مساجله بينى وبين دايم العازمي

[مرزوق الصواغ]

صوت دايم العازمي




بسم الله الرحمن خلاق البشر واللي نشوف=اللي خلق سبع ٍ على سبع الطباق الثابته

واللي فرض سبع ٍ بعد سبع ٍعلى بيته نطوف=قبل الصفا يا اهل الصفا ربٍ سريع اجابته
طالبك جملني ليا سقت القوافي و الحروف=ويسر امور الخاطر اللي عالم ٍ وش كابته
اشكي على معكاز من حده زمانه للحتوف=بشكيله اشياء ٍ بوسط القلب توها نابته
شاعر واعرفه ميزته يا ناس إله قدر معروف=بيني وبينه وصاة عود ٍ مثل ليث بغابته
واليوم انا يوم ٍ بدالي لازم ٍ جيته شغوف=مرزوق ابن مثعي كريم الساس نعم ابلابته
هو محزمي لا حمية الساقة وطارن الغدوف=ستر ٍ لعذرى بخدرها وقت اللقا ماعابته
افزع لمن حاله من ايام الدهر صار معطوف=حاله انعطف من بعد ما جاته ظروف ٍ صابته
العام اهو داله ولا عنده من الدنيا ظروف=وسود الليالي خاطره والله ترا ما رابته
واليوم اهو حاله كما شمس ٍ تقرب للكسوف=للشمس تعلم مستقر لو انــّها مو حابته
حال القدر ومن البلا مقدر على شيل الكتوف=تـــــوني صغيــر في زمن يا مسرع انقلابته
احوالنا يامسندي منهو درى فيها يروف=وزود ٍ على ماقلت والله امراض توها نابته
يامسندي ويش العمل ابغي انا منك معروف=جاك الكلام اللي ابي منـــّـك انا اجابته



صدى مرزوق الصواغ




يامرحبا بالشاعر اللى به على الشعار نوف=هاضت هواجيسه وهلت بالشعر سحابته

اهلا بخطه عد ماصرفت من الخزنه اولوف=وعداد ماوردو على عد الروى زعابته

قريت خطك واتضح لى كل مابه من وصوف=ياللى على بدع المثايل عارفن صلابته

حلو المعانى صاغها مثل الذهب وسط الرفوف=يلعبها لعب الورق وهى معه ماسابته

يشكى علي من الظروف القاسيه من حر جوف=يوم الزمن اركا عليه من القصا محرابته

انا اسنادك لااستدار الوقت وابشر بالوقوف=مانى من اللى بالمواقف مايشد اعصابته

من لا عرف قدر الرجال ولايرحب بالضيوف=لاخيربه وان جا مجاله ياكثر نكابته

ان كان لى فيها جدى ليا عرضتلى ماتطوف=ابشر بعزك والرفيج الزم على انابته

مامات حي(ن) بالزمن بسباب ضربه بالكفوف=الله يعين المبتلي فى ملتقى طلابته

يحلها الحلال لاتهتم ولا يدخلك خوف =حنا هل الناموس لاشان الزمن كسابته

يا دايم انسى ماطرى واللى مضالك امخلوف=لاتشتكى هم الزمن مدام له حسابته

الوقت يمهلك ويقلب ماعلى وقتك حسوف=الخير فاتح لك فهه والشر له رغابته
احدن زمانه دللة واحدن على رزقه يحوف= محدن عرف غدر الزمن لا كشرت نصابته

جاك الكلام الزين والا الشين ملغي ومحذوف=من شاعرن عسر القوافى بالشعر ماهابته