مساجله بينى وبين فالح الفقيعى

[مرزوق الصواغ]

صوت فالح الفقيعى

مرزوق وش رايك بسلك السياسه=ونصير نوابٍ بوسـط الحكومـه

وترك انا ياخوك شغل الحراسـه=ونودع الصيف العنيف وسمومـه

انصيف بلنـدن فلـوس وناسـه=والندني انجاريه ونعرف اسلومه


نبي نخوض البحر لجل الرئاسـه=لين انتعلا فوق عالـى انجومـه


ونودع ايـام الفقـر والتعاسـه=ونوفي من ديون البنوك الظلومه


للي عروق القلب منهـا يباسـه=والعين من لذة كراهـا محرومـه

واليائس المحروم نجلى اعماسه=والعاني المحتاج نقضي لزومـه

تسعد حياته عقب حزنه وياسـه=وشعبٍ هلك نب ننقذه من همومه


لينه من الثروات يترس اطياسـه=ونصبح بعزٍ والبـلاد امحشومـه

حيثك يابن معثي رهيفٍ احساسه=تعرف بعض اللي جهلنا علومـه

ياهل الكرم والطيب واهل الفراسه=تكاتفو لجل الكويـت الرحومـه

نب ننفي اهل الغش واهل الدناسه=وسط السياسه مالهم فيه حومـه

اللي يطمس بالحقايـق طماسـه=الحق والله جـرده مـن هدومـه


المنبر اللـي شوهـوه النحاسـه=بعز الصباحي جعل ربي يدومـه

وينجح اللي كفو مابـه بلاسـه=اللي اعلومه نومست كل قومـه

البشت يزها ابن عمـي لباسـه=مهوب للي عمامته مثـل كومـه


حنا عـوازم دوم فينـا حماسـه=والعازمي دايـم قويـه عزومـه


ابن عطا يـدوم عـزه وباسـه=روحه فدا للدار ولاحـدٍ يلومـه


مايترضى بدارٍ عزيـزه نكاسـه=ودون البلد يفزع ويشمر كمومـه


فيه الولا والحب لاهلـه وناسـه=لاهل الوطن والدار روحه جزومه




صدى مرزوق الصواغ



يابو مبارك شفت فيـك انعكاسـه=فاجئتنى بالعلـم يابـن العمومـه


منهو ترس راسك بقوله وحاسـه=ضيعك يافالح عسـى الله يلومـه


ودك ترشـح ياصعيبـن مقاسـه=لجل الغنا يوم الفقر جاك حومـه


تبتغنى اليائـس وتطلـق انفاسـه=يوم الفقر والدين طيـر احزومـه


والله لـو تملـك ملاييـن ماسـه=وسوامهن بالبيـع يـزداد سومـه

ماغنيت شعبن هالكن فى ركاسـه=المغنى الله دوم منشـى اغيومـه


وشلك بزود الهم وكثرة مساسـه=وانت مريح البال مالك خصومـه


وضيفتك فيها السعـد والنوماسـه=وراتبك فوق الالف يصرف ابيومه


ان كان ودك بالسفـر واحتماسـه=تقدر تسافر من حساب الحكومـه


ماهيب صعبه مابها مـن دساسـه=اليوم بعض اعضاك فيك امخدومه


بلاش تدخل فى غزيـر الدراسـه=بحر السياسه صعبه انك تعومـه


ماكل مـن دشـه يعلـى بكاسـه=ياقل من ياصـل لغمـة ارجومـه


خلك حليـم ولاتطيـع الهلاسـه=جنب عن اللى فيك ركز اسهومه


اعضاك مجلسهم يدندن اجراسـه=اوضاعهم بعد القرار امحسومـه


جتهم صواريم الحرار بشراسـه=ولاعاد فيهم عقب ماصار زومـه


البعض منهم موجعه دوم راسـه=بالـك تغبطـه ماتهنـا بنـومـه


الصبـح ديوانـه مليئـن بناسـه=يفيض وربوعه من اجله ترومـه


كلن يبي يبنى على العـز ساسـه=فى حال ولا حال تهدم ارسومـه


الله يوفق من خسر مـن اكياسـه=ياصار يستاهل له النـاس هومـه


ماودنا باهـل الحسـد والنجاسـه=ناسن على الفزعات شبه امهزومه


حنا مع اللى يعجبك ظرب فاسـه=هذاك نفرح بـه ونقبـل هجومـه


والعازمى له منصبـه والرئاسـه=حنا معه فى كـل وقفـه وقومـه