( !.. رســـايـــــــــل ..! )

[حمود بن غربين]

يابو حمد .. فكري من الوقت محتاس = من وين ماوجّهة .. مامن فوايد
تعبت أعز الصبر .. وأجامل الناس = وأكتب على سود الاماني .. قصايد

[حمود بن غربين]

كتبت لي بيت شعر .. وصار بعيونك = أجمل بيوت القصيد .. اللي على الساحه
هذا وانا ماكتبت الشعر .. في كونك = كنت اكتبه من شقا .. ماهو من الراحه

[حمود بن غربين]

بلاش يا صاحبي .. تنشد عن الماضي = اللي مضى مايعوّد .. لا تمنّيته
ماعاد قلبي من جروح الجفا .. فاضي = مليان .. واللي نساني ما تناسيته
من عقب ماشفت برّاق الجفا ناضي = عرفت بـ أني من الاعماق حبيته

[حمود بن غربين]

سولف .. وسمعني حلاوة قصايدك = خل السكوت .. لـ وقت لوم ومشاريه
ترى الغلا .. وشعور الاشواق في يدك = اطلق عنان الشعر .. واكتب معانيه


:)

[حمود بن غربين]

ماهو جديد .. إنك عن عيوني تغيب = ولا هو غريب .. اشتاق لك وانت غايب
كم أنتظرتك .. كم تمنّيتك قريب = لكن .. بعد هاليوم محنا حبايب
الخوف والتفكير .. والشك والريب = يا أول غلا .. هذي اساس المصايب

[حمود بن غربين]

اشتقت لي ؟ والاّ مجرّد رساله ؟ = احلّفك باللي خلقنا .. لي اشتقت


:)

[حمود بن غربين]

يا قلب . ماله داعي تحب وتصون = مافي أحد هالوقت . يستاهل الحب

[حمود بن غربين]

ترى الحب نهجه غير .. واللي تسوي غير = آحاسيس قلبك .. ما تجمّلك يالغالي
يعيش الغلا .. في قلب ما يعشق التغيّير = ماهو مثل قلبك .. بالهوى داله وسالي
هذي حالتك . والحب له قصه وتأثير = مافي قلب يعشق .. من هموم الهوى خالي

[حمود بن غربين]

احبك واعشقك وأغليك يانور الضيا واهواك = يا مالك كل احاسيس الوفا والحب والطيبه
احبك يابعد عمر القصيد وكل حرف افداك = احبك كثر مادوّنك شاعرك بمكاتيبه
انا غاية مرامي في حياتي وصلك ولاماك = ماغيره شي ثاني يشغل افكاري واهذري به

[حمود بن غربين]

من يوم ما لاح بـ سما الحب . بارقك = وانا اكتبك . بـ لحون شعري وقافي

[حمود بن غربين]

لا عاد ترسل على رقمي .. مسجاتك = خلاص مالك هنا في خافقي سلطه
لي عام أسامحك .. وأنت تعيد غلطاتك = يا لين ما مات حبك .. والسبب غلطه

[حمود بن غربين]

العام .. ادوّرك بين الناس يالغالي = واليوم .. عاد انت بين الناس دوّرني


:)

[حمود بن غربين]

هذا الزمن .. تغيّرت فيه الاحوال = صار الردي بعيون الاجواد .. طيّب

[حمود بن غربين]

حاجتين .. تهمني في هـ الزمان = التواضع .. وأحترام المسلمين

[حمود بن غربين]

مادام الغلا عايش بداخلك .. من مبطي = وله بيت في خافقك .. وضلوعك اوتاده
بـ أسامحك من شان الغلا .. كل ما تخطي = لو ان الخطا .. يا سيّدي تاخذه عاده

[حمود بن غربين]

ثلاثة سنين غايب .. ماطرا لك تعود = ثلاثة سنين ناسيني .. وانا ناطرك
ثلاثة سنين مالي في خيالك .. وجود = ثلاثة سنين .. بان البعد في خاطرك
ثلاثة سنين .. والضيقه بصدري تسود = ثلاثة سنين .. وأنت تشحّ في ماطرك

[حمود بن غربين]

يعني ولو طوّل غيابك .. وش يصير = عادي .. تعوّدت السهر في غيابك


:)

[حمود بن غربين]

كنت اتمنى بس لحظه .. آكلّمك = ياللي على طيبة خفوقي .. تدلّلت
كتبت لك شعري .. على شان اعلّمك = اني من غيابك .. تعبت وتمللت


:)

[حمود بن غربين]

ماعاد لي بالهوى رغبه .. وشف ومرام = ولا عاد يستحمل الخفاق .. حب ٍ جديد
الحب كله شقى .. مافيه برد وسلام = ولا اظن في دنيّة العشاق .. قلب ٍ سعيد

[حمود بن غربين]

أحنّ وأشتاق .. وانت بـ غيبتك ناسي = ومن طاري البعد .. جرحي له سنه ما شفا
خلاص يكفي جفا وغياب .. يا قاسي = الحب ماهو كذا .. صد وغياب وجفا
والله لـ تشتاق لي .. وتحس بـ أحساسي = لو شال قلبك مثل قلبي .. غرام ووفا

[حمود بن غربين]

لا تحرّا .. من ورا عاشقك حاجه = ولا تغرّك بالهوى .. ضحكة حجاجي
ولا يهمك ضيق صدره .. وانزعاجه = عيش وقتك .. بالفرح والابتهاجي

[حمود بن غربين]

من صدق أحبك والدليل .. القصايد = وطيفك على بالي .. ولا غاب لحظه
لبّست بأسمك عنق شعري .. قلايد = وغيرك معي .. والله ما قام حظه

[حمود بن غربين]

لك الله مابغيت اغيب .. لكنّ الغياب أحيان = يصير امن الظروف الواقعه .. والعلم عند الله

[حمود بن غربين]

ردّ لي في ضحكتك .. اشيائي المفقوده = لين أرجّع كل فرحه .. وأسترد اشيائي

[حمود بن غربين]

مدري متى يطري على بالك .. الشوف = وعلى اللقا .. قلبك يزيد اشتياقه
ولا ادري متى يبعد عن افكارك .. الخوف = وتصير من بيني وبينك .. علاقه
هذا وانا لي عام .. واقف لك وقوف = عايش على طاري لقاك .. بشفاقه

[حمود بن غربين]

مادام هذا الغياب اللي حصل .. من ظروف = وقلوبنا راضيه .. ماهيب متخالفه
لا يدخلك من كلام الناس بعدين .. خوف = الناس دايم كذا .. ماعندهم سالفه

[حمود بن غربين]

الضيق .. بـ صدور المحبين نبعه = والدمع .. بـ عيون المفارق مقيمه
والحب .. من بين المخاليق طبعه = مثل المطر .. لا طاح من عرض غيمه
والشوق .. مهما صار ما خان ربعه = يبقى على عهد السلوم .. القديمه
والآدمي .. مابين جوعه وشبعه = ان عاش بـ أفراح الزمن .. عاش ظيمه
الحب .. حبل الكذب ماهوب تبعه = يدخل .. ويكبر بالقلوب الرحيمه
وانا عرفت الحب .. في شهر سبعه = قبله أحاسيسي لـ صوبه .. عديمه


:)