تكفون يا رياجيل أبي خبير أو دكتور يفهم في امراض الابل

[n5eeb]

السلام عليكم ورحمة الله وبركاته

عندنا نياق صار لهن سنتين حيل

وخايف يروحن السنة حيل

جبنا دكاترة شعبيين وقعطو عنهن الصيد ونظفوهن ولا نفع

الي يعرف له رجال خبير أو دكتور يعطينا رقمه بالخاص

ملاحضة ترا قطعنا عنهن الصيد والذيخ وضعفناهن ولا فاد


الله يبيض وجه الي يذكر لنا شخص أو دكتور بشرط بيكون فاهم

لان تعبنا من العلمية الناس تجئ تعلم في نياقنا

[أبــو خــالــد]

والله يالخوي ودي افيدك ولكن الصيد الي فتشت عليها بالحيه بس


ترا في بعض الصيد يجي تحت اللسان ويكون صغير حيييل ولا ينشال الي بالملح وتحكها لين يطلع

[عبدالرحمن عوض بن وطين]

الله يعينك نظف الرحم من داخل بمره وقط عنها
واكرمها بالعلف ترا مرات الناقه ماتمسك ليا ضربها البعير وقام منها بالت وانت بكرامه وينزل معه المني للبيعر اذا ضربت ناقتك جفلها خله تركض لها شوي واحرص انها ماتبول الا بعد فتره لانها حصلت مع ناس واجد



وفيه بعد الحميراء تلاقيها تحت من حد الشعاير هذي بعد تقطع

ويمكن اخوياك الي جو وقطعو عن الناقه شافو الحميراء الي راسها كمه لسان طير

[n5eeb]

الله يبارك فيكم وجعل والديكم الجنة

كل الي ذكرتوه سويناه ،،، ولافاد

ننظر الإخوان يمكن احد يعرف دكتور فاهم

[أبــو خــالــد]

عسي ربي يوفقكم وتعشر كل انياقكم قول اميين


تحياتي

[n5eeb]

عسي ربي يوفقكم وتعشر كل انياقكم قول اميين


تحياتي ابو خالد الله يبارك فيك ويجزيك خير

ابو خالد معي واحد بالدوام مري يقول في واحد شفته بالسعودية في الربيع العام

عند أهل الابل الي حول الأبرق يعالج الابل الحيل قعد تقريبا 3 أيام وعالج 11 حايل

وبعد ماعلجهن قال بعد اسبوع حدوهن للبيعر عند واحد دوسري وعشرن بفضل الله
،،،،

يقول عندكم بالكويت \6\6\6

اسمه ابو شافي الشمري

وجاري البحث عنه

بس يقول طبعه امحق إذا سئلته عن الابل يقول ما اعرف

إلا تجيه عن طريق معرفه

ويأخذ علئ الناقة الحايل ألف ريال بشرط تعشر

وإذا معشرت مايخذ شي

[n5eeb]

يا جماعة للعلم الرجال كلمة تيلفون عن طريق معرفة يعز عليه

وأعطاني موعد بعد 8 أيام أن شاء الله يجينا والرجال محترم باين من اسلوبة

وأنا اعتذر عن كلمتي حين قلت طبعة امحق

وبصراحة الرجال باين عليه فاهم من أسئلته لي عن الابل سئلني كم سنه الابل حيل

وشنو الأدوية الي عالجتو بها

أكرر اعتذاري عن كلمة طبعة امحق

[n5eeb]

ياربع الرجال جانا عند الابل وعالج لنا ثلاث نياق حيل

وابشركم عشرن

والرجال مشاء الله عليه فاهم جدا

وجانا معاه دكتور بيطري بالبداية استقربت ليش جايبة وبعدين

تبين لي انه يعلم الدكتور على الطرق الي سواها

لاني اول مره اشوف واحد سوي نفسه

ومن الطرق الي سوها مد يده في مدمن الناقة تقريبا ربع الا ثلث ساعه

وبعدبن مد يده في حييا الناقة تقريبا نص ساعه

وقلت له اذا ممكن احط رقمك في المنتدى ولاكن رفض

[عبدالرحمن عوض بن وطين]

الله يجزاه خير وانت. تستاهل

[n5eeb]

الله يجزاه خير وانت. تستاهل

ويجزاك خير يا عبد الرحمن وتستاهل الطيب

[n5eeb]

ياربع تكفون

الي يعرف دكتور البل ابوشافي يدزلي رقمة بالخاص

يقولون اكثر ربعة عوازم

اول العام جانا وعالج لنا نياق حيل و امر الله وتلاقحن

ومن العام والسنه رقمه مسكر ولا عندي له رقم

تكفون يا هل البل

عندي ناقة فاخر ولا خليت عليها شي ولا لقحت