المساعد الشخصي الرقمي

مشاهدة النسخة كاملة : قصيده بينى وبين الشاعر خالد مطلق الحضينه


مرزوق الصواغ
30-08-2012, 02:37 PM
قصيده بينى وبين الشاعر خالد مطلق الحصينه

صوت مرزوق مثعى الصواغ





ياحسين ياشوق الهنوف الرزينه= يالنادر اللى ماكره فوق شاهوق

هاك الجواب وصله للحضينه= خالد ابن مطلق ذرى كل غرنوق

ساعة تشوفه سلمه فى يمينه = وسلم عليه وقله يقول مرزوق

علمن قبل يومين بينى وبينه= استغربه من راعى الفن والذوق

والكلمه اللى دربها عارفينه= لا صرت تجهلها ترى دونها عوق

واعرف ترى بعض الاوادم فطينه= ماطافها هرجن على شين منطوق

حنا على طيب المبادى نشينه= مانلتفت للى على غاربه طوق

ترى العلوم الطيبة تهتوينه =اخير من هرجت سفيهن ومطفوق

وكلن على ماقيل يتبع خدينه= وانا خدينى من رفع هامته فوق

واللى عزف عوده مع العازفينه= يثبت اوتاره على كل طاروق

وبابن فتحته فى يدك داخلينه = تحمل اخطاره ولوكنت مرهوق

انا اتمنى من هذيك السنينه= ادوراسباب الوصل مرهف الشوق

واليوم جابتك الليال الوثينه = عليك هلت سحبها ولاحت ابروق

نبي نعرف ارموزها لاشرينه= والشاطر اللى عملته ترفع السوق

اما كسبنا عملتك واغتنينه= والا خسرنا ولالنا بعدها احقوق




رد خالد الحضينه



اهلن عدد زوار نور المدينه= والا عدد ماتطلع الشمس بشروق

ترحيبتن جزله وحلوه وزينه= بمرزوق ابن مثعى وتوصله بشفوق

ياحسين ابي مرزق مرزوق وينه= سلم عليه وقله الطيب مسبوق

قله ترى الديان يطلبك دينه= وقله عليه احقوق والشر مفهوق

مرسل ابيوتن بين زينه وشينه= وصدورها عريانتن فيهن افتوق

وفيها بوادر شر لكن دفينه =يدور الاسباب والقلب محروق

واظنه انه طز ياحسين عينه= من عقب ماطويقه ولاها سراطوق

بابن على وضح النقا فاتحينه= واللى يتصنع دونه الباب مصفوق

واللى يهين الناس يومن تهينه= ياصار ماهو بالمواثيق موثوق

وحنا الوفا كل الوفا حافضينه= ماعندنا خونه ولا عندنا بوق

موروثنا من عودنا وارثينه= اعروقنا بالماء وبالماء لنا اعروق

وحنا مع الله حقنا ماخذينه= واليا عطينا نعطى الطاق مطبوق

والا السفيه لياسفه سافهينه= نركد عليه وكل مطرود ملحوق

وراعى الرطينه فاهمينن رطينه= ولا همنا هرجة قفى كل مخلوق

حلمن حلمته انشد امفسرينه= القول قول السان والقلب صندوق

كلن على نفسه عسى الله يعينه= والا الاوادم بين صادق ومصدوق

وياحسين ياشوق الهنوف الرزينه= مده على مرزق ياشفت مرزوق