رحمـة الله واسعـة .. حبّـك توفّـى

[محمد الدباغ]

العنا .. والهـم .. والشـرد الغرايـب=والحنين المـرّ .. والشـوق المخفّـى
كلّهـا تطـري مـع هـب الهبـايـب=وإن طرت .. قلبي لهـا كفّـى ووفّـى
يحتـزم بالضيـق ويسـج الركايـب=ليـن يـارد جمّـة البـوح المصفّـى
لي زمـن والكبـد تصلاهـا لهايـب=واللهايـب مـن عيونـي ماتطـفّـى
مانزل دمعـي علـى خـدّي سكايـب=نوف .. مدري خوف .. ولاّ الموق جفّا
من غياب اللي عليـه الجـاش ذايـب=شفّـي اللـي فـي طواريـه آتشـفّـا
سلوتي ورضاي يـوم الوقـت طايـب=يـوم وصلـه دوم مـع ليلـي يزفّـى
إيه ياوقـتٍ مضـى .. كنّـا قرايـب=مايقاطعنـي وأنــا فـيـه آتحـفّـى
إيه ياوقتٍ بقى .. ويش أنـت جايـب=صاحبـي قفّـى ومعـه النـوم قفّـى
ماخذيت امن الهـوى غيـر النشايـب=ليـن قلبـي شـال والعقـل استخفّـا
وأنت يا ( كل السبب ) مازلت غايـب=ولايزال غـراب بينـك لـي يرفّـى
كنت أحسب إنْ ثامن السبع العجايـب=إنّي أتْجنّب دروبـك .. وأنـت شفّـا
ليـن ماجرّبـت لوعـات الحبـايـب=وإكتفيـت .. ومابقـى غيـر آتعفّـى
ياحبيـبٍ كـان قلبـي عنـك تايـب=رحمـة الله واسعـة .. حبّـك توفّـى