المساعد الشخصي الرقمي

مشاهدة النسخة كاملة : قلى مرامك


مرزوق الصواغ
17-07-2012, 12:35 AM
قلي مرامك حتى انا اقـول مسمـوح = عـن حبنـا مافيـه داعـي تخـفـي

خاطرك اشوفه بعض الاوقات مجروح =لـي شفتنـي ماكـن شفـك بشفـي

عسى الموانع خيـر يامتلـف الـروح = لا صرت منته فـي هـواي امتعفـي

كانك نويـت الصـد ياصاحبـي روح = بصبر لـو ان العيـن يمـك ترفـي

ماهوب ودي مير ماشوف لي ضـوح = غير السـراب وشوفتـه مـا تكفـي

اول لنـا بـاب الغـلا دوم مفـتـوح = تفرح ليـا صافحـت كفـك بكفـي

واليوم قلبـك نـازح الـود سـاروح = مافيـه للمجـروح عنـدك مضـفـي

مدام مالـي فـي مودتـك مصلـوح = وش لي بدرب(ن) عن طريقي يلفـي

صبري على نفسي وسهري مع النوح = اخير مـن طـرد الحبيـب المقفـي

هذا جوابي وانـت يازيـن مسمـوح = لا صرت مانته فـي هـواي امتعفـي