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ (13)

هالآيه ما تتكلم عن الزواج يا اختي الكريمه !!


تتكلم عن القبليه والطائفيه والعنصريه مافيها اي شي عن الزواج


اما هالعاده بنت العم لولد عمها والعكس فهذي عادة منتشره في معظم الخليج وليس في قبيلة العوازم فقط او قبائل الكويت


وحتى في عائلات كبيره في الوقت ومتحضره ولكن متمسكه ان البنت عم لولد عمها والعكس صحيح


اما بالنسبه لقبيلة العوازم ..


بطرح عليك مثال بسيط .. بعد الغزو العراقي للكويت .. هل يزوج اي كويتي بنت حق عراقي قبل سقوط رأس صدام ؟ ليس مستحيل بل شبه المستحيل (والعيب على قولتها)


والعوازم تعرضت لحروب من قبايل ادى إلى ظهور هذه العاده فيها وهالشي مو نتاج يوم ولا يومين هذا ناتج عن حروب وايام وسنين (يعيب علينا اننا نعترض عليه او نحتج)


وعلى كل حال هالعاده قامت تخف بهالايام وقلت حيل واعيد واذكر هالشي مو بس بالقبايل..بجميع العوايل ..




وشكرا ً




اخوكم الطبيجي

[القحطاني]

يا بنت الناس ردي عليج واضح ومفهوم ولاهو مدفون معناه الي ابي اقوله ان بنات عمي انا اولا من اي رجال غريب سؤاء عنكم كقبيله العوازم وعندنا ياقحطان ومطير وعتيبه وغيرها انا لابغيت بنت وقلت حق امي الشروووط كذا وكذا وكذا وتوفرت الشروط في بنت عمي ولا بنت بنت خالتي ليش ما اخذها ؟؟؟

ولاهي قسوه على ماقلتي العادات اسلوم عند القبايل من عهد الحروب ووقت مضى وهذا نفخر فيه كقبايل
والحضر والي تحضروا من الناس يحس بعض الاحيان بنقص عن غيره في ترابط القبايل والحضور الجماعي
والحميه وغيرها هذي اسلوم ورثوها جدانا

ومن الناحيه الدينيه وانتي ما ادري وشلون تحرمينهم وتكفرينهم وتقولين حرام لا انتي تحرمين ولا انا
هذي عند الله

[طـلال الجويعد]

فعلا عادات قاسية وانتهى زمانها

[SILVER RAIN]

يعطيج العافيه سلفر على الموضوع

و انا صراحه اتفق مع اخوي القحطانى و k19

موضوع حساس وايد خاصه انه بمنتدى قبيله العوازم لانهم عيال عم صج مو تحالف

قبائل و لحتى اليوم متمسكين بهالشئ بس ودى اعرف شغله وحده ليش حاطه عنوان

الموضوع قسوه ؟ يعنى لهالدرجه هذى قسوه!!

بالعكس الفضايح و اللي ممشي سوق البلوثوت شنو ؟ غير اللي تتعرف على واحد

غريب و اخرتها يفضحها و هل الشئ يوميا نشوفه لانها لا بنت عمه و لا يهمه

سمعتها و سمعه اهلها فشلون تبين يتزجون من غير عيال عمهم اذا ماكو علاقه مبدئيه

و ماتدري شنو نهايتها فلو الرجال يستر على بنت عمه احسن من الغريب اللي

يطلقها بكل سهوله و بكيفه لان لا اهله اهلها و لا له صله غير زواج فيها ،،

فصراحه زواج البنت لولد عمها عاده طيبه و مريحه للطرفين و انا ما أعارض هالعاده

و لا ارفضها بس مو حلوه واحد يرفض ولد اخوه او من اهله عشان واحد غريب ،

و المهم و الأهم ان يكون الزواج راضي لكلا الطرفين و بدون ارغام او بالغصب .

(( وجهة نظر ))


ساره

اختي اقولج شي .. تدرين منو يفضح الثاني البنات لعلمج الخاص فضيحة وايد سمعتي فيها البنت الي بالباص هذي رفيجتها صورتها طرشتها بالبلوتوث .. وحدة حاقدة على الثانية عندها لها صورة قامت طرشتها .. الشباب مايلاقون الا بتلفونات بعض شغلات غريبة يااية من سوق او غيرة وغيرة ...

هدف موضوعي نقطة وحدة .. مو التعارف على الشباب .. هدفة شغلة وحدة

((اذا جائكم من ترضون دينه وامانته فزوجوه وان لم تفعلوا تكن فتنه))

والتخلي عن العادات القبلية الي مالها معنى .. ومالها داعي اساسا ولا الدين اصلا شرعها علينا كلش ..

[SILVER RAIN]

السلام عليكم ورحمة الله وبركاته


شكرا ً اختي الكريمه على الموضوع


لكن اول شي قبل ما اقول رايي احب اوضح شغله

قال الله تعالى ..
يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ (13)

هالآيه ما تتكلم عن الزواج يا اختي الكريمه !!


تتكلم عن القبليه والطائفيه والعنصريه مافيها اي شي عن الزواج


اما هالعاده بنت العم لولد عمها والعكس فهذي عادة منتشره في معظم الخليج وليس في قبيلة العوازم فقط او قبائل الكويت


وحتى في عائلات كبيره في الوقت ومتحضره ولكن متمسكه ان البنت عم لولد عمها والعكس صحيح


اما بالنسبه لقبيلة العوازم ..


بطرح عليك مثال بسيط .. بعد الغزو العراقي للكويت .. هل يزوج اي كويتي بنت حق عراقي قبل سقوط رأس صدام ؟ ليس مستحيل بل شبه المستحيل (والعيب على قولتها)


والعوازم تعرضت لحروب من قبايل ادى إلى ظهور هذه العاده فيها وهالشي مو نتاج يوم ولا يومين هذا ناتج عن حروب وايام وسنين (يعيب علينا اننا نعترض عليه او نحتج)


وعلى كل حال هالعاده قامت تخف بهالايام وقلت حيل واعيد واذكر هالشي مو بس بالقبايل..بجميع العوايل ..




وشكرا ً




اخوكم الطبيجي
اخوي .. وعادت الزواج المعقدينها اشلون اتعقد اذا ماكو تمييز قبلي وطائفي؟؟

اخوي اهيا فعلا مو بس عند العوازم هالمشكلة عند وايد قبائل .. والمشكلة التمسك فيها من البعض ليما هالوقت وصلنا 2005 وداشين بـ2006 وليلحين متمسكين فيها .. هالحروب الي صارت بين القبائل مو سبب لتحكمنا لهذا الوقت .. او اتخلي دائرة الحلال صغيرة علينا .. كانة انترك الدين الاسلامي الي اهوا دستور الحياة وقامو يمشون على دين القبلية ..!!

[SILVER RAIN]

يا بنت الناس ردي عليج واضح ومفهوم ولاهو مدفون معناه الي ابي اقوله ان بنات عمي انا اولا من اي رجال غريب سؤاء عنكم كقبيله العوازم وعندنا ياقحطان ومطير وعتيبه وغيرها انا لابغيت بنت وقلت حق امي الشروووط كذا وكذا وكذا وتوفرت الشروط في بنت عمي ولا بنت بنت خالتي ليش ما اخذها ؟؟؟

ولاهي قسوه على ماقلتي العادات اسلوم عند القبايل من عهد الحروب ووقت مضى وهذا نفخر فيه كقبايل
والحضر والي تحضروا من الناس يحس بعض الاحيان بنقص عن غيره في ترابط القبايل والحضور الجماعي
والحميه وغيرها هذي اسلوم ورثوها جدانا

ومن الناحيه الدينيه وانتي ما ادري وشلون تحرمينهم وتكفرينهم وتقولين حرام لا انتي تحرمين ولا انا
هذي عند الله
اخوي .. حلو الواحد يتفخر منو اهوا يكون.. حلو الانسان يقول انا نسبي كذا وكذا .. ويكون لة غيرة على نفسة واهلة .. لكن يكون بعلمك الرسول علية الصلاة والسلام انهى عن هالقبلية .. قريت قصة الاوس والخزرج؟؟ كلنا اخوة بالاسلام يعني مالة داعي التعصب القبلي ..!! وعلى فكرة ماكفرت احد لكن اعترض على هالقوانين القبلية لانها ماتعارضني انا اتعارض شرع الله .. والي يسوي عكسها مايعيش بهالدنيا كانة سوا فاحشة مع انة هالشي حلال ..!!

[SILVER RAIN]

فعلا عادات قاسية وانتهى زمانها
^____^ شكرا على المرور

[راعي العشوا الطبيجي]

اخوي .. وعادت الزواج المعقدينها اشلون اتعقد اذا ماكو تمييز قبلي وطائفي؟؟

اخوي اهيا فعلا مو بس عند العوازم هالمشكلة عند وايد قبائل .. والمشكلة التمسك فيها من البعض ليما هالوقت وصلنا 2005 وداشين بـ2006 وليلحين متمسكين فيها .. هالحروب الي صارت بين القبائل مو سبب لتحكمنا لهذا الوقت .. او اتخلي دائرة الحلال صغيرة علينا .. كانة انترك الدين الاسلامي الي اهوا دستور الحياة وقامو يمشون على دين القبلية ..!!



اختي الكريمه يتمسك فيها من فراغ او مزاج


لازم تكون هناك مسببات واسباب تجبرهم على هالشي


وماكو اهل يحرمون بنتهم من الزواج بسبب غير مقنع


والمشكله اللي يعاني منها الشعب العربي هالايام انه ينظر للغرب بأنه التفتح والتطور وانه وصلنا 2005 ولازم نترك العادات القديمه !!

في عادات من 1000 سنه ويمكن تطبيقها يكون افضل من التمسك بالحجاب للبنت وعدم مخالطتها للرجال!!

يعني التشريعاات الاسلاميه من اكثر من 1000 سنه خلاص نتكرها ؟ لاننا داشين على 2006 !!


هذا مو كلام والموضوع جيد لكن طريقه عرضه خطا لان لكل قبيله عادات وتقاليد اهي الي رفعت اسمها وخلت لها شان ومكان متيمز


وشكرا ً

[راعي العشوا الطبيجي]

للتوضيح

في عادات من 1000 سنه ويمكن تطبيقها يكون افضل من التمسك بالحجاب للبنت وعدم مخالطتها للرجال!!





ويمكن تطبيقها يكون افضل من التمسك بالحجاب = يكون افضل ( مثل ) التمسك بالحجاب



وشكرا

[SILVER RAIN]

اختي الكريمه يتمسك فيها من فراغ او مزاج


لازم تكون هناك مسببات واسباب تجبرهم على هالشي


وماكو اهل يحرمون بنتهم من الزواج بسبب غير مقنع


والمشكله اللي يعاني منها الشعب العربي هالايام انه ينظر للغرب بأنه التفتح والتطور وانه وصلنا 2005 ولازم نترك العادات القديمه !!

في عادات من 1000 سنه ويمكن تطبيقها يكون افضل من التمسك بالحجاب للبنت وعدم مخالطتها للرجال!!

يعني التشريعاات الاسلاميه من اكثر من 1000 سنه خلاص نتكرها ؟ لاننا داشين على 2006 !!


هذا مو كلام والموضوع جيد لكن طريقه عرضه خطا لان لكل قبيله عادات وتقاليد اهي الي رفعت اسمها وخلت لها شان ومكان متيمز


وشكرا ً

اخوي بالاول الاسلام هذا دستور الحيا سواء شئت ام ابيت لانك مسلم لازم تتقيد بتشريعاتة .. اما القبلية والتميز الطائفي والمنع والجبروت على والله قبلية مادري شنو متهاوشين وياهم قبل في ماقبل التاريخ مانزوجهم .. وهالعادة ليما هالوقت ويانا هذي سخافات .. وعلى فكرة مالة اي دخل الغرب بشغلات الواحد لقاها عندة غلط ويبي يغيرها .. لكن كل شي غلط يستوي يديد وبيغر شي عن المعتاد قطوها براس الغرب ..!! ليش يبة ماتواجهون الحقيقة .. وانا قلت برد من الردود حلو الانسان يكون لة نسب حلو الانسان يكون لة غيرة .. لكن مو المنع من دائرة الحلال وتحريمها ؟؟

[دايم العز]

السلام عليكم
انا عندي تعقيب بسيط واتمنى انكم تقبلونه بسعة صدر وعقلانية واتمنى انكم تعيدون النظر قبل لا تردون

اولا لا يجوز نفسر الآيات على مزاجنا

راح يوصلني رد يقول الآيه واضحة وصريحة

في آية تقول "واقتلوهم حيث ثقفتوهم"

هل معناها انا نقتل جميع الكفار اينما نجدهم

طبعا هذا مو تفسير الآيه

زين يا اختي هل سمعتي عن شي في الزوج في الاسلام يسمى بالتوافق الاجتماعي؟؟؟؟؟؟؟؟؟؟؟؟؟؟

هناك عدة شروط في الزواج بالاسلام واذا تحبين تلقينهم باي كتاب حتى كتب الثقافه الاسلاميه ومن هذه الشروط

شيء يسمى""""""""""""""" بالتوافق الاجتماعي"""""""""""""""

الذي يدعو على ان يتم الزواج بين الشخصين ذوي مكانة اجتماعيه متقاربه "طبعا الاسلام لا يحرم ان تكون الطبقات متباعده ولكن يحبذ ان تكون متقاربه"

كما نعرف ان كل قبيله تفتخر انها هي الافضل فلا تزوج غيرها مثل العوازم وغيرهم من القبائل

ويا اختي ارجو ان تجاوبيني بكل صدق

اذا جاء وخطبك هندي ذو دين واخلاق وجمال ويسكن بالكويت هل تقبلين به؟؟؟؟؟؟؟؟؟؟؟

ام تطبيقين الاية على غيره فقط؟؟؟؟؟؟؟؟؟


اشكركم على سعة صدركم

مع السلامه

[SILVER RAIN]

^
^
^

هندي مرة وحدة ..!! الله يسامحك..!! شنو تبي البس ساري واروح وياة الهند..!!

انا اتحجى عن القبائل الي اهني بينا وبين بعض اشياب الدول الثانية من شرق اسيا حق موضوعي؟؟

مثلا قبيلتنا ماتزوج الا من نفسها يعني عازمي ياخذ عازمية ..

واذا اهوا طبعا يبي يتزوج من برا الكويت امريكية ولا فلبينية ولا هندية او حتى احضرية من الديرة طبعا على راحتة ريال محد يقدر يتحجى عنة وهذا بكل القبايل..

اتحجى عن البنات شايف جم وحدة عانس ولا جم وحدة مطلقة من زواج فاشل ؟؟ تحت زواج فاشل حط خطين ..!! لان الفشل بالزواج

بهالوقت هذا صاير اكثر بوايد من النجاح حتى ولو خذت ولد عمها ..!! بهالوقت الفشل صاير اكثر خذلك لفة على وزارة العدل شوف

ملفات الطلاق اشلون مشاءالله اشكثر ..!!

اذا ية واحد مثلا من قبيلة غير العوازم خنقول عنزي .. عجمي .. عتيبي .. شمري..مطيري .. فضلي .. إلخ من الاسر الكويتية

طبعا الرفض لهم حتى ولو كانو من خيرت الشباب والمشكلة اذا احد وافق وزوج من اهلة احد من هالقبائل مع انة بالنهاية الكل

عندة جنسية أولى وكلنا مسلمين ايي حجي الناس كانة سوو فاحشة .. اتحجى على شغلة ليش ما

تبطل ابواب الزواج للكل القبائل تاخذ من بعضها بدال ما هالمصايب الي انشوفها طلاق او خيانة

ولا الرياييل مو قادرين على زواجهم من بنات

يبونهم من قبايل ثانية ويروحون يخربطون برا ويردون بالامراض !!

[دايم العز]

انا معاج اذا كان الشخص ذو قبيله عربيه اصيله

واصله طيب ورجل فيه الخير واهله طيبين انا عن نفسي ازوجه ولا ارده

اما اذا كان ماله قبيله وحتى لو كان كويتي جنسيه اولى ورجل ما عليه قاصر راح احترمه واقدره واكرمه لكن ما ازوجه

[SILVER RAIN]

اخي دايم العز .. شكرا على المرور وعلى ابداء الراي ..

^_____^

[دايم العز]

مشكورة يا اخت سلفر على الموضوع الجميل والنقاش الأجمل

وعلى سعة صدرج

وانتظر مواضيعج بفارغ الصبر لأنه اكيد انه راح يكون شيق وممتع ومفيد

وانا راح اكون انشالله من اول المشاركين فيه

[YAHYA]

الصراحه انا مستمتع في متابعة الموضوع معاكم
ولا تعليق لدي لان الموضوع له ابعاد كثيره