مشاهدة النسخة كاملة : ابيات للشاعر : سالم حمد 2
هذه مجموعه من الأبيات
للشاعر: سالم حمد الملعبي
( كذاب) ما تقدر تمثّل لي ( الحب ) = مثل ( الغني ) ما يقدر يمثّل (الجوع )
؛؛
الكلمه اللـي علـى لسانـك و فعيونـك = ان كان لي قدر عنـدك . طالبـك قلهـا
حدّتني ( النفس ) و (سلوم العرب ) دونك = والا انت حاجه مـن الصعـب اتجاهلهـا
؛؛
,,
,
شفني ...
اقوم شوي .... واطيح ... واقوم ...
الى هنا !!
ما عاد فيّ استطاعه .........
لموادعك ( رسمه ) على عيوني التوم ...
في كل يوم تزيد ( قبح ) و ( بشاعه ) ....
؟؟
؛؛
؛
تدري اني بيني وبيني اسبك !! = دايما حظي يجي عكس التمني
خايف اني اضيّعك لو قلت (احبك) = كل شيِ كنت (احبه) ضاع منّي
؛
؛؛
::
::
واضح . وعن مبادئي ما تخليت = لو تختلف هالوقت بعض العوامل
ياخي قسم بالله عن جد مليت = صريح . بس الناس تبغى المجامل
::
::
من البدايات (الارشيف)
....
..
.
صعب اكتبك بإختصار وصعب تقريني = جمعّت لك كلمتين وجيتك انثرها
ياغايبه والظروف اقسى من سنيني = كابرت قلت اني اقدرها.ولااقدرها
جيتك بعد ضيّعت رجلي عناويني = أبَعرِف مِنْك هالقصه وش اخرها؟
ياغايبه بسألك في ذمتك ( ويني )؟ = ( ودّعتِكْ ) . وهذي اخر حاجه اذكرها
غبتي وانا والعيوب اللي بدت فيني = مالي سوى الليل والا الصمت يسترها
يا غايبه واعترف لك بيني وبيني = فكرة غيابك ياكم كنت اتحاقرها
تصدقي خايف اني اطيح من عيني = من كثر هقواتي اللي خابت اكثرها
مابيك تستغربين ان قلت لك ويني؟ = رحتي ولا عاد عندي حاجه اخسرها
....
...
:::
::
:
لو كلّ شيِ بالخواطر نطوله = ما كان جفَ الحبر بعيون الاقلام
شفتك وفي صدري كلام بقوله = وسبقتني في قولة (الله من ايام )
شفت الظروف اشسوّت بهالسهوله؟ = وشفت القدر وشلون سوّى بالاحلام
اقفت بك اقدام الزمان العجوله = وانا تقفتني الهقاوي والاوهام
:::
::
:
؛؛؛
؛؛
مبادئي من دونها ما التفت فيك = و كرامتي وهبه . لك الحمد يا رب
يعني توقّع اي لحظه اخليك = اشيا كثيره عندي ألزم من الحب
؛؛؛
؛؛
:::
::
اشتقت لك وانا من الوصل مقطوع = رفّت عليك العين والاذن صاحت
يا قربها لكن مثل حبّة الكوع = الدمعه اللي لو تراخيت طاحت
والدمع في سلم الرياجيل ممنوع = لو السدود من المقادير باحت
ما كان بيديني ولا جيت لك طوع = حطتني الاقدار قدمك . وراحت
:::
::
؛؛؛
؛
البارحه بين صوت الناي والنوح = اجتاحت الصدر سجات وطواري
من حزن غنى حمام الدوح للدوح = والغيث ما بلل عروق الصحاري
كلي نهايات حتى غموضي وضوح = واقدم لوجه الايام اعتذاري
يااغلى من الروح ليه تودّع الروح = ماهوب وقت الموادع وانت داري
ما عاد فيني نِفًس يقوى على البوح = والعمر ما يسمح استرجع قراري
راضي بما قدر الله وانت مسموح = ان كان مانت النصيب انت اختياري
؛؛؛
؛
؛؛
.
صعب اكتبك بإختصار وصعب تقريني = جمعّت لك كلمتين وجيتك انثرها
ياغايبه والظروف اقسى من سنيني = كابرت قلت اني اقدرها.ولااقدرها
جيتك بعد ضيّعت رجلي عناويني = أبَعرِف مِنْك هالقصه وش اخرها؟
ياغايبه بسألك في ذمتك ( ويني )؟ = ( ودّعتِكْ ) . وهذي اخر حاجه اذكرها
غبتي وانا والعيوب اللي بدت فيني = مالي سوى الليل والا الصمت يسترها
يا غايبه واعترف لك بيني وبيني = فكرة غيابك ياكم كنت اتحاقرها
تصدقي خايف اني اطيح من عيني = من كثر هقواتي اللي خابت اكثرها
مابيك تستغربين ان قلت لك ويني؟ رحتي ولا عاد عندي حاجه اخسرها
.
؛؛
...
..
.
اذا انصدمت بشخص / كمّل حياتك = لا تلتفت وإخذ الامور بـتروّي
و تاكد / ان اللي ما حبك ( لذاتك ) = لا يمكن يحبك / كثر ما تسوّي
...
..
.
جيت اكتبك شعر / ضاقت ( سلة المهملات ) = أصحى من الحلم . تظهر صورتك بالافق
يا اجمل مقادير عمري . يا اعذب الذكريات = لليوم اعيشك حضور من الشفق للشفق
؛؛؛
؛؛
كل ما اكبر بالعمر يرهف احساسي = و كل يوم احسّ بك تكبر بعيني
غيرتي / شكّي / محاتاي / وسواسي = فطره من الله ماهو شي بيديني
؛؛؛
؛؛
قلتلك ما اشيل في عيني وأأمّن = كود . من يستاهل إنه يأتمنها
لا حشى ما طحت من عيني تطمّن = مـانت في عيني عشان تطيح منها
....
...
..
.
السعاده
شعور مؤقت . نبحث عنه طيلة العمر
واذا وجدناه !!
لا نشعر به إلا اذا انتهى !
امس جيتي على بالي بصورة ملاك = كنتي اجمل من اللحظات وقت اللّقا
كنت بعلّمك شاللي خذيتي معاك = للاسف ما قدرت اقول غير ( اشبقى ) ؟
؛؛
( الناس للناس ) يوم الناس كانوا نظاف = واليوم عقب اختلاف الوقت ( ماحدٍ لاحد )
ماهوب بس ( القوي ) يجحد حقوق الضعاف = حتى ( الضعيّف ) ليامنه تقوّى جحد
؛؛
اشتقت لك : واشتقت / واشتقت / واشتقت = سوالفك / ضحكك / طريقة عتابك
يا كثر ما تطري علي لا تضايقت = (استكثرك وقتي علي و غدابك )
...
..
يا رب بلغني الغفران والتوبه = ما غير سترك و عفوك شي يا ربّي
يا رب انا عبدك اللي كَثرت ذنوبه = احاول اشيلها واقعد على ركبيّ
...
..
لا تستغل ( الغلا ) يومنّي اغليتك
صدقني ان ( الغلا ) مثل ( المرض ) ...يبرى
على جفاك و رجعتك متعّود = غديت انا وياك ( توم ) و ( جيري )
ان رحت هالمره لا عاد تعوّد = على طريقك دوّر احدٍ غيري
إسمع / بعلّمْك حاجه حطها فبالك
ما دام ما اضحكتني .. صعبه تبكيني
من غير حاجه تسويها ( لوجه الله ) = الطيب في غير ربعك واهَلِكْ .. ضايع
ابشّرك مانيب قايل على وين = متعوّد اداوي جروحي بروحي
ياما خسرت برحلة العمر غالين = ماوقّفت / ودّك تروحين؟ .. روحي
صاحبي ما عاد لي بالحب شدّه = رح وراك (القلب مغلق للصيانه)
اشتقت لك . ما راودك نفس الاحساس؟ = اللي على بوح المشاعر حداني
القاك بالعزله . وبمقابل الناس = واحسّ بك بين الشعر والاغاني
تكبر / لكن يكبر معك طبعك الشين ! = عزالله . ان الله فيك ابتلاني
ودي ( اهدّك ) بس طفت الـ( 30 ) = والعمر ما يسمح لي احب ثاني
vBulletin® v3.8.6, Copyright ©2000-2012, TranZ by Almuhajir