(( خــالــد نــقــا ))

[فهد عوض البريكي]

السلام عليكم ورحمة الله وبركاته ...

قصيده كتبتها نتيجة رسالة الشجاع : خالد ذياب نقا العازمي الله يفك عوقه , وأتمنى أن تقرونها بقلوبكم , كما أتمنى أن تصل إلى خالد بأقرب وقت , وأتمنى أن تحوز على رضاكم ...

صوتيه :

http://www.youtube.com/watch?v=YYZ5r--h88c

كتابيه :


يالله على بابك يا فتاح الأبواب=يا غافرٍ للعبد ذنبه ليا تاب
يا محيي الموتى بيوم القيامه=ياللي لسلطانك تدنق لك أرقاب
أشمل بعفوك عن زبون المراجل=الأجودي اللي عن الجود ماغاب
خالد نقا رمز الوفا والمعزه=اللي أسر في فعلته كل الألباب
اللي زهد في منصبه وبحياته=عشان عزة لابته بين الأجناب
والبارحه بليل جاني كلامه=وهزتني العبره ونظم الشعر طاب
يا بو عمر ربعك تقدر فعولك=ومن دون فعلك تنمحي كل الألقاب
تستاهل الفزعه وتستاهل الطيب=وتستاهل التقدير يا عطر الأنساب
ويا ربعي العطوان ردوا وقولوا=كل العوازم معك يا مناور ذياب
عشان يعرف خالد أن العوازم=الظن فيهم لا بدا الجد ما خاب
وأنا ليا ضاقت علي البسيطه=أروح وأشرف على راس مرقاب
وأقول كلمة حق في وجه منهو=تكسب وتاجر ويوم اللقا غاب
الله يسود وجهه ويلعن اللي=عقد على شرواه تقدير وأعجاب
وبقول كلمة حق في وجه منهو=بذل لجاه السالفه كل الأسباب
الله يبيض وجهه ويرحمه يوم=مال المنافق عن لقا الله مجناب
العمر فاني والليالي مديه=وحنا ولدنا أغراب ونودع أغراب
والدمع ذل أن كان من دون سبه=وأنشهد أنه عز في خالد ذياب

وسلامتكم ...

شعر : فهد عوض البريكي ...