المساعد الشخصي الرقمي

مشاهدة النسخة كاملة : أبـيـات اختصرت الكـثـيـر مـن الأبـيـات..


مبارك الخرفشي
22-03-2012, 12:25 PM
بسم الله الرحمن الرحيم

والصلاة والسلام على الرسول الكريم وعلى آله وصحبه ومن سار بهداه الى يوم الدين

( اخواني و اخواتي )

السلام عليكم ورحمة الله وبركاته.. وبعد

هي أبيات من وحي الفكر لحدثٍ كان أو معاناة، بَدَت، فـ هان عليّ تجاهلها..

وها أنا أَسطّر كل حرفٍ منها هنا لتكون أقرب ما الى

( مذكّرات شاعر )

أهلاً وسهلاً

مبارك الخرفشي
24-03-2012, 12:22 AM
يا شامناا.. ما عاد جتنا علومك=غير القتل، والذبح، والصلخ.. وش صار؟؟
اِبك القهر يا شام.. محدٍ يلومك=محنا بعوضك.. الله يعووضك بالاحرار

مبارك الخرفشي
24-03-2012, 04:23 PM
ما فيه عوق يجيك من دون سبّه=العبد تنكيله من اسراف اياديه
امَا كفاك انّك تحطّ المُنبّه=على الدوام، وفرض ربّك تخليّه؟!!

مبارك الخرفشي
26-03-2012, 09:16 AM
اتظاهر بالسعاده، وانا بالي حزين=واكتم الونّه، وابيّن لخلق الله رضاي
استحي لقول فيني.. واخاف الحاقدين=الضعوف اللي اتّحلا النميمه من وراي

مبارك الخرفشي
26-03-2012, 09:18 AM
يا كم عرفت من الاوادم وصادقت=ويا كبر فرقٍ بالاوادم لقيته
احدٍ اليا منّي ذكرته تضايقت=واحدٍ اليا منّي تضايقت جيته

مبارك الخرفشي
26-03-2012, 09:20 AM
ما مثل ذكر الله تعالى مع الصبح=ترتاح.. لوّك بتّ ليلك تحاتي
يا مَن بغيت الخاطر الشرح والربح=عليك بالخُلق الحسن والصلاتي

مبارك الخرفشي
26-03-2012, 09:22 AM
ابعيش كم؟ ستّين.. سبعين.. قل: تسعين=ما عقب الحياة الا التكفّان والحفره
مصير البنادم للفَنا.. لو يعيش سنين=ولا له عن التفافة الساق، والزفره

مبارك الخرفشي
26-03-2012, 09:23 AM
الناس لو يِنكشف عن سرّ خافيها=ما شفت قلبٍ صحيح، وطبع متشابه

مبارك الخرفشي
26-03-2012, 09:24 AM
الآدمي مخلوق للطاعه=ماقدمه الاّ النار والجنه
والله لو يستوعب السّاعه= وأهوالها.. ما يخالف السنّه

مبارك الخرفشي
26-03-2012, 09:26 AM
لا تمثّلون الحزن على اهل الشّام=الشام ما يرجي وراكم معونه
وشلون بتردّون يا ناس الاسلام=وانتم عيون الواحد بتيلفون؟!

مبارك الخرفشي
26-03-2012, 09:27 AM
يا أمّة الاسلام.. عزّي للاسلام=ما هكذا الأمّه ولا هكذا الدين
يعننّكم تبكون على اهل الشّام؟=وين المدامع من مجازر فلسطين؟

مبارك الخرفشي
26-03-2012, 09:29 AM
مع كل بادي نهار اقوم=واستفتح اليوم بالاذكار
واقول يالله يا قيّوم=يا جعله آخر حكم بشّار

مبارك الخرفشي
26-03-2012, 09:36 AM
اشوف الاوادم بالسياسه وبالاخبار=تلهّت عن الدين وعن الذكر والطاعه
هني من ذكر ربّه وناجاه بالاسحار=ولا اغترّ بالدنيا عن الله ولو ساعه

مبارك الخرفشي
26-03-2012, 09:37 AM
عِجزت لاستوعب العلم ودراساته=ومليت من موجز ونشرات الاخباري
يازين وقتٍ مضى فاتتني اوقاته=بين الاناشيد.. والكوره.. والاتاري

مبارك الخرفشي
26-03-2012, 09:39 AM
الشّيب بيّن بي وانا عادني شاب=يا عنك بانّ الوقت هذي سواته
لا وا هني اللي عرف ذنبه وتاب=واخلص لربّه قبل تاتي وفاته

مبارك الخرفشي
03-04-2012, 09:09 PM
يالمسلمين اصحوا قبل فايت الفوت=وشعاد باقي ما لقيتوا غرابه؟
حتّى الكلاب اللي قبل ما لهم صوت=قاموا يسبّون النبي والصحابه!

مبارك الخرفشي
12-04-2012, 10:04 PM
اتعب وتلقى الكسب وافي ومضمون=واسعى لحلمك من جميع النواحي
واصبر اليا شفت المقاريد يخطون=واضحك وقل: (( هذي ضريبة نجاحي ))

مبارك الخرفشي
12-04-2012, 10:06 PM
لصرت مرضي ربّي ومومنٍ فيه=ماهمّني لو يزعلون الخلايق
الناس ما في ايدينها شي تعطيه=والله يسوق الرزق مع كل سايق

مبارك الخرفشي
19-04-2012, 04:54 PM
كُلّ يَومْ يِقَصّرْ العُمْرَ القِصِيرْ اَقَصّر=يَالله اِنّك لاَ تِحَاسِبْني بِكُثْر اذنُوبي

مبارك الخرفشي
20-04-2012, 06:59 PM
كل ما ضاقت علي الجهات الاربعه=اتذكّر وجهةٍ من قطرها ما يضيع
يالله انك تلهم القلب علمه واسنعه=ما سواك ادعو ولا ارجو ولا اخاف ولا اطيع

مبارك الخرفشي
26-04-2012, 09:36 AM
تعلّمت:

أنّ الحياة مَدرسة، لا يتخرّج الطالب منها إلاّ بـ (( شهادة وفاة ))

مبارك الخرفشي
06-05-2012, 10:41 AM
طاري البعد، لو هو مزح يرهقني=لا تـعـيـد.. ولا أصـــدّق ولا أكـــذّب
كــان قـصـدك عـذابـي لا تفـارقـنـي=والله انّــــي بـقـربــك حــيــل مـتــعــذّب

مبارك الخرفشي
06-05-2012, 10:42 AM
الجفـا ســمّ.. ومـواصـل حبيـبـك عــلاج=والــوفــا ســلــم نـحـتـرمـه ونـمـشــي عـلـيــه
كان ما لك على شروط المحبّه مزاج=لا تـمـثّـل هــــواك وتِـبـلــش الــنــاس فــيــه

مبارك الخرفشي
06-05-2012, 10:44 AM
غبت وخيالك عنك بالعين ناوب=وتواعـد بوصلـك وتقطـع رجاويـه!
أبـسـألــك ســــؤال واحــــد، وجـــــاوب=الـلـي يـكـذّب ويــن ربّــي يـودّيــه؟؟

مبارك الخرفشي
06-05-2012, 10:44 AM
كــــل مــــا غـمّـضــت عـيــنــه تـخـيّـلـتـه=يــــا مـــــزوّدت الـحــكــي لا تـلـومـونــي
مـسـتـحـيـل انــســـاه مـهــمــا تـجـاهـلـتـه=مستحيل اعيش ما اغمّض عيوني

مبارك الخرفشي
06-05-2012, 10:45 AM
ودّي على أجرحك.. وأقسى مثل ما تقسى=وأخــاف لاَنــزف! قـبـل مــا تـنـزف جـروحــك
مــــا عــــاد لــــي مــعْـــك لا مـيــنــا ولا مــرســـى=خـلــنــي بــروحـــي، وروح، وخــلّـــك بـــروحـــك

مبارك الخرفشي
06-05-2012, 10:46 AM
الـنــوايــا سـلـيـمــه، والـمـحـبــه بـخــيــر=اغتنـم فرصتـك يالمتـرف المخملـي
دام قلبي معاك ودام سيفك شطير=اجـرح القـلـب تكـفـى لا تــردّه خـلـي

مبارك الخرفشي
06-05-2012, 10:48 AM
واا هني النّعاس اللي غزى عينك=يسـتـلـذّك سـكــون، وياخذك مــنّــي
حـــزّة الــنــوم حــالــت بـيـنــي وبـيـنــك=أمــرح.. ولاقـعـدْت الصـبـح طـمّـنّـي

مبارك الخرفشي
06-05-2012, 10:49 AM
مــرت سـنـه يــا زيــن مــن فـرقــاك=وانـــــــا مــاغـــيـــر اكــــافــــح الــــحــــرّه
من عقب ما عشت العمر ويّاك=( ويلـي علـى لامــاك هالـمـرره )

مبارك الخرفشي
06-05-2012, 10:51 AM
اخذ راحتك واجرح وكابر وصد وغيب=أنـا معْـك بـاقـي فــي شـعـوري ووجـدانـي
بسايـرك دام انّ الغـلا مـا دخلْـه الريـب=( أهم حاجه إنّك ما تحاول تحدّاني )

مبارك الخرفشي
06-05-2012, 10:52 AM
صبّح علي بالخيـر والاّ بصبّحـك=حــاول تـجــرّا مـــن قـبــل مـــا اتـجــرّا
يا زين عبّرنا عسى الله يسامحك=مـــــن الـفــجــر وأنـــــا مـغــيــر اتــحـــرّا

مبارك الخرفشي
06-05-2012, 10:52 AM
يالغاليه.. ما صارت طعون وجروح!=الــظـــاهـــر انّــــــــك نــــاويــــه تـقـتـلـيــنــي..
خــلاااص، بطّـلـنـااا، ولاهـــو بمـسـمـوح=لا تجـرحـيـنـي لــيـــن أقـــــول اجـرحـيـنــي

مبارك الخرفشي
06-05-2012, 10:54 AM
مانيب الوم اللي يتردّا بهالوقت =حيث الردا طبعٍ بهالوقت سايد

مبارك الخرفشي
06-05-2012, 10:55 AM
أغليك.. وانا ادري ان لك واحدٍ ثاني =يهبّ! ما اقوى غلاك شلون تأثيره!!

مبارك الخرفشي
06-05-2012, 10:57 AM
تخطي ولا تعتذر واليا اذرفت عينك =اسامحك طيب واشوفك تكررها
ابسألك وانت جاوب (بيني وبينك) =امانتك ماتحس انك مقزرها؟

مبارك الخرفشي
06-05-2012, 10:58 AM
. انا هقوتينّي في هواك امتعدّي قيس =ولانيب حوله! بس انا ما ذبحتيني
ولعل السبب ذكري لربي وذم ابليس =وقيس ان ذبحْه الحب مادينه بديني

مبارك الخرفشي
06-05-2012, 11:00 AM
ويلي على اقرب منك واخاف لذّيك =وويلي على ابعد عنك واخاف موتي
احترت فيك! ارجيك؟ والا اخليك؟=ياقوتي اللي منْك ماذوق قوتي

مبارك الخرفشي
06-05-2012, 11:00 AM
من عاش بالدنيا لزوم ايتعلّم =لو ما تعلّم بالكتب والطباشير
ومن ما اجتهد للطيب يحقر وينذم =لو جمّع كنوز الذهب والدنانير

مبارك الخرفشي
06-05-2012, 11:01 AM
. ابعيش كم؟ ستين، سبعين، قل: تسعين =ما عقب الحياة الا التكفّان والحفره
مصير البنادم للفنا لو يعيش سنين= ولا له عن التفافة الساق والزفره

مبارك الخرفشي
06-05-2012, 10:50 PM
اجرحيني لين ما تتعب يديك=واستريحي ربع ساعه واجرحي
ما من الا قلب، ما ردّه عليك=دام هذا اللي يفرّحك افرحي

مبارك الخرفشي
06-05-2012, 10:52 PM
وش اللي يداوي علّتك يا صداع الراس= اكلت الحبوب ولا نفع فيك بالمرّه
هواجيس، وافكار، وطواري قويّة باس =وزودٍ عليها الليل ما فكّني شرّه

مبارك الخرفشي
09-05-2012, 07:46 PM
إن ما رفعنا راية الإسلام=ولا تسلّحنا بتقوى الله
بنموت ذلّ وغبن وبننظام=ونضيع.. لا مذهب ولا ملّه

مبارك الخرفشي
12-05-2012, 10:20 AM
يا لطيف الحشا يا ليتني ما هويتك=يوم قلبي تولّع فيك صدّيت عنّي
مير ابشّرك تال الوقت كنّي نسيتك=أحمد الله ضروف الوقت عنك اشغلنّي

مبارك الخرفشي
12-05-2012, 10:22 AM
يا قبر.. كل ما للمسافه تقصر=والرجل تمشي سكّتك مجبوره
يا رب ترحمني ويا رب استر=من وحدته، من وحشته، من جوره

مبارك الخرفشي
15-05-2012, 09:25 AM
لو كان كل اللي على البال ينقال=يمكن نموت من التعب ما سكتنا

مبارك الخرفشي
15-05-2012, 09:26 AM
من لامني فيك جعل يجيه ما جاني=وتجيه من عقبها العربان وتلومه

مبارك الخرفشي
15-05-2012, 09:28 AM
بعض الصور فتنه، وانا قلبي خضر=وادناة ما يثـّر عليه ويفتنه
الوضع بـ تويتر يهدد بالخطر=هذا التطوّر جعل ربي يلعنه

مبارك الخرفشي
15-05-2012, 09:29 AM
تدري وش اللي من غلاك اتمنّاه=ودّي على اغمّض وافتّح وأشوفك

مبارك الخرفشي
15-05-2012, 09:31 AM
يا لطيف الحشا يا ليتني ما هويتك=يوم قلبي تولّع فيك صدّيت عنّي
مير ابشرك تال الوقت كنّي نسيتك=احمد الله ضروف الوقت عنك اشغلنّي

مبارك الخرفشي
15-05-2012, 09:33 AM
قد يتوارون من تعلّقوا بنا عن أعيوننا، خوفاً من الاحراج ونوعاً من الكبر

فـ والله لو لا طيب ذكراهم بمخيّلتنا، لقسونا عليهم بالعتاب..

ولكن،، ليفعلوا ما يشاؤون فهم بالنهاية أحباب وأكثر..

وما هذا بخافيهم

:)

مبارك الخرفشي
21-05-2012, 08:37 AM
كافي غزل يا حضرة الشعّار=يا اهل القصايد لي متى وأنتو..
تتصنّعون الحب بالأشعار؟=خفّو علينا شوي لا هنتو

:)

مبارك الخرفشي
21-05-2012, 01:56 PM
من ألفين وتسعه يا لطيف الحشا لليوم=وانا بين راح وبين يمكنّه يعوّد
اشغلت الفكر واحرمت عيني لذيذ النوم=ثلاثة اسنين بحبل الامال متجوّد

مبارك الخرفشي
30-05-2012, 08:39 AM
يالسيّد المحترم،، (( سياسي.. رياضي..=أديب.. كاتب.. مُذيع ارصاد جوّيه! ))
يا شين بعض الكلام اللي على الفاضي=ما ودّه اِلاّ تقول الناس: شخصيه

مبارك الخرفشي
10-06-2012, 08:57 AM
مالقينا من التطور ومن الاعلام خير=ارجعوا للدين وامشو على هدي النبي
كل ماشفناه من ذل بالدنيا نذير=ومايتجاهل نُذر الايام ياكود الغبي

مبارك الخرفشي
10-06-2012, 08:58 AM
ابتلشت بجرح فرقاك عيّا لا يطيب=والطبيب يقول: (( مافيك غير العافية!! ))

:)

مبارك الخرفشي
10-06-2012, 09:00 AM
أشوف التفلسف في (( تويتر )) غدا بريال!=وشعر (( الغزل )) بين التغاريد بالجُملة

مبارك الخرفشي
19-06-2012, 10:48 AM
ما اذكر انّي نويت اسافر اصيّف=لو تزيد الحراره فوق خمسيني
دام بالمجلس وبالموتر مكيّف=وين انا رايح وربي معنيني

:)

مبارك الخرفشي
19-06-2012, 10:49 AM
يالغاليه مالوم قلبي ليا ذاب=كل شي فيك يقول له ذووب فيني
يشهد علي الشووق ماني بكذاب=شوفيه في عينك بشعري وعيني ‎

مبارك الخرفشي
19-06-2012, 10:53 AM
الله يرحمْك.. يا صقر السعودية=يا ابن المليك المؤسس، واخو عبدالله

الأمير// نايف بن عبدالعزيز -رحمه الله-

مبارك الخرفشي
10-07-2012, 04:53 PM
تدري وش اللي من غلاك اتمناه؟ =ودّي على اغمّض.. وافتّح.. واشوفك

مبارك الخرفشي
10-07-2012, 04:55 PM
انا لـ لقيت الصاحب الوافي البيطار=لو ابيع سُكان الكُرَه ما اتخاسرها
لكن وين ابلقى اللي يقاسمني الامرار=هذي شيمةٍ صعبه على اللي يقدّرها

مبارك الخرفشي
25-07-2012, 02:28 PM
شهر الصيام اللي غدا كلّه افلام=واغاني ومسلسلاتٍ سخيفه!
حسبي على بعض الصحافة والاعلام=يا كم شكت منها القلوب العفيفة

مبارك الخرفشي
25-07-2012, 02:30 PM
بيّض الله وجه ابو متعب وطوّل عمره=فزعته من طيبها كلٍ تكلم عنها
كلنا عياله ويامرنا ونمشي بامره=حاكمٍ يامر بمضمون الكتاب وينها

مبارك الخرفشي
25-07-2012, 02:31 PM
تفلسف علي وابتفلسف عليك وصير=معي مُستمع جيّد وانا مستمع جيد
مع اسمى التحايا للأساليب والتقدير=كلامك عسل صافي ومنطوقك مأيَّد

مبارك الخرفشي
25-07-2012, 02:33 PM
كل عام وانت بخير.. ياخير كل عام=الله يرحّب بك ويِسعد لياليك
شهر الاجر والعتق.. وصيام وقيام=يا مرحبا مليون والله يحييك


( كل عام وانتم بخير )

مبارك الخرفشي
25-07-2012, 02:34 PM
مالله كتب لي مع لطيف الحشى درب=حسبي على اعمال الطرق والاشارات
واليا اجتمعنا بدرب ياشرق ياغرب=لازم نخالف بعضنا بالمسارات!

مبارك الخرفشي
25-07-2012, 02:37 PM
يقولون ليه الناس ما تلتفت للناس؟=وانا اقول ليت الناس تدّي مناسكها
فكم حسنةٍ تُجحد وكم نعمةٍ تنداس=وكم سنّةٍ متخوشع الفرض تاركها

مبارك الخرفشي
25-07-2012, 02:38 PM
يا زين غيرك لقينا زين=مزيون وازين من اخلاقك
ماهو بيلعب على الحبلين =وابشرك بالغلا فاقك
لو مالنا مع بعض يومين=غلاه نسّاني فراقك

مبارك الخرفشي
25-07-2012, 02:39 PM
لو المقادير صافتني هذيك السنين=ما كنت اقلّب كفوفي لتذكّرتها

مبارك الخرفشي
25-07-2012, 02:42 PM
يهب يا ذكرى الليال الجميلة=لاهو مرجّعها ولاهو بـ سلوى
عجزت لاالقى بالتفاكير حيله=صحيح من قال: اهل الحب بلوى

مبارك الخرفشي
31-07-2012, 04:15 PM
غيرك كثير ولو أدوّر أبلقى=كم بالآوادم قلب طيّب وحبّوب

مبارك الخرفشي
18-08-2012, 09:35 PM
أنا طامعٍ باللي تخفّيه يا ربّي=وأنا راضيٍ باللي يجي شرّ والا خير
ضعيفٍ بدونك.. ما اتحمّلني اركبّي=ولو ما هديت الرجل للسير كيف اسير؟

مبارك الخرفشي
18-08-2012, 09:36 PM
يالله عسانا نعيد بموت بشار=عقب الفجر والا قبل خطبت العيد
هذي هي الفرحه، وهذا هو الثار=يالله بعلمٍ ما يبي زود توكيد

مبارك الخرفشي
18-08-2012, 09:37 PM
كنت أحسب انّك شاعرٍ تبدع القاف=واثرك سروق ولك قضايا قديمه!
حسبي على بعض المزايا والالقاب=خلّت لك بعين المهابيل قيمه

مبارك الخرفشي
18-08-2012, 09:38 PM
ويني ووين الفرح لو اتصنّع به=واخواني المسلمين اوضاعهم شينه
أنا حزين ورجاي بحامي الكعبه=ينصر رجالٍ مجاهدهم على دينه

مبارك الخرفشي
18-08-2012, 09:39 PM
باتت ليال العيد منّا قريبه=وابرك شهور العام قفّت لياليه
اقفى رمضان الله علينا يجيبه=واقبل علينا العيد والله يحييه

مبارك الخرفشي
03-09-2012, 02:04 AM
يا ليتك علي تقبل واثنّي لك الترحيب=أو انّك تصد.. وأودّعك يالغلا وافتك!

مبارك الخرفشي
03-09-2012, 02:06 AM
نمنا وقمنا الصباح بخير والمنّه=لله تعالى، عظيم الشان سبحانه
يا ربّ انا اسألك ما يدخلني الجنّه=وأعوذ بك من حياةٍ ما لها خانه

مبارك الخرفشي
03-09-2012, 02:07 AM
احلف وقول انك تبي تصون الغلا=مستقبلا.. أو انّك تحلّ العُقد
امّا انّك تعوّد مثل ما كنت؟؟ لاا=ما أعتقد.. ما أعتقد.. ما أعتقد..

مبارك الخرفشي
03-09-2012, 02:09 AM
رحت يا شام العروبه مقيّد بالحبال=تحت حكم اعداك واحنا على رجوى الكريم
لا نطحنا دون دمّ الشرف مثل الرجال=ولا لطمنا اخدودنا بالعزاا مثل الحريم

مبارك الخرفشي
03-09-2012, 02:10 AM
مجبور أحبك.. وأنت منته بمجبور=كيفك.. وأنا لقلت أحبّك بكيفي
قلبي وأعرفه زين ما يسمع الشور=هو اللي اختارك وحطّك وليفي

مبارك الخرفشي
03-09-2012, 02:11 AM
كم لي سنه وأنا انتظر منك مرسول؟؟=واليا اتصل رقمٍ ما اعرفه هقيتك!
ليتك تجيني لو بالأحلام وتقول=لا عاد تذكرني تراني نسيتك

مبارك الخرفشي
03-09-2012, 02:14 AM
يا أهلنا بالشام لين الحين ما عيّدنا=عيدنا هو عيدكم موت اللعين الخاسي
يالله بنصرٍ على عدواننا يوحّدنا=مجدٍ يخلّد على الألواح والقرطاسي

مبارك الخرفشي
11-11-2012, 07:40 PM
يا صاحبي لا بارك الله فيك=وشلون تجرحني بلا سبّه؟
ان كان هذي عشرتك ما ابيك=بشووف غيرك واحد أحبّه

مبارك الخرفشي
11-11-2012, 07:44 PM
استحقّ الاشاده والثنا والقبول=كل ما شفت برقا رجم عديتها
كبّ عنك الضعيف المستعيف الملول=لو تجي خوّته في يديّ كبّيتها

مبارك الخرفشي
11-11-2012, 07:45 PM
مسكين من قال المحبه وناسه=اشهد عليه ان المحبه وجع راس
بيت الهوى لو ينبني فوق ساسه=يطيح بكره كنّ ماهو على ساس

مبارك الخرفشي
11-11-2012, 07:47 PM
تجمّعت أنا والقلب والفكر والهاجوس=وبعد النقاش الحاد هذا ما قررنا
بالإجماع وحسْب المنهج البيّن المدروس=ما غيرك حبيب استسلمت له مشاعرنا

مبارك الخرفشي
11-11-2012, 07:48 PM
الله على اللي كل ما اذكر سموّه=أحنّ لسنينٍ مضت واتوجّد
الله يرحّب به وحيه وقوّه=مع كل طاري شوق ومصافحة ودّ

مبارك الخرفشي
11-11-2012, 07:50 PM
صاحبي عذره كبر راسه وراسه كبير=كل ما غاب ايتعذّر وانا غصب أعذره
لو يجيب العذر كذبه وزور ومايصير=قلت له مقبول والعفو عند المقدره

:)

مبارك الخرفشي
11-11-2012, 07:52 PM
لا احد ايتفلسف علي ويقول انا جدّي=جدّك توفّى بفعله عدّ لي فعلك
وان كان وجهك من الأيام مسودّي=خلّك من شماغك المكوي ليا نعلك

مبارك الخرفشي
11-11-2012, 07:54 PM
ان جيتني جيتك واذا رحت ابروح=وان كان عوّدت امتحسّف.. بعوّد
ما لي ورا فرقاك يازين مصلوح=وأنا على لعبة غلاك امتعوّد

مبارك الخرفشي
11-11-2012, 07:55 PM
المعذره يا سوريا ويا فلسطين=اللي تبين من الرياجيل ماتوا
لا تنهمين وتزهمين وتنادين=أبطالنا البارح تعشّوا وباتوا

مبارك الخرفشي
11-11-2012, 07:57 PM
لو يوصل الصوت للمقفين صوّتنا=لا شك ما يسمعون وفِعلةٍ شينه
نعتب على الوقت جمّعنا وشتتنا=والا الجفا كلنا ما احنا براضينه

مبارك الخرفشي
11-11-2012, 07:58 PM
يا رب أنا اسألك ما يدخلني الجنّه=وأعوذ بك من حياةٍ ما لها خانه

آمين

حور العين
11-11-2012, 07:59 PM
أبيات جميله يخوي

لاهنت

تقبل مروري

حور

مبارك الخرفشي
11-11-2012, 08:00 PM
إحلف وقول انّت تبي تصون الغلا=مستقبلاً.. أو انّك تحلّ العقد
امّا انّك تعوّد مثل ما كنت! لاا= ما أعتقد.. ما أعتقد.. ما أعتقد

مبارك الخرفشي
13-03-2013, 01:50 PM
يا مال فرقا العين يا بغداد=كم صوت عذراً فيك ينخانا
لبّا الجهاد ونزف الاستشهاد=دونك.. لكنّ الضعف يحدانا

مبارك الخرفشي
13-03-2013, 01:52 PM
لا يدقّ في صدرك من الهمّ هوجاس=وارواحنا لو من غلانا اتّشابك..
روحي معي، واللي معك روح الاحساس=ما نيب ميّت لو يطوّل غيابك

مبارك الخرفشي
13-03-2013, 01:55 PM
عليك بالصير والاخلاص والتقوى=لجل التوافيق والتوفيق عند الله
لا تقول صعب وعسر واقوى وما اقوى= ( كل شي تمشي على دربه بتوصل له )

مبارك الخرفشي
13-03-2013, 01:56 PM
الصاحب اللي في جماله فتنّي=لبّا تغلّيه ويا لبّا جماله
كل ما نطحني قمت ارحّب واغنّي: = متعلّقه وتزهين، (( يالبرتقاله ))

مبارك الخرفشي
13-03-2013, 01:58 PM
منهو يرحّب بي ومنهو يهلّي=غيرك.. يا سيد المترفات الغنادير
تعال لي كلّك وانا اجيك كلّي=مادون لقيانا ضروف ومعاذير

مبارك الخرفشي
13-03-2013, 01:59 PM
أشهد انّي ذكرته.. واشهد انّي حزنت=واشهد انّي أحبّه.. واشهد انّه نساا!

مبارك الخرفشي
13-03-2013, 02:00 PM
الحب خلاّني ماعاد اشوف=غيرك.. ولو يشوفني غيرك
وبجاه من حطّك بوسط الجوف=لمشي معك لأأخر معاذيرك