المساعد الشخصي الرقمي

مشاهدة النسخة كاملة : هذه هى الدنيا


مرزوق الصواغ
25-04-2014, 12:35 AM
الوقت يمضى والليالي والايام= مافات مايرجع مثل منت باغيه

وقتن تذكربه مشاويرك العام= وقتن يجي ويروح تنسى لياليه

الوقت يمشي بك شريطه لقدام= وليامشى معاد تلحق مساريه

هذه هى الدنيا ا تزين لك احلام= ماكل شين لابقيته تسويه

هم وتعب وافراح واحزان والام= اما ابادى الوقت والا ابتاليه

يعنى حياتك كلها اوهام بوهام = اللى بديك اليوم باكر تخليه

دنيا دنيه والجهل شي هدام= اصحا لها ياللي تبي الخير تجنيه

لوشفتها طالت ترى ابليس مانام= لاتتبعه من يتبع ابليس يغويه

ماينفعك مالك ابه الوقت لو دام= الا بدرب الخير تلقى حسانيه

لياصفا وقتك ترفرف لك اعلام= وان هب عاصوفه اعلامك يوطيه

اعمل لتاليتك قبل رفع الاقلام= قبل العمر يمضى وتقصر خطاويه

الرابح اللى يعتنق دين الاسلام= يطيع ربه فى صلاته ويرضيه

نهاية الانسان قطعه من الخام= يلف فيها واللحد مرجعه فيه

اما بجناتن يخلد بها اعوام= والا بنارن تحرقه ثم تشويه

يارب عفوك ياعليمن بالارحام= تجيرنا من كل ذنب وبلاويه