من شاعرات العرب الشاعرة ( الرزينه العازميه )

[عبدالله الهران]

الشــــــــاعرة (( الرزينـــة العازميـــة ))

الرزيــنـــــــــــــــه العازميه
شاعرتنا القديرة ( الرزينه ) هي أحدى نساء قبيلة هوازن القبيلة العظيمة الكريمة التي احتضنة الرسول ( صلى الله عليه وسلم ) والتي منها حليمة السعدية التي أرضعته ، وهي من اسرة كريمة ، يرجع نسبها في قبيلة العوازم آل عطا العامرية الهوازنية ، شاعرتنا ( الرزينه ) هي أحدى شاعرات دولة الكويت أشتهرت ب ( الرزينــــــــــه ) ، أشتهرت في العصر الحديث في الشعر النبطي طرحاً وفكراً ومفرداً ، وفي نشاطها الشعري الذي يحمل كل الإمتياز

يقول أبــــو تــمــام ،،،،،]

أرى الشعر يحيي الجود والبأس بالذي.تبقـيـه أرواح لــهُ عـطـراتُ وما المجدُ لـولا الشعـر إلا معاهـدٌ ومـا النـاس إلا أعظـمٌ نـخـراتُ

ليس شعراً إلا الذي كُلّ بيتٍ فيهِ معنى يدعو إلى الأسماعِ ويكفي الشعر فخراً قول المصطفى عليه الصلاة والسلام " وإنّ من الشعر لحكمة ، وإنّ من البيان لسحرا " وقبل أن نكتب قولا .. أو نسبر غور إحساس مطلق علينا أن نعلم بأن الكلمة أمانة وأن القول إن لم تكتمل معالم إحساسنا به تناسيناه سريعا في زحمة الحياة العابرة .. فمن هذا المنطلق تنطلق شاعرتنا ( الرزينه ) بكلمة (على الهون يافكري) في قصيدتها الموسومه التي يتجلى بها المعنى المرصع بالشجون والجروح الخفية التي تموج في نفس الشاعرة فتقول ،،،،،،،


يافكـر الرزينـه

على الهون يافكر الرزينه على هونك = نبي نبدي المشوار ونصفي النيه

أمانتك يافكري متى تطرد شجونك؟ = متى ! تستريح جروح ماهي بمنسيه!

كتبت الجزايل؟ جبت ماحولك ودونك!! = وغصت البحور بكل سرعه جنونيه

تركد..تصبر..وافتهم < لا يغرونك = وتّتبع طريق(ن) مظلم ابكل عفويه

(اسوق القدم وأتعب لجل خاطر عيونك = (وخل الحقود ايموت في ناره الحيه)

كلامن كما البلسم وبالصدق يغزونك = مثل ماغزا الطاغي ديار الكويتيه

أبنهيك ..يافكري عسى الناس يفدونك = عن دروبهم >>تجعلك بأرض (ن) خلاويه

وبوصيك يافكري على اللى يحبونك = أمانه تعاملهم بطيبه وحنيه

وأحذرك..يافكرى ترى البعض يخشونك = غموض السكوت وهيبتن فيك ماريه

ضعاف النفوس اللي يتمنون مكنونك = لكّن الحقيقه عنهم دوم مخفيه

ترى الصمت حكمه واجعل الصمت قانونك = ولاتبوح مايخفى خفوقك لو شويه

وخل الحكي والثرثره مايدانونك = تجنب عن اللي يكسبك ذنبن وسيه

يافكر الرزينه استمع لي ..((على هونك)) = لعل وعسى ترتاح نفسن شقاويه

*****
يتــــــــــــــــــــــــبع

الكاتب
عبدالله الهران

[عبدالله الهران]

الشاعرة (( الرزينة العازمية ))

الشــــــعر

وكما هو معروف أن الشعر هو أرقى الفنون وأعلاها وأجل الآداب واسماها فهو حديث النفس ولغة العواطف ونبض القلوب وصدى المشاعر ،،،،،،
ولقد وقفت كثيرا حول قصائد شاعرتنا ( الرزينة ) وكيف تبدو في عذب الكلام ، في قصيدتها الموسومة دمعة عيوني كما النيران في خدي الرزينه ،،، فقالت


دمعــــــــــة عيــــــــونــي

عودت لج ياقصيده ضايقه حدي = من غدر دنياي فيني جيتج أشكيها

لامني شديت حبلي قامت تهدي = ولامن رخيت الحبل قطت بلاويها

وانا همومي من اصحابي ترى تسدي = ماني بحاجه هموم (ن) ابتلش فيها

ودمعة عيوني كما النيران في خدي = تذرف وتذرف ومالي غير أطفيها

أنا اتصدى لكل الناس من قدي؟ = ودنياي هذي أنا مااقوى تحديها

كم واحد(ن)طاح فيها ولا قوى يعدي.. = وكم واحد(ن) صامل (ن) يبغي يجاريها..

وكم واحد(ن) طاح قدمي ولا قوى يردي = مكانه اللي به الدنيا مسويها

وختامها ياقصيده ضايقه حدي = من غدر دنياي فيني جيتج أشكيها

*****

يتــــــــــــــــــــــــــــــــبع

الكاتب عبدالله الهران

[عبدالله الهران]

الشاعرة (( الرزينة ))

لا شك أن لكلمة الأدب والشعر المنزلة العظمى بين العقلاء من الناس فالشعر هو لسان الناس المعبر عن شعورهم وأحاسيسهم , وكلمة الأدب هي الكلمة المؤثرة في الجيل المحركة للنفوس الملهبة للحماس .

إن الأدب يعصم صاحبه من زلة الجهل , وأنه يروض الأخلاق ويلين الطباع , وأنه يعين على المروءة وينهض بالهمم إلى طلب المعالي والأمور الشريفة .

وما الشعر إلا من الشعور بل هو الشعور بذاته تفيض به النفس فيتحد بنغم يوقعه الشاعر على أوتار قلبه , ويحمله على أجنحة مخيلته فيولد ما يدعونه القصيـــــــــدة ،،،،،

فمن هنا انطلقت شاعرتنا ( ارزينه ) بالمفردات الجاده المعبرة ،، وتفجرت قريحتها مبدية ما حصل وما قد يحصل من نتائج المجاملات خاصة في من لايستحق المجاملة ،،، فقالت في قصيدتها الموسومة



حرام يكون له طارى ابقصيد

سلام الله ياجروح الرزينة والقلوب أسرار=سلام الود مدرى الجرح مدري ..خايب الهقوات

تعالى واسهري عندي..علوم(ن) زادت الأضرار= بعد ما طابت جروحي طعني طعنت(ن) بسكات

قهرني شايف (ن) حاله ..و لا حاسب لنا..مقدار=يقول البعد ..يثر بج!!...((وأنا أحلف مو كثر ما فات))

تعذبت ..أنجرح وأسكت..وأقول إن الزمن دوار = مصيره... ي..نجرح مثلي...ويحس ب..قسوة الطعنات

صبرت ولا يفيد الصبر ..دامي بين نار و نار = عرفت انه معي خاين ..يحب مصاحب الخفرات

وعرفت انه قوى بعدي ...ودمعه ما نزل مدرار = وعرفت ان القلوب تموت لامن خابت الهقوات

خسارة فيه حبي له .. خسارة ما كتبت أشعار = وخسارة كل أحاسيس(ن) تغنّت به على الأبيات

أنا مالي بهوى خاين ولا لي في هوى الغدار = قسا قلبه على قلبي و ما أبي أذرف الدمعات

حرام تسيل من عيني ...حرام يكون له تذكار = حرام يكون له طارى ابقصيد يداحم الجزلات

ابخرج من حزن غدره واغير وجهة المشوار = وبعزف مابقى لي من حروف برقه النسمات

نسيم الليل داعبني و... وصلني لذيك الدار = ديار(ن) ما بها خاين ولا فيها جريح (ن) مات

تعم الفرحة شارعها وبسمتها دوى الجبار = ديار السلم كل شخصن يجيها تعجبه ويبات

ديار(ن) في مخيلتي وحلم(ن) مالها أي أثار = عسى ربي يحققها _...يحققها ولو لحظات

*****
فهذه القصيدة عباره عن ذكرى وشجون لماً قرآها ،، ليتعرف على ما يجول في خاطر شاعرتنا الكريمة
لقد جادت شاعرتنا التعبير في هذه القصيدة الموسومة وجاد بوحهـــــــا ،،،،،

،،،،، ياســـلام ياشاعرتنا ، البيت الأخير هو زبدة الكلام ،،،،،

يتــــــــــــــــــــــــــــبع

الكاتب
عبدالله الهران

[عبدالله الهران]

الشاعرة (( الرزينة العازمية ))

فطنة الشاعر

أن أرطأة بن سهية دخل على عبد الملك بن مروان، وكان قد أدرك الجاهلية والإسلام، فرآه عبد الملك شيخاً كبيراً، فاستنشده ما قاله في طول عمره فأنشده ،،،



رأيــت الـمـرء تـأكـلـه اللـيـالـي = كأكل الأرض ساقطة الحديد

وما تبغي المنية حين تأتي لى = نفس ابن آدم مـن مزيـد

واعــلــم أنــهــا سـتـكــر حــتـــى وفــــي = نــذرهــا بــأبـــي الـولــيــد

فارتاع عبد الملك وظن أنه عناه لأنه يكنى أبا الوليد، وعلم أرطأة بسهوه وزلته، فقال: يا أمير المؤمنين إني أكنى بأبي الوليد، وصدقه الحاضرون، فسري عن عبد الملك قليلاً

فمن هنا تأتي الفطنة الواضحة في الشرح الوافي من شاعرتنا ( الرزينه ) في ما تصفه من عفاف ورزانة في قصيدتها الموسومة فتقول فيها ،،،،،،


قالوا علام الرزينه

قالوا علام الرزينه فكرها سالي?! = ماهي بيمنا تهل الدمع وش فيها!.

هي عشقت والا وسط القلب غربالي? = والا نزيل الحشا بالصد جازيها؟

الناس تهرج وتمرج صابها هبالي = وعقولهم هابطه ربي يعافيها

ماكل منهو سلا ياهل البلا البالي = مغرم وله بالهوى قصه ويرويها

عشق القهر والعنا والدمع همالي = ملعون جده فضح ناس ولعب فيهاا

ماوكل الحب عيش ولا برى حالي = ولا عالج قلوب ماتت غير محييها

كم واحدن مات في سبت هوى الغالي = وكم واحدن ماوصل للي حلم فيها

وانا احمد الله ربي الباسط العالي = ارض الهوي ما مشت رجلي باراضيها

ماني بمجنونه ولاصابني خبالي = وابعد عن اللي دروب العشق هاويها

انا الرزينه شموخي مثل الجبالي = مايهزني شي.. ميزه وافتخر فيها

ماني من اللي دروب العشق تبرالي = حبن بغير الشرف يعلم تواليها

*****

سلمتي وسلم بوحك ياشاعرتنا


يتـــــــــــــــــــــبع

الكاتب
عبدالله الهران

[عبدالله الهران]

الشاعرة (( الرزينة العازمية ))

الشـــــــعر

إن من البيان لسحرا ...

فلذلك ،،، الشعراء أرق الناس حسا , وأشفهم نفسا , ومنهم من آتاه الله موهبة فيتلاعبون بها كيفما شاؤوا , أعني الشعراء المطبوعين الذين يجري الشعر على ألسنتهم سهلا بلا استطلاب , عذبا بلا استعذاب ،،،، فبذلك تقول شاعرتنا في قصيدتها الموسومة الرقية المعبرة عما يجول في خاطرها التي اسمتها ،،،،،، عزة النفس ،،،،،


عزة النفس

ياخفوقي استمع لي دامنا في ذا المجال = استمع لي ياخفوقي بربنا نب نستعين

لاتصدق كل هرج ٍ في مسامعكم يقال = ولاتصدق هرج منهم في قصيدي ناقدين

استمع لي وامتثل لي دام لله الكمال = دامني شيخة قصيدي ودام لي اسم ٍ رزين

يوم جيت بصغر سني شامخه مثل الجبال=والكرامه في سطوري في الشعر شي ٍ ثمين

عزة النفس إملكتني وراثتها من رجال = علموني كل طيب وعلموني حاجتين.

الكرم لابد منه ولعنبو ناس ٍ بخال = واحترامج شي واجب ذاكره دنيا ودين

وخبر اللي في القصايد دوم يسألني سؤال(؟) = قله تقول (الرزينه) واسمعوا يالغانمين

(اللقب) لو كان همي غير احوالك لحال!! = والشعر كنه فؤادي وكنه احساس ٍ دفين

ماكتبت انا القصايد لل لقب والا خبال = ولاكتبته للتفشخر وذم ناس ِ غايرين

الشعر نعمه من اللي عزني رب الجلال = وياعساه يكون شعري في المواقف لي عوين

*****

فالشعر لم يكن يوما سليل الجهل والغفلة بل كان ولم يزل عنوان معرفة أخرى تنشئها الذات مع العالم من حولها معرفة تمتزج فيها التجربة الحسيّة بالتجربة الوجوديّة والروحيّة ،،،،،، فتقول شاعرتنا في قصيدتها ،،،،، الموسومة أشتاق له ،،،،


أشتاق له

حسيت في ضيقه وهم (ن) وغربال = وحسيت بحساس(ن) تزايد لهيبه

الصدر ضايق والبلا عوج الأحوال = متدهوره والكل يلعن قريبه

لاتامن الدنيا بكثرات الأموال = لاتامن هموم الزمان الصعيبه

الجيل هذا غير عن كل الأجيال = غريب حاله صدق والله غريبه

كل الامور الخافيه دونها اقفال = ولي وضح كشمس ربي حسيبه

دنيا عجيبه زادها الشر بهبال = حزن ومصايب والامور العجيبه

نكتم ونسكت دمعنا دوم همال = كل (ن) على الله لا تجيه المصيبه

والبعض يلقى مع هل الحب مدخال = يشتاق في قلبه جروحن عطيبه

وأنا عناي وضيقة الخلق والبال = سبت حبيب (ن) غاب ربي يثيبه

مير البلا في داخل اسوق يختال = شفته بعيني والمدامع سكيبه

أشتاق له مير الكرامه لها جال = ماتنحني لو كان حالي عصيبه

والحين بقطع سيرة الحب وانقال = انتي نظر عيني وانتي الحبيبه

*****

يتـــــــــــــــــــــــبع
الكاتب
عبدالله الهران

[الرزينه]

اخويعبدالله الهران


بارك الله فيك ...
لقد اضفت الى قصائدي جمال حروفك الراقيه

وشكراً على كل حرف كتبه قلمك تجاه قصائدي

جزاك الله خير

[العميره]

الله يعطيك العافيه اخ عبدالله على المجهود

وصح لسان شاعرتناا وتستاهل المدح

وتقبلو تحياتى لكم

[أبــو خــالــد]

الكاتب والباحث // عبدالله الهران


الف شكر لك علي النقل الطيب وتستاهل الشاعره الرزينه المدح ونقل قصائدها لنا


اتمني من الله ان يوفقها ويوفقنا بما يحب ويرضاه



تقبل مروري هنا واعجابي في ماخط قلم الشاعره المميزه والمبدعه الرزينه



اخوك



ابو خالد

[مبارك الخرفشي]

الله يعطيك العافية يا الهرّان.. والرزينه شاعرة رزينه وجزله عسى الله يوفّقها لما يحبّه ويرضاه

ولاهنت

[أبوثامر]

عبدالله الهران ... لك مني جزيل الشكر .. وجزاك الله خير الجزا .. ليس على ما قدمته الان بل للي قدمته للقبيله منذ سنون .

[أبوثامر]

الرزينه .. الله يكثر من أمثالك .. وأسم على مسمى وشعر و أدب يدرس للأجيال .. وأتمنى لك التوفيق .

[لبا قلبك]

الله يعطيك العاافيه وتسلم اياااديك

تقبل مروري

[الليث الرهيص]

بارك الله بكم *** ويعطيك الف عافيه