طلال بندر
05-03-2011, 03:10 AM
,,
,,
,,
ترى ذاك السحـاب اليـا تعـلاّ والمـزن ملمـوم=عيونـي تستخيلـه والمشاعـر تلتفـت صـوبـه
أحب أشاهد الديمـه ... وفـوّاح الثـرى مشمـوم=يذكرنـي حكايـات المحبـه ... طوبـه وطـوبـه
ولو يشرى الغلا من قلـب خلانـي فرقـت السـوم=نعيـش براحـة الأيـام والأحــزان مشطـوبـه
ولكن الزمـان يعيـش بـه راع الهـوى مهمـوم=ليا منه صفى جـوه ( عذولـه حـش عرقوبـه )
عسى الله يخزي الظالم ... وينصر سيرة المظلـوم=وراع النيـه الحسنـه عسـى الله يغفـر ذنـوبـه
وأنا رجلٍ بسيط وقانـع وراضـي علـى المقسـوم=وترى الرجال يظفـر لـو مايملـك سـوى ثوبـه
وأذا راسك عواره زاد ( حجّم وصبـح المحجـوم )=ولا تزبن على الدكتـور ثـم تبلـش مـن حبوبـه
عداك اللوم ياوجـه السهـر منـي عـداك اللـوم=يطـول الليـل بالتفكيـر والغـايـات مرغـوبـه
أفكر بالزمـان اللـي مضالـي ليـن طـار النـوم=وضحكت ... وصارت الضحكه مع الأفكار مرعوبـه
وذكرت الله سبحانـه وأنـا جالـس قبـل لا أقـوم=وذكـرت الحكمـه اللـي بعتمـاد الفكـر مكتوبـه
زخاريف السما تفنى ... وتفعيـل القـدر محتـوم=وعمر الآدمـي محسـوب ... والأيـام محسوبـه
ومنهـاج المحبـه ليـلٍ أسـود ماحـواه نجـوم=عليـه الليلـه الظلمـه مـن الأحبـاب مسلوبـه
حكايـة ليلـة الفرقـى تبنّـت دمعـة المـحـروم=معـه بالحّـل والترحـال مـذكـوره ومنسـوبـه
مصير العاشق الخـوّان بسلـوم الهـوى مذمـوم=ومـن زاد بغـلا خلـه يضيـع وضـاع مطلوبـه
عرفت أن الهوى مثل الدقيقه ... والشهر ... واليوم=يجي ويـروح وأيـام الفـرح والشـوق منهوبـه
ومن يتبـع حكـي راع النمايـم والحسـد معلـوم=يـذوق الويـل والنيـه علـى ماقيـل مقلـوبـه
وأنا ماهمنـي هرجـة أربـادي والرخـوم رخـوم=ولا أهتميت فـي علـم الشـرود ومـن تحاكوبـه
أنا ماهم قلبي غيـر خشـفٍ فـي يديـه أرسـوم=خـذاه الوقـت منـي والليـال القشـر مجلـوبـه
حفظته من مشاريه الوجيه ومـن سيـوف القـوم=وحذفنـي وسـط نـار التفرقـه والنـار مشبوبـه
خطاي أني صدقت ... وقمت أسلي خاطر المهمـوم=أحسب أنه مثل حالي همـوم ( وخـاب ماجوبـه )
طلع يلعب علـى الحبليـن والدنيـا هيـام وهـوم=عليـه الله أكبـر والخيـانـه عـيـب وعقـوبـه
وأنا طـلال لاقامـت علـيّ روس الرجـال أقـوم=على عز ومعـزه وأعـرف الطيّـب مـن أسلوبـه
يطير الحـر الأشقـر للخضيـرا والعقـاب يحـوم=يعيونـه تنتظـر للصيـد ملهـوفـه ومغصـوبـه
وأنا بالكون عشت وشفت ... ماني حاجة التعلـوم=أعرف المنهج الهابـط قبـل لا أشـوف عذروبـه
أكيـل مـن الذنـوب الفايتـات ولانـي بمعصـوم=عسى الله يغفـر ذنوبـي مـن الغفـران والتوبـه
ورفيقي بالسفر لو هو خطأ ما ضايقـه لـو يـوم=أخفض له جناح الطيب ( وأرضـي جـد مندوبـه)
رفيقي لو طلـب عينـي ترانـي بالعطـا ملـزوم=عطيته والحـواس الخمـس للأصحـاب مكروبـه
رفيقـي هـو رفيقـي والصداقـه بيتهـا مزعـوم=ولو عدد عيوبي ... صاحبـي مـا أعـدد عيوبـه
وأذا قام الزمن بين الغضي ... والصاحب المحشوم=أبشـري صاحبـي ,, وأبيـع حـب الجـادل العوبـه
,,
,,
ترى ذاك السحـاب اليـا تعـلاّ والمـزن ملمـوم=عيونـي تستخيلـه والمشاعـر تلتفـت صـوبـه
أحب أشاهد الديمـه ... وفـوّاح الثـرى مشمـوم=يذكرنـي حكايـات المحبـه ... طوبـه وطـوبـه
ولو يشرى الغلا من قلـب خلانـي فرقـت السـوم=نعيـش براحـة الأيـام والأحــزان مشطـوبـه
ولكن الزمـان يعيـش بـه راع الهـوى مهمـوم=ليا منه صفى جـوه ( عذولـه حـش عرقوبـه )
عسى الله يخزي الظالم ... وينصر سيرة المظلـوم=وراع النيـه الحسنـه عسـى الله يغفـر ذنـوبـه
وأنا رجلٍ بسيط وقانـع وراضـي علـى المقسـوم=وترى الرجال يظفـر لـو مايملـك سـوى ثوبـه
وأذا راسك عواره زاد ( حجّم وصبـح المحجـوم )=ولا تزبن على الدكتـور ثـم تبلـش مـن حبوبـه
عداك اللوم ياوجـه السهـر منـي عـداك اللـوم=يطـول الليـل بالتفكيـر والغـايـات مرغـوبـه
أفكر بالزمـان اللـي مضالـي ليـن طـار النـوم=وضحكت ... وصارت الضحكه مع الأفكار مرعوبـه
وذكرت الله سبحانـه وأنـا جالـس قبـل لا أقـوم=وذكـرت الحكمـه اللـي بعتمـاد الفكـر مكتوبـه
زخاريف السما تفنى ... وتفعيـل القـدر محتـوم=وعمر الآدمـي محسـوب ... والأيـام محسوبـه
ومنهـاج المحبـه ليـلٍ أسـود ماحـواه نجـوم=عليـه الليلـه الظلمـه مـن الأحبـاب مسلوبـه
حكايـة ليلـة الفرقـى تبنّـت دمعـة المـحـروم=معـه بالحّـل والترحـال مـذكـوره ومنسـوبـه
مصير العاشق الخـوّان بسلـوم الهـوى مذمـوم=ومـن زاد بغـلا خلـه يضيـع وضـاع مطلوبـه
عرفت أن الهوى مثل الدقيقه ... والشهر ... واليوم=يجي ويـروح وأيـام الفـرح والشـوق منهوبـه
ومن يتبـع حكـي راع النمايـم والحسـد معلـوم=يـذوق الويـل والنيـه علـى ماقيـل مقلـوبـه
وأنا ماهمنـي هرجـة أربـادي والرخـوم رخـوم=ولا أهتميت فـي علـم الشـرود ومـن تحاكوبـه
أنا ماهم قلبي غيـر خشـفٍ فـي يديـه أرسـوم=خـذاه الوقـت منـي والليـال القشـر مجلـوبـه
حفظته من مشاريه الوجيه ومـن سيـوف القـوم=وحذفنـي وسـط نـار التفرقـه والنـار مشبوبـه
خطاي أني صدقت ... وقمت أسلي خاطر المهمـوم=أحسب أنه مثل حالي همـوم ( وخـاب ماجوبـه )
طلع يلعب علـى الحبليـن والدنيـا هيـام وهـوم=عليـه الله أكبـر والخيـانـه عـيـب وعقـوبـه
وأنا طـلال لاقامـت علـيّ روس الرجـال أقـوم=على عز ومعـزه وأعـرف الطيّـب مـن أسلوبـه
يطير الحـر الأشقـر للخضيـرا والعقـاب يحـوم=يعيونـه تنتظـر للصيـد ملهـوفـه ومغصـوبـه
وأنا بالكون عشت وشفت ... ماني حاجة التعلـوم=أعرف المنهج الهابـط قبـل لا أشـوف عذروبـه
أكيـل مـن الذنـوب الفايتـات ولانـي بمعصـوم=عسى الله يغفـر ذنوبـي مـن الغفـران والتوبـه
ورفيقي بالسفر لو هو خطأ ما ضايقـه لـو يـوم=أخفض له جناح الطيب ( وأرضـي جـد مندوبـه)
رفيقي لو طلـب عينـي ترانـي بالعطـا ملـزوم=عطيته والحـواس الخمـس للأصحـاب مكروبـه
رفيقـي هـو رفيقـي والصداقـه بيتهـا مزعـوم=ولو عدد عيوبي ... صاحبـي مـا أعـدد عيوبـه
وأذا قام الزمن بين الغضي ... والصاحب المحشوم=أبشـري صاحبـي ,, وأبيـع حـب الجـادل العوبـه