مرزوق الصواغ
19-12-2011, 10:43 PM
طلال استلم مني جوابٍ لبن سدحان=قبل لاتغيب الشمس ملزوم ياصله
انا لو اميز شارعه واعرف العنوان=وصلته ولا يحتاج يابوك نرسله
اسير عليه ابمجلسه واشرب الفنجان=كريمٍ يهلي مهنته شبة الدله
اله سمعتٍ عند الجماعه رفيع الشان=عزيزٍ جنابه والكرم يملكه كله
ابي من يديك توصله في يد جهيمان=جزيل السلام اللي من الروح في حله
سلامٍ خصوصي ماتقدربه الاثمان=صدر من خفوقي لطيب الصيت والمله
عليه ارسله من هاجسٍ بالشعر مليان=بنات الفكر من واهج الروح هجله
بعد ماقريت اشعاره اللي تهز اقصان=جواهر نقاها من بحرها تشكله
زرع من نوادر فكرته للشر بستان=فرايد جميله تعجبك كلها فله
اهنيه وابارك لشخصه على الديوان=جمع به قصيدن من تملاه مامله
قصيده يشرف شاعرن ما يبا برهان=يصوغ المعاني والقوافي تمايله
يعزف اللحن في مفرداته على القيفان=قصيده رقابه في سما المجد وحتله
اقوله حسب عرفي وانا بالشعر فنان=وهاذي شهاده والشهاده تسجله
ولاني اجامل والمجامل من الشيطان=كلامٍ اقوله باكر القاه عند الله
جزالت شعر مافيه شين من النقصان=اديب بكلامه والبلاغه واسامله
وابختم كلامي بذكر من علم الانسان=عليه اتكالي غافر الذب والزله مرزوق الصواغ
رد الشاعر جهيمان
هلا مرحبا عداد ماهلة الامزان=عدد مايلوح البرق بمزون منهله
هلا مرحبا بالشاعر الفهمان=عسى الله وانا سائله يجيره من العله
وانا قبل تاصلني برساله منه زعلان=ولكن بعدها طاح عنه الزعل كله
وعسا الله يباركله وانا للقى شفقان=وانا مستعد اقف معه واتبينله
وانا لو مزعل مرزوق مني مهو غلطان=فلا شك يالمرسال لصادفك قله
وانا اخطيت لكن شي ماصار بالحسبان=وهو ما يجاملني وانا عيب اجامله
وانا الرابح الاول وانا التالي الخسران=ولكن بعض هالرج دقه مثل جله
وهو شاعرن يفهم وله بالبلد وجدان=و لو يصعب المعنى عليه يتحايله
ونرى الشعر من دور ابن سلمى وابن حسان=وهو مهنت الشاعر ولا ينقطع لله
وانا وابن مثعي من خلقنا وحنا خوان=ولكن بعض مرات ماني بفاظله
لعله يسامحني على قدرت الامكان=وانا عارف التأخير مهو براضله
فلا شك صار الرد في عالم النسيان=ولكن شريط الصدق ابطويه وفله
وهو شاعر ماهمه افلان هو وفلان=شموخٍ اليا من اللحن جازله تله
يقارب لبن لعبون ومحمد الويحان=جميع الطواريق القديمه يجوزله
وانا لو بغيت اراهن اخذ عليه ارهان=ولا يفتل الطاروق ياكود في حله
وله مني التقدير والشكر والعرفان=وانا اللي طرالي ياهل العرف طارله
جهيمان الفهيدى
انا لو اميز شارعه واعرف العنوان=وصلته ولا يحتاج يابوك نرسله
اسير عليه ابمجلسه واشرب الفنجان=كريمٍ يهلي مهنته شبة الدله
اله سمعتٍ عند الجماعه رفيع الشان=عزيزٍ جنابه والكرم يملكه كله
ابي من يديك توصله في يد جهيمان=جزيل السلام اللي من الروح في حله
سلامٍ خصوصي ماتقدربه الاثمان=صدر من خفوقي لطيب الصيت والمله
عليه ارسله من هاجسٍ بالشعر مليان=بنات الفكر من واهج الروح هجله
بعد ماقريت اشعاره اللي تهز اقصان=جواهر نقاها من بحرها تشكله
زرع من نوادر فكرته للشر بستان=فرايد جميله تعجبك كلها فله
اهنيه وابارك لشخصه على الديوان=جمع به قصيدن من تملاه مامله
قصيده يشرف شاعرن ما يبا برهان=يصوغ المعاني والقوافي تمايله
يعزف اللحن في مفرداته على القيفان=قصيده رقابه في سما المجد وحتله
اقوله حسب عرفي وانا بالشعر فنان=وهاذي شهاده والشهاده تسجله
ولاني اجامل والمجامل من الشيطان=كلامٍ اقوله باكر القاه عند الله
جزالت شعر مافيه شين من النقصان=اديب بكلامه والبلاغه واسامله
وابختم كلامي بذكر من علم الانسان=عليه اتكالي غافر الذب والزله مرزوق الصواغ
رد الشاعر جهيمان
هلا مرحبا عداد ماهلة الامزان=عدد مايلوح البرق بمزون منهله
هلا مرحبا بالشاعر الفهمان=عسى الله وانا سائله يجيره من العله
وانا قبل تاصلني برساله منه زعلان=ولكن بعدها طاح عنه الزعل كله
وعسا الله يباركله وانا للقى شفقان=وانا مستعد اقف معه واتبينله
وانا لو مزعل مرزوق مني مهو غلطان=فلا شك يالمرسال لصادفك قله
وانا اخطيت لكن شي ماصار بالحسبان=وهو ما يجاملني وانا عيب اجامله
وانا الرابح الاول وانا التالي الخسران=ولكن بعض هالرج دقه مثل جله
وهو شاعرن يفهم وله بالبلد وجدان=و لو يصعب المعنى عليه يتحايله
ونرى الشعر من دور ابن سلمى وابن حسان=وهو مهنت الشاعر ولا ينقطع لله
وانا وابن مثعي من خلقنا وحنا خوان=ولكن بعض مرات ماني بفاظله
لعله يسامحني على قدرت الامكان=وانا عارف التأخير مهو براضله
فلا شك صار الرد في عالم النسيان=ولكن شريط الصدق ابطويه وفله
وهو شاعر ماهمه افلان هو وفلان=شموخٍ اليا من اللحن جازله تله
يقارب لبن لعبون ومحمد الويحان=جميع الطواريق القديمه يجوزله
وانا لو بغيت اراهن اخذ عليه ارهان=ولا يفتل الطاروق ياكود في حله
وله مني التقدير والشكر والعرفان=وانا اللي طرالي ياهل العرف طارله
جهيمان الفهيدى