(( فــكــري الــخــالــد ))

[فهد عوض البريكي]

من منطلق فزعتي يا فكري الخالد=ومن زاوية غيرتي والنيه النيه
حضرت في دعوتـ(ـن) جتني من اللجنه=وألغيت من شانها كل أتفاقيه
شاعر هواوي وشعري فالغزل يشهد=لكن في هالوقت ترتاح الهواويه
تحكم علي الحميه بمثل هالموقف=أني أسخّر لربعي كل مطويه
يا بدر مرزوق رح والله يسهلها=دام العوازم معك لا تخاف موليه
ما دامهم فالوجود وجمعهم واحد=بأذن الله الفوز بتعانق معاليه
لك لابتـ(ـن) فالوغى ما مثلها لابه=لابة ظفر فالمواقف نارها حيه
نبع الفخر والظفر والمجد والهيبه=اللي بنوا بالفخر والمجد محميه
محميتـ(ـن) مع مرور الوقت ما تنفى=نحيا ونموت ويعيش العز ماضيه
بني عطا منبع الفزعه ومرجعها=الكل منا ترك فالطيب ماريه
الرجل منا ليا من صاغ له مبدأ=تروح روحه ولا تهدم مباديه
فعايله ما تبي توثيق , موثوقه=ومواقفه فالكرب عجله وعفويه
أولاد عازم وعازم جدنا الأول=ونفخر بجوده وفي فعله وطاريه
يا عيال عمي حشى ماخابت الهقوه=واللي يتهقوابكم ترسي هقاويه
يا نسل جدي ليا من ضاقت الدنيا=ما ضاق منهو عزاويكم عزاويه
آمالكم خيّره وأهدافكم جزله=وأرجالكم واعيه ما هيب رجعيه
وأمجادكم فالمعالي ذكرها باقي=وأفعالكم راسخه ماهيب منسيه
وعاداتكم مع مرور الوقت معروفه=على الوفى والكرم والعز مبنيه
أقولها والفخر خيّم على الشاعر=وما عاد يملك سوى أجزل معانيه
أن كان حازت على أرضاكم وأرضتكم=هذا المنا والأمل باقي تواليه
وأن كانها ما عجبتكم أعذروا فكري=فهد عوض يعتذر يا جمع الأمسيه