راح الشباب

[مرزوق الصواغ]

قالو علامك يابن مثعى لك ايام= ساكت ولا لك بالتغزل قصايد


ماهى من عادتك يارمز الاعلام = شعر الغزل فى مهجتك له قلايد


تشفق على شوف العماهيج مزهام= قلبك خضر يطرخ سوات الجرايد


لاشفت لك غرون على خده اوشام= جريت قافك بالغزل لك عوايد

اليوم مدرى اشصار وقفت الاقلام= يالله عسى ماصاب قلبك نكايد

قلت اعذرونى للعمر دور واحكام= الوقت الاول راح ماهوب عايد

راح الشباب اللى عليه الطرب قام= ماعاد له عندى رسوم وشهايد

حلو الليالى روحت مثل الاحلام= مال الهوى فى وسط قلبي شرايد

لو اتغزل كلها اوهام بأوهام= مثل الغشيم اللى طلع رون سايد

يوم العمر فى شبته ماخذن زام= مع الذى شوفه لقلبي سعايد

اسهر على شانه الى الصبح مانام= متولعن ماذقت نوم الوسايد

فكرى معه حلو النبا ترف الاقدام= خلن عليه اشواق قلبي بزايد

حبه حكمني بالهوى حكم صدام= امشي حسب امره وهو لى قايد

لو هو يمشينى على حقل الالغام= اقول له ممنون ما اقدر احايد

تاثير حبه حط فى قلبي اوسام =اشعل خفوقى فى لهيب الوقايد

معلقه روحى معه خمسة اعوام= ماينسى حب اريش العين كايد

من يوم قفا مالى ابغيره اهيام= خلصت مالى بالمحبه فوايد