المساعد الشخصي الرقمي

مشاهدة النسخة كاملة : رديه بينى وبين عبريد فالح البراك


مرزوق الصواغ
11-08-2012, 01:39 PM
فينى من الضيقات عشرين ضيقه= لياقعدت اشوى ملزومن اضيق

عيت اتفارقنى معى بالدقيقه = غديت منها من حساب المطافيق

ياصاحبي عبيريد شفلى طريقه= صبري نفذ والحين لايمكن اطيق

رعى الهوى مخطور يشرق ابريقه= لياتمكن فيه حب القرانيق

حالى براها الشوق ماهى طليقه= لافقت ساعه عقبها ماقدر افيق

نفسي على من صاب قلبي شفيقه= مشتاقله لاشك مامن توافيق

ويلاه ياراع العلوم الرقيقه= اليوم عقب الود ينوى التفاريق

صد وتغير كن مانى رفيقه = معاد واجهنى وانا ماقدر اويق

نسى المعرفه والمعرفه عتيقهه = موثقه بالحب ماهيب تلافيق

خان العهد بعد العهود الوثيقه = وانا معه بالحب ماشي بتدقيق


احترت مابين الوهم والحقيقه= قامت تصافقبي همومى تصافيق

كن الحشا يصلى بنار الحريقه= يامن يطفى نارها بالمعاليق

من غيره يعل ربي يعيقه= يشوف فى دنياه كثر التفاليق

مال الصديق اليوم الا صديقه= وانته تعد امن الرجال المطاليق


فزعتك ياللى لك مواقف عريقه= مايجهلك يالقرم طب العشاشيق

انظر بحال اللى جروحه عميقه= يجر صوته فوق روس الشواهيق


حلن يجينى منك قلبي يشيقه= لوكان ترشدنى بحلو الطواريق
مرزوق الصواغ



رد عبيريد البراك

مرزوق يومن فيك عشرين ضيقه=من قلت الاذكار وقت التشاريق

وينك ووين العشق هو والعشيقه= معاد يبقنك طوال العوانيق

برهم علي والهم عيا يطيقه= امن السهر بالليل مع نشفت الريق

يلعي على اللى كل لبسن يليقه= الحب من ذاقه من الهم مافيق

نفسه مع الهاجوس دايم غريقه= واللى مضى من حلو الايام ماحيق

جفنه لك طارى يمره يفيقه= ولياغفا ياخذ له شوى ويفيق

طبه لياطاب الشذى فى رحيقه= فيه الوفا والطيب مع عشرته سيق

كم واحدن قبلك زفر فى شهيقه= همه يراقب ضلع ابانات وطويق

دام النصيحه للقلوب اللبيقه= تحفض ابوسط اصدورها بالصناديق

طرد الهوى لاعاد قلبك يعيقه= جنب ويكفى مامضالك وماذيق

ولا تجى عرجا وهذه عويقه= وملفقات الهرج بالوقت تلفيق

يقولها اللى شاف مالا يليقه= يعرف يباس اغصونها والمواريق

مال الشكاوى غير رب الخليقه= بديه قسم ارزاقنا والتوافيق

وصلو على اللى نور الله طريقه= محمد الهادى شفيع المخاليق

عبريد فالح البراك