آهـٍ

[ناجي]

كم قلت للأحباب يااللاهونا= لا يتبع رؤس الرجال الهونا
همُ غراب البين إن شط النوى = واستلحقن شهب السنين الجونا
واهم قلبي من عذاب ضارب= في لب صدري سهمه مقرونا
واهم قلبي من سحاب عاصف= متقادم فيه الفتى مفتونا
واهم قلبي من رعيل قادم= ونبت أرضي للرعا عرجونا
آهـٍ وآهـٍ ثم آهـٍ أينما =وجدت حرفي حائرا مشطونا
آهـٍ وآهـٍ ثم آهـٍ كيفما= حسيت قلبي هائما محزونا
آهـٍ وآهـٍ ثم آهـٍ كلما= عبرت طيفا ؛ألحن الملحونا
آهـٍ وآهـٍ ثم آهـٍ حينما = أكابر وأصافح الجرسونا
آهـٍ وآهـٍ ثم آهـٍ واهنٍ =إن تتبع رؤس الرجال الهونا


شعر : ناجي العازمي

[فلاح القراشي]

اقول على النمط الشعبي :


قلت آآه لو انها غريبه وجريت ،، آهاات ما بين الضلوع النحايف
كنيتها بالصدر لكني ازريت ،،، واعتقتهاا ثم لجلجت بالرجايف



صح السانك يا ابو سيف


ابدعت وليس غريب منك هالابداع


لاهنت لاهنت


تقبل مروري ،،،، 

[الخـزامى]

واهــــم قـلـبــي مــــن رعــيــل قــــادم
ونـبــت أرضـــي لـلـرعـا عـرجـونــا

الأخ الفاضل...ناجي
هنا في هذا البيت وصف غريب شدني ...
دمت بخير,,,

[شغب انثى]

مـــن يـعـاونـي عــلــى ربــــعٍ هـنـيــا =مـن بـغـى درب المـراجـل يمنعـونـه
الـمــراجــل مـــــا تـهــيــا هـالـســويــا =كود من عض النواجذ في سنونـه
ان بغـيـت الـهـون درب الجودعـيـا =حالفٍ ما أرضى لنفسي بالمهونه
مـــا علـيـنـا مـــن مــســردة الـقـفـيـا =كـان بـاب الـرزق منهـم يقطعونـه

,,

ياجبــل مايهــزك ريــح ولايضـيـــقـ خــاطرك ..

[هند]

ناجي

لا فُظ فوك

تمنيت لو لم تنهي القصيدة ببيوت الآه
لأنها ملأت النص حسرةً و ألماً
فلو أنك استرسلت قليلاً
و ختمتها ببيت يطيب الخاطر عن كسرت الخاطر ^^
لتنفسنا الصعداء

؛
نص مليء بالوجع
ناجي ؛ كُن بخير .. ~

[ناجي]

اقول على النمط الشعبي :


قلت آآه لو انها غريبه وجريت ،، آهاات ما بين الضلوع النحايف
كنيتها بالصدر لكني ازريت ،،، واعتقتهاا ثم لجلجت بالرجايف



صح السانك يا ابو سيف


ابدعت وليس غريب منك هالابداع


لاهنت لاهنت


تقبل مروري ،،،، 

صح بدنك يابو محمد

وصح لسانك على هذين البيتين الرائعين , لعلك أعدتني إلى بدايات المنتدى وأبيات فيصل ارشيد الله يذكره بالخيراللي منها
ان كان سيف الوقت ظالم وبتار .. ترى همومي حلهن عند ناجي

وصرخة النار ,, مع ان ابياتك تختلف عن سيف الوقت وصرخة النار ,,

[ناجي]

الأخ الفاضل...ناجي
هنا في هذا البيت وصف غريب شدني ...
دمت بخير,,,

الأخت الخزامى

لاتستغربيه ؛ بل اعتبره جنوح خيال شاعر ...

وانتي بخير ,,

[ناجي]

مـــن يـعـاونـي عــلــى ربــــعٍ هـنـيــا =مـن بـغـى درب المـراجـل يمنعـونـه
الـمــراجــل مـــــا تـهــيــا هـالـســويــا =كود من عض النواجذ في سنونـه
ان بغـيـت الـهـون درب الجودعـيـا =حالفٍ ما أرضى لنفسي بالمهونه
مـــا علـيـنـا مـــن مــســردة الـقـفـيـا =كـان بـاب الـرزق منهـم يقطعونـه

,,

ياجبــل مايهــزك ريــح ولايضـيـــقـ خــاطرك ..

انا اشهد وأهل المراجل يشهدون

إن
الـمــراجــل مـــــا تـهــيــا هـالـســويــا ,, كود من عض النواجذ في سنونـه

وانها
ما قاودت لاهل المواقف والافعال ,, ماطوعوها الا بشد الشكيمه

[فارس بن دهيم]

ناجي الأديب

جميل توظيف الصور في هذه الأبيات

تقبل مروري

يدوم لك تقديري واحترامي

[ناجي]

ناجي

لا فُظ فوك

تمنيت لو لم تنهي القصيدة ببيوت الآه
لأنها ملأت النص حسرةً و ألماً
فلو أنك استرسلت قليلاً
و ختمتها ببيت يطيب الخاطر عن كسرت الخاطر ^^
لتنفسنا الصعداء

؛
نص مليء بالوجع
ناجي ؛ كُن بخير .. ~


لا بأس في تطييب الخاطر !! لكن من الذي يجب علينا مراعاة خاطره وتطييبه ؟ وماذا بعد الكلام الحلو وتطييب الخواطر ؟ ثم ما نتيجة ذلك ؟؟

نتنفس الصعداء بعدما نيمم الصعداء أوبعدما نتيمم الصعيد ؟

[الــهــنــوف]

لاتستغربيه ؛ بل اعتبره جنوح خيال شاعر ...

صح لسان هذا الشاعر ’ نتمنى له كل خير ’

[واثق الخطوة]

صح الله السانكـ

رائع

وكفى

[ناجي]

ناجي الأديب

جميل توظيف الصور في هذه الأبيات

تقبل مروري

يدوم لك تقديري واحترامي

الأخ / فارس بن دهيم

الجميل هو مرورك وكلماتك الطيبة ,, لاهنت ,,

[ناجي]

صح لسان هذا الشاعر ’ نتمنى له كل خير ’

الهنوف

جزاك الله خير وصح بدنك ,,

[ناجي]

صح الله السانكـ

رائع

وكفى


الأخ الكريم / واثق الخطوة


صح بدنك ,, لاهنت ,,

[هند]

لا بأس في تطييب الخاطر !! لكن من الذي يجب علينا مراعاة خاطره وتطييبه ؟

- مَنْ كُسِرَ خَاطِرَه مِنْ الْخَاطِرَةِ الْخَاطِرَة ~

وماذا بعد الكلام الحلو وتطييب الخواطر ؟ ثم ما نتيجة ذلك ؟؟

- الْفِعْل يَتْلُوه رَدّة الْفِعْل وَ لاَ يَسْبَق أَحَدُهُم الآَخَر


ناج الحبيب اللي توده وتغليه
ما دمت حي ودام عينك تشوفه
لو صد يشفع له معك حلو ماضيه
وحقه عليك أنك تقدر ظروفه


نتنفس الصعداء بعدما نيمم الصعداء أوبعدما نتيمم الصعيد ؟

بَعْد الْفَرَجْ ..~

[ناجي]

لا بأس في تطييب الخاطر !! لكن من الذي يجب علينا مراعاة خاطره وتطييبه ؟

- مَنْ كُسِرَ خَاطِرَه مِنْ الْخَاطِرَةِ الْخَاطِرَة ~

وماذا بعد الكلام الحلو وتطييب الخواطر ؟ ثم ما نتيجة ذلك ؟؟

- الْفِعْل يَتْلُوه رَدّة الْفِعْل وَ لاَ يَسْبَق أَحَدُهُم الآَخَر


ناج الحبيب اللي توده وتغليه
ما دمت حي ودام عينك تشوفه
لو صد يشفع له معك حلو ماضيه
وحقه عليك أنك تقدر ظروفه


نتنفس الصعداء بعدما نيمم الصعداء أوبعدما نتيمم الصعيد ؟

بَعْد الْفَرَجْ ..~

الله كريم

الله يجبر بخاطر كل المكسورين أو المشعورة خطرهم ,, أما المناجاه ماظنتي لأني أعرف نفسي "بدوي جافي "

مبداي بالحياة (( وش اسوي بالضعييف ؛ والله اللي مضعفه مهوب أنا))


عموما لاتستبعدين " لا أكتب خاطرة جبر الخواطر"

[فلاح القراشي]

صح بدنك يابو محمد

وصح لسانك على هذين البيتين الرائعين , لعلك أعدتني إلى بدايات المنتدى وأبيات فيصل ارشيد الله يذكره بالخيراللي منها
ان كان سيف الوقت ظالم وبتار .. ترى همومي حلهن عند ناجي

وصرخة النار ,, مع ان ابياتك تختلف عن سيف الوقت وصرخة النار ,,


حلهن عند ناجي ،،،، وهو صادق


ذكرتني بالفزعه :)


ياراكبٍ من عندنا فوق داربه ،،، حايل رباع السن ما شق نابهاا
مني لـــ أبن سودان بالحال حملت ،، مضمون نفسٍ بيحت في خطابهااا


الله لا يهينك يا ابا سيف


تقبل مروري ،،،،

[ناجي]

حلهن عند ناجي ،،،، وهو صادق


ذكرتني بالفزعه

كفو ياابو محمد


ياراكبٍ من عندنا فوق داربه ،،، حايل رباع السن ما شق نابهاا
مني لـــ أبن سودان بالحال حملت ،، مضمون نفسٍ بيحت في خطابهااا


ليتك تدري وش سوت فيني قصيدتك هاذي
بس الحمدلله ان ماحد يدري لكن الحقيقة انها حركت فيني أشياء من الصعب تحريكها

هـــــدأ الـلــيــل وألـهــمــت الـمـشـاعــر كـتـابـهــا
وحــســســتــهـــا فـــيــــمــــا طـــرقــــهــــا وجـــابــــهــــا

وعـطـيـتـهــا مـــــــن هــاجــســـي مـــــــا يــشــدهـــا,,ويــــمــــدهــــا ويــــــعــــــز حــــــضــــــرة جـــنـــابـــهـــا

خــــيــــال بــــــــه الــخـــايـــل يــخـــيّـــل مــخــايــلــه
نــبــا فــــي المـخـايـيـل وســمــا فــــي ضبـاابـهــا

بــعــد مــــا ذكــــرت الله فــــي مـعــتــم الــدجـــى,,ورقــــد مــــن رقــــد والـســهــر عـيــنــي لـقـابـهــا

رحــابـــه ومـــــاوى انـــــس وانـــســـاح خـــاطـــره
بــعـــد مـــــا أسـتــلــذ بــطـــرف عــيـــنٍ لـجـابـهــا

ســويـــت لـــــي فـنــجــال اشــقـــر بـحـضـرتــه,,لانــــــــه صــــديــــق و صــحــبــتـــه مـــادرابـــهـــا

وطـلـبـت الـهـجــوس الــلــي لـهـاعــام غـايـبــه
الــــلـــــي بــــهـــــا لــــغـــــز الـــحـــيـــاة وجـــوابـــهــــا

وأخــــذت الـقـلــم مــــن نــــون يـاحـيــي حـيــهــا,,مــايــســطــرون وحــــــــي شــــخـــــص قـــرابـــهـــا

وعطيـتـه حــروف الـضــاد لـكـفـوف ملـهـمـه
عـــلـــى كــفــهــا يــنــقـــش خـــضــــاب زهــابــهـــا

اجــيــهــا وانـــــــا ضـــايــــق وتــنــفـــك ضــيــقـــي,,وتـجـيـنـي وأصـافـحـهـا وتـضـحــك اعـذابــهــا

لــهــا ســــري الـمـكـنـون لاجــيــت ابــــوح بـــــه
رعـــــــى الله عــــــــذراً ســــرهــــا مــــــــا ســرابـــهـــا

هلا بالفضاء واهل الرضى وأول النضـاء ,,عــلـــى ســرعـــة أنــتـــر والــمــحــرك عــدابــهــا

.....إلخ

عموما يبو محمد انت بيني وبينك شبه ميانه
قبل يومين بالصدفه قريت قصيدة للشاعر الكبير سعود الغريب واحتمال ان محد انتبه لها او ان موضوعها مهو مهم بالنسة لمن مرعليها .

المراد

اني صديت عن القصيدة بس القصيدة ماصدت عني خلتني مثل ذالك الحصان اللي مشدود رأسه ومكروب بالحيل في العنان ومرفوع ومعلق بأعلى زاوية من زوايا المربط < < تصور حاله : ^_^




الله لا يهينك يا ابا سيف

تقبل مروري ،،،،



ماتهون ياابو محمد ,, وافي يالوافي ,,,

[نـواف العازمي]

والله يا ناجي لا اعرف اسرار و قوانين الشعر
لكن المضامين مرمى عيوني

يا رجل لا تتضايق

صح لسانك و بوحك

تقديري و توقيعي

[ناجي]

والله يا ناجي لا اعرف اسرار و قوانين الشعر
لكن المضامين مرمى عيوني

يا رجل لا تتضايق

صح لسانك و بوحك

تقديري و توقيعي


أهلا بأخي الفاضل / حياة سعيدة

ماهنيا الا الخير بس ردك هذا اثر فيني .

هاذي قوانين الشعار نوب يجيبون لك القيض وأنت بالشتاء ونوب يجيبون الشتاء بالقيض ,,

هالحين انا وابو محمد بالمشب شابين نارنا ونتدفأ ذابحنا البرد \14

لاهنت ,,

[نـواف العازمي]

أهلا بأخي الفاضل / حياة سعيدة

ماهنيا الا الخير بس ردك هذا اثر فيني .

هاذي قوانين الشعار نوب يجيبون لك القيض وأنت بالشتاء ونوب يجيبون الشتاء بالقيض ,,

هالحين انا وابو محمد بالمشب شابين نارنا ونتدفأ ذابحنا البرد \14

لاهنت ,,

هذي الاخبار الطيبة

سلم على بو محمد :)

[ناجي]

هذي الاخبار الطيبة

سلم على بو محمد :)

الله يسلمك وسلامك أكيد بياصله

لأته ان شاء الله يبي يمر الصفحة ويعطينا العلوم الطيبة ,,

[فلاح القراشي]

يا هلا وغلا يا ابو سيف




ليتك تدري وش سوت فيني قصيدتك هاذي
بس الحمدلله ان ماحد يدري لكن الحقيقة انها حركت فيني أشياء من الصعب تحريكها

وهو كان هدفها هذا التحريك لو ما حركت فيك شي يا ابو سيف وش خانتها اجل ،، :)

صح الله السانك يا ابو سيف والله اني مابين يوم ويومين لازم امر عليهاا



عموما يبو محمد انت بيني وبينك شبه ميانه
قبل يومين بالصدفه قريت قصيدة للشاعر الكبير سعود الغريب واحتمال ان محد انتبه لها او ان موضوعها مهو مهم بالنسة لمن مرعليها .

الا تمون يا ابو سيف ماهي شبه ميانه ،،،

بمر عليها واشوفهاا ان شاء الله ،،

بعض الناس يركب عليهم مقولة ( ان ما عرفتك ما عبرتك )

والا سعود الغريب يمرونه مرور كرام مايصير والله




المراد

اني صديت عن القصيدة بس القصيدة ماصدت عني خلتني مثل ذالك الحصان اللي مشدود رأسه ومكروب بالحيل في العنان ومرفوع ومعلق بأعلى زاوية من زوايا المربط < < تصور حاله : ^_^



يعينك الله :)

عساها ان شاء الله هيضتك بس :)





 

[ناجي]

عساها ان شاء الله هيضتك بس

اي بالله علقتني يوم كامل حتى اخرجت المارد من قمقمه:)

ان شاء الله عجبك الصدى

[هند]

مبداي بالحياة (( وش اسوي بالضعييف ؛ والله اللي مضعفه مهوب أنا))


مبدأ غريب و بنفس الوقت مريح
و ربك أرحم فيه ..~

[ناجي]

مبدأ غريب و بنفس الوقت مريح
و ربك أرحم فيه ..~

في الواقع لم يكن غريب !

الله ألطف وأولى بخلقه من خلقه ..