الصوت امانه

[مرزوق الصواغ]

الصوت للى يستحقه امانه= من يستحق الصوت يستاهل الصوت

هذه حقيقه قلتها للامانه= ماتنفع الحيلات والدس واللوت

والعبه اللى بين غش وخيانه= مصيرها تفشل لها وقت موقوت

محدن ضمن فوزه بيوم امتحانه= الضامن الله رازق الطير والحوت

لاتنزلون من العلا بالطمانه= اصحو مدام العلم واضح ومثبوت

صفو النوايا كان فيكم ديانه= لاتجعلون الصوت يروح بالفوت

اللى تشوفونه رزين وتكانه= رزوه مع منهو لبس قبله ابشوت

يستاهل التقدير هذا مكانه= لاصار طيبه مع هل الطيب مثبوت

ماهو حسافه لاعطوه الحصانه= اللى معك يفزع ليا صرت مبهوت

والله البعض لاجاك عنتر زمانه = يهدم لك ابيوتن ويبنى لك ابيوت

قدام لاينجح يلعلع السانه = واليا نجح قطك على حفرت الموت

متعلمن درب الردى واللعانه=ماله شغل بالناس يشوتهم شوت

من عقب ماهو يزعجك بهذيانه= ويرسلك الدعوه من الروح بكروت

اليوم فى وجهك يكشر اسنانه =حتى بسلامه ردته لك بسكوت

هذا ك لابده يشوف الاهانه= لو عاش فى دنياه ماهوب مبخوت

حنا نبااللى لاقرينه بيانه= تشوف له ردت فعل غير مشموت

هذا هو اللى حق توقف اوزانه= لياعطيته صوت ماضاعلك صوت