دور مستواك

[مرزوق الصواغ]

لا تعذر روح ما بي لك عذر = انتهينا من مودتك وغلاك

دور اشكالك وتلقى بالبشر = منت قد الحب دوّر مستواك

بانت اسرارك وما اخفيته ظهر = طحت من عيني وقلبي ما بغاك

ذوق لوعات الليالي والسهر = مثل ما ذقت الغرابيل ابهواك

من تعلى فوق تاليته حدر = لا تحسب انك تعليت ابسماك

قلت لك عذبت حالي بالصبر = يا حبيبي لا تمادى في خطاك

صون عهد الحب دامه مزدهر = لا تسيء الظن في منهو رجاك

وقتها قلبك مثل صم الحجر = ما تبي قولي ولا ادري وش وراك

جايني هالحين مني تعتذر = بعد ما قلبي تعذرك ونساك

للاسف فيك الخيانه والغدر = ما جرحني بالهوى شخص(ن) سواك

كان حبك في ضميري له مقر = وسط قلب(ن) لا طلبته ما عصاك

كنت حبي وانت تأمرني أمر = مذكر اني يوم قصرت ابعطاك

اتباها فيك دايم وافتخر = رغم عذالي قبل تعرف هذاك

ابتعد ارجوك مالي بك نظر = مات حبك وانطفت شمعة ضياك [/QUOTE][/poem]