قطـعت العلاقـه !

[محمد عيد]

صحيح بعيوني كنك القوت والمـاس=تعال اسكن الخافـق وخـل الحماقـه

انا بسألـك بالله ليـه أنـت حسـاس=ومشاعرك توحـي بالغـلا والرقاقـه

يابنت اسمعي كلمه من الراس لـراس=على شان لامن غبت تبقى الصداقـه

انا من عرفتك مـا يهمونـي النـاس= علي الحرام إنـي قطعـت العلاقـه

اخذتك بقلبٍ كله اشـواق واحسـاس=وشاعـرك ماتجهـل بقـو إشتياقـه

يقولون قبل الفاس لا يطيـح بالـراس=واقول والهوى بحرٍ قوي إصطفاقـه

انا في غلاتك ماني كـاذب وبـلاس=وليامن عشقت اعشق لحـد الطفاقـه

محبتّك في قلبي على حشمه وسـاس=وبعض والعرب لو راح مشكي إفراقه

محبتّك أكبر من حبر فـوق قرطـاس=إي والله على شوفتك زدت الشفاقـه

ولا همني بالوقت (ريمـه وريمـاس)=ياكود الغلا اللي فج صدري وحاقـه

اغني طرب لكن بالصـدر هوجـاس= ولاني بحاجـة مـن حبالـه دقاقـه

واذا إن المحبه ماهي تبنى على ساس=اطش الغلا والشـوق ويـا العلاقـه

مع الوقت بكره لازم يجيـك عسـاس=وانا شاعر ٍ وياي رخصـتْ سواقـه

اظنك ماتجهل في محمد قـوي بـاس=ومنهو يبـي فرقـاي ويـاي طاقـه