المساعد الشخصي الرقمي

مشاهدة النسخة كاملة : لي متى الاضطهاد للكويتي في ديرتة ......!!

SILVER RAIN
21-05-2007, 06:31 AM
في ديرتنا .. مادري ليش كل شي عكس السير؟؟؟


لما يكمل الكويتي دراستة الجامعية او مابعد الثانوي
سواء دخل معهد تخصص باي تخصص من التخصصات
قبل
على ايام دراستة يمدحون لة هالتخصص
وتلاقي الشاب او الشابة بكل طموح يحفرون
بيدينهم طريجهم
ويتخرجون باعلى النسب

ولكن المشكلة في ..

مابعد التخرج ...!!







لما يبي يتوظف هالخريج
اول شي لما بيوظفونة بيعينونة بمعاش
الي متوسط وداش الجيش
وهذا جامعي معاشة احسن منة ...!!!



يعني لي هالدرجة ماكو تقدير للعلم مع احترامي لكل العسكرين
لكن هذا الصج بالمعاش حق الي مقطع عيونة من الدراسة
لة معاش ردي ...!!
ولا بعد للي في العسكرية
اذا جا لهم واحد امريكي بيشتغل عندهم
دبل معاشة مرتين .. انزين ليش على راسة
ريشة بس الامريكي ياخذ هالمعاش :\

والي بنفس الشهادة واحد اجنبي من برا الديرة
ياخذ معاش دبل ..!!!

شهالحجي شهالاطهاد الي صاير اصلا

وحتى بالتعيين ياليت يعينون احد بشي على الي درسة
يشغلونة بالوزارة على شي مشابه ياليت يحلل الشهادة الي درسها
والكتب الي تعب بقرايتها يعنونة بشي مثل الشهادة ..!!
دارس على شنو ومضيع وقتك يامواطن ياكويتي ...!!
واذا ماتبي يلة اقضب الباب ..!!


اي شي ليش يبة الديرة ديرتي وغيري اولى بوظيفتي ..!!!

وفوق هذا لاتقدير بالشغل ولا تحفيز من الدوامات
وناطرين الاجانب اهما الي يسوون ويشتغلون بدال هالشباب
وتسئلون عمركم والله ليش شبابنا مايعطي من نفسة ..!!




ومن زود الحب للديرة
حتى الحريم مطهدين باشغالهم
يا انج حلوة وتنورتج قصيرة
وشعرج مثل شكيرة
يعينونج من اول مايشوفون رقعتة الوجه المتروس الوان

طبعا منقبات وعبي وسوالف هذي إحالة للبيوت تنطق في بيتهم ثلاث اربع سنوات
على مايعبرونها ويوظفون بنات الاجناب على بو انة تراهم خبرة !!

خبرة شنو ونيلة شنو...!!!!

وخلي التعليم ينفعكم ياعيال الكويت بديرة ماتقدر اعيالها ..!!
ماجد العازمي
21-05-2007, 07:17 AM
الاخت سليفر

موضوع في غاية الاهمية

اولا:

نتحدث عن التخصص

انظري الي القدوة مثلا الوزارء

مثلا وزارة الصحة بما تخص من اسمها الصحة يعني صحة الانسان

الا يفترض ان يكون وزير عليها على الاقل دكتور طبيب يكون مارس هوايتها منذ سنين

وزارة الاشغال بما تتعلق بالبناء وغيره على ماعتقد

الا يفترض ان يكون وزير عليها مهندي مارس هوايته منذ سنين

ارجع واقول

ليبدؤو بتعديل الوزارة اولا ومن ثم تخصص الموظفين

اما بخصوص


يعني لي هالدرجة ماكو تقدير للعلم مع احترامي لكل العسكرين
لكن هذا الصج بالمعاش حق الي مقطع عيونة من الدراسة
لة معاش ردي ...!!


اعتقد انهم زادوا رواتبهم

والان المجلس تم التوقيع على زيادة اضافية 50 دينار

بشرط من يقل راتبه عن 750
حتى لايكون هناك ظلم

ولكن انا معك راتب العسكري تقريبا هو المتفوق

هذا وجة نظري

وشكرا لك لهذا الموضوع
ابن عجران
21-05-2007, 10:58 AM
ومن زود الحب للديرة
حتى الحريم مطهدين باشغالهم
يا انج حلوة وتنورتج قصيرة
وشعرج مثل شكيرة
يعينونج من اول مايشوفون رقعتة الوجه المتروس الوان

طبعا منقبات وعبي وسوالف هذي إحالة للبيوت تنطق في بيتهم ثلاث اربع سنوات
على مايعبرونها ويوظفون بنات الاجناب على بو انة تراهم خبرة !!

خبرة شنو ونيلة شنو...!!!!

الأخت سلفر

أعتقد ان هذا الكلام صحيح لا يخلو من شي من المبالغة

وذلك ان أهم شي في التوظيف الشهادة والواسطة أما الأمور الشكلية تأتي تبعا

وأما مقارنة العسكري بغيره غير صحيح لأن الوظيفة المدنية تختلف عن غيرها

إلا اني أوافقك بالكلام بأن الوضع غير صحيح ويحتاج إلى اعادة نظر
بن حزمان
21-05-2007, 11:18 AM
الاخت سلفر

الوضع في كل مكان يحتاج الى اعادة نظر

لكن

العلم منذ اقدم العصور أهله غير مقدرين

وهناك مقولة (( الرجل المناسب في المكان المناسب )) اصبحت اسطورة نحكيها لاحفادنا


والدنيا مزرعة وحديقة من قبض عليها اطعم اقرباءه واصدقاءه منها


اما الحريم (( فمن فوجد صيدا تفنن في صيده ))

والله يستر علينا دنيا واخره
المشاكس الحكيم
21-05-2007, 06:14 PM
الاخت : سلفر
الموضوع رائع ولكن يحتاج منكي ربط الموضوع بعضه ببعض
اما بخصوص الشهادات فهناك الكثير من المتعلمين لا يجدون وظائف لهم
عكس الغير المتعلم
وما زاد الطين بله زيادة الخمسين دينار للي راتبه اقل من 750 وهذا فيه يتساوي
الجامعي وغير الجامعي في المرتب في المستقبل ...؟ اذا لما نتعلم
الهلالي9
21-05-2007, 07:36 PM
هذه فعلا مصيبه وطامه فيجب على اعضاء الامه الالتفات لهذه المشكله
ووجود الحلول لها والله المستعان
SILVER RAIN
22-05-2007, 02:48 AM
الاخت سليفر

موضوع في غاية الاهمية

اولا:

نتحدث عن التخصص

انظري الي القدوة مثلا الوزارء

مثلا وزارة الصحة بما تخص من اسمها الصحة يعني صحة الانسان

الا يفترض ان يكون وزير عليها على الاقل دكتور طبيب يكون مارس هوايتها منذ سنين

وزارة الاشغال بما تتعلق بالبناء وغيره على ماعتقد

الا يفترض ان يكون وزير عليها مهندي مارس هوايته منذ سنين

ارجع واقول

ليبدؤو بتعديل الوزارة اولا ومن ثم تخصص الموظفين

اما بخصوص


يعني لي هالدرجة ماكو تقدير للعلم مع احترامي لكل العسكرين
لكن هذا الصج بالمعاش حق الي مقطع عيونة من الدراسة
لة معاش ردي ...!!


اعتقد انهم زادوا رواتبهم

والان المجلس تم التوقيع على زيادة اضافية 50 دينار

بشرط من يقل راتبه عن 750
حتى لايكون هناك ظلم

ولكن انا معك راتب العسكري تقريبا هو المتفوق

هذا وجة نظري

وشكرا لك لهذا الموضوع

المشكلة البهذلة الي مو حاسين فيها الحكومة بوزاراتها
اول مرة اشوفلي ديرة مبهذلة نفس ديرتنا بصراحة
نفس ماقلت الوزراء بنفسهم مالهم شغل بوزاراتهم مايدرون عن وين الله قاطهم
بس المطلوب منهم توقيع اوراق وخلاص

وتدري شنو الي يضحك
انة الحين بالتطبيقي بالدورات الخاصة خصوصا
اموال الدولة تندفع لدورات ومعاهد لتخصصات الدولة تبيها ومايحطونها الا عشان عندهم نقص فيهم على كل مواطن الف وخمسمية دينار

تعال توظف يقولون تخصصك مانبية انزين ليش هالصرف من اموال الدولة عشان اتعلم وتاليتها ماتبوني
بحد ذاتة هذا اصلا تلاعب باموال الدولة على غير سنع .....!!

وياليت يقدرونك ياكويتي لي اشتغلت بالعسكرية او بالوزارة ليش كل الثناء والتقدير للاجانب بس!! ماكو تحفيز مولية :\
SILVER RAIN
22-05-2007, 02:51 AM
ومن زود الحب للديرة
حتى الحريم مطهدين باشغالهم
يا انج حلوة وتنورتج قصيرة
وشعرج مثل شكيرة
يعينونج من اول مايشوفون رقعتة الوجه المتروس الوان

طبعا منقبات وعبي وسوالف هذي إحالة للبيوت تنطق في بيتهم ثلاث اربع سنوات
على مايعبرونها ويوظفون بنات الاجناب على بو انة تراهم خبرة !!

خبرة شنو ونيلة شنو...!!!!

الأخت سلفر

أعتقد ان هذا الكلام صحيح لا يخلو من شي من المبالغة

وذلك ان أهم شي في التوظيف الشهادة والواسطة أما الأمور الشكلية تأتي تبعا

وأما مقارنة العسكري بغيره غير صحيح لأن الوظيفة المدنية تختلف عن غيرها

إلا اني أوافقك بالكلام بأن الوضع غير صحيح ويحتاج إلى اعادة نظر

والله ياخوي اهوا مو من الحين يحتاج نظر اهوا من زماااان يبيلة نظر
الوضع حدة موشي !!

وتسلم ياخوي على مرورك ^-^
SILVER RAIN
22-05-2007, 02:53 AM
الاخت سلفر

الوضع في كل مكان يحتاج الى اعادة نظر

لكن

العلم منذ اقدم العصور أهله غير مقدرين

وهناك مقولة (( الرجل المناسب في المكان المناسب )) اصبحت اسطورة نحكيها لاحفادنا


والدنيا مزرعة وحديقة من قبض عليها اطعم اقرباءه واصدقاءه منها


اما الحريم (( فمن فوجد صيدا تفنن في صيده ))

والله يستر علينا دنيا واخره


عدل والله كلامك ياخوي
كل القيم اصلا صايرة اسطورة
وتسلم على مرورك ^-^
SILVER RAIN
22-05-2007, 02:56 AM
الاخت : سلفر
الموضوع رائع ولكن يحتاج منكي ربط الموضوع بعضه ببعض
اما بخصوص الشهادات فهناك الكثير من المتعلمين لا يجدون وظائف لهم
عكس الغير المتعلم
وما زاد الطين بله زيادة الخمسين دينار للي راتبه اقل من 750 وهذا فيه يتساوي
الجامعي وغير الجامعي في المرتب في المستقبل ...؟ اذا لما نتعلم

ولله انك صاج ياخوي يعني تخيل الي يدرس ويتعب وحالتة حالة معاشة ردي والي حتى مو ماخذ الابتدائية
ومايعرف يقرا اسمة بس يرسمة يعني شكلة بس انة هذا اسمة معاشة قوي !! انزين ليييييش يعني جذي شنو الي حادنا على انة حتى يحطون لنا مدارس ونتعلم اذا مايقدرون المتعلم اساسا !!!

وتسلم ياخوي على مرورك ^-^
SILVER RAIN
22-05-2007, 02:59 AM
هذه فعلا مصيبه وطامه فيجب على اعضاء الامه الالتفات لهذه المشكله
ووجود الحلول لها والله المستعان

اتمنى والله انة يحلون هالمشكلة ..
وتسلم ياخوي على مرورك ^-^
aLGhReeB
22-05-2007, 11:04 AM
السلام عليكم بصراحه عجبني الموضوع حبيت ازيد علي نقطه توظيف الاجنبي غير المعاش مميزات مثل السكن بافخم شقه واثاث فاخر وسياره اخر موديل وتلفون نقال ومدفوعه مكاالماته والسبب انه ينتج
عازمي2002
23-05-2007, 03:11 AM
( سلفر رين )

موضوعك شيق انا بتكلم عن التوظيف رابع متوسط والثانوية بسرعة يتوظف اما الدبلوم والجامعي يتأخر سنة او سنتين ؟؟
والسبب ما في درجات شاغلة للتخصص ؟؟ طبعا في خلل التوظيف ما عندهم مقولة (الرجل المناسب في المكان المناسب)
والأدهى المقابلة الشخصية للوظيفة طبعا للجامعي بعد المقابلة بعد مده يقولون سقط بالمقابلة الشخصية يعني شنو اللي داش عليكم أطرم ؟؟ :)

وشكراا
صقر العوازم
23-05-2007, 03:26 AM
الحين تقارنون العسكري بالمدني !!!!!!!!!!!!

العسكري يستاهل لو تدشين الجيش سلفر رين راح تقدرين ليش معاشهم مرتفع وتحسين بضطهادهم النفسي :p

عاد تخيلي نفسج بالجيش وعندج استلم على برج الساعه 12 الظهرررر حرررررر وماكو مكيف :eek:
SILVER RAIN
23-05-2007, 09:17 AM
السلام عليكم بصراحه عجبني الموضوع حبيت ازيد علي نقطه توظيف الاجنبي غير المعاش مميزات مثل السكن بافخم شقه واثاث فاخر وسياره اخر موديل وتلفون نقال ومدفوعه مكاالماته والسبب انه ينتج

بللللللل عشان واحد يرطن انجليزي يعطونة كل هذا .....!!
عز الله حد ام الديمقراطية عيال الديرة يعيشوف بفقر والاجنبي بعز ماشافة عند ديرتة !!!
SILVER RAIN
23-05-2007, 09:33 AM
( سلفر رين )

موضوعك شيق انا بتكلم عن التوظيف رابع متوسط والثانوية بسرعة يتوظف اما الدبلوم والجامعي يتأخر سنة او سنتين ؟؟
والسبب ما في درجات شاغلة للتخصص ؟؟ طبعا في خلل التوظيف ما عندهم مقولة (الرجل المناسب في المكان المناسب)
والأدهى المقابلة الشخصية للوظيفة طبعا للجامعي بعد المقابلة بعد مده يقولون سقط بالمقابلة الشخصية يعني شنو اللي داش عليكم أطرم ؟؟ :)

وشكراا

خخخخخخخ كل مقابلاتي رافعة ضغط الي يقابلوني اخر مرة حسيت انة المرا بتقولي طلعيييييييييي واي عافيج انتي ماتعصبين..؟؟؟ خخخخخخخخخخخخخخخخخ!!!


بس المشكلة مادري ليش الواسطة اتخلي غصبن عن الوظائف الشاغرة تطلع ...؟؟؟!!

لكن فعلا شكو يسون لي مقابلة وبعدها يقضبوني الباب او يقضبون غيري؟؟ ويطردوني من المكان على غير سنع جنة مالي حق بالديرة؟؟ يعينون مكاني واحد اجنبي او وحدة تنورتها قصيرة عشان ينقال عنها وحدة خبرة !!! وفوق هذا هذا حقة بديرتة والمعاش اليياخذة اجنبي بنفس شهادتة واهوا يكرف كرففف الكويتي اولى فية مو الاجنبي يركب سيارة 2007 كاااااااااش والكويتي راكب سيارة 2007 قصود وعيشتة على خبز وجبن زين ماصار خبز حاااف بعد ....!!
SILVER RAIN
23-05-2007, 09:41 AM
الحين تقارنون العسكري بالمدني !!!!!!!!!!!!

العسكري يستاهل لو تدشين الجيش سلفر رين راح تقدرين ليش معاشهم مرتفع وتحسين بضطهادهم النفسي :p

عاد تخيلي نفسج بالجيش وعندج استلم على برج الساعه 12 الظهرررر حرررررر وماكو مكيف :eek:


اخوي صقر انت عبالك الوضع بالجيش يشرف؟؟؟؟
الامريكان الي موظفينهم معاكم شوف شحومهم ولحومهم بس شوف المسكين الي في برج المراقبة كويتي
زين عيونة ماطلعت من هالضعف الي اهو فية !!!
الامريكان الي عندكم مرتاحين وفوق هذا اكل خاص لهم يوميان والي بالجيش كويتي ايام الدورة شنو اكلهم ...!!! زين ماصار باعسكري صرع واهوا ياكل هالاكل ....!!! بس انتو يا اهل الكويت كراف ومعاش ردي وهذي ديرتنا مو ديرة اجناب عشان يطلع لهم اهم الحق واحنا لا ...!!
SILVER RAIN
26-05-2007, 09:55 AM
متى ماكان هناك حاجة بينت الفوارق
وأنا مع التغيير للأفضل والله يبارك لنا في ديرتنا

شكرا إختي سلفر موضوع يستحق القراءة

تسلم ياخوي لى مرورك ^-^
فلاح القراشي
26-05-2007, 10:18 AM
شكرا يا اخت سلفر على هالموضوع الطيب


الله يعطيج العافيه



مساعد