من حقوق الشعر لي حق الاوايل

[فياض العازمي]

السلام عليكم ورحمة الله وبركاته

أخواني المشاهدين اتمنى أن تحوز هذه القصيده القبائليه على رضاكم ولو أكتب عن قبيلتي لن اوفي بحقها و تقبلوا تحياتي :



من حقوق الشعر لي حق الاوايل
هاجسي يصدر مراسيم الضروره
لاح وجه العز في عرض المخايل
بارق ٍ فوق البسيطه شعّ نوره
شاش راسي و ألفحي يأم الجدايل
خلي الهاجوس يفرح في حضوره
افخري بالمدح ببيوت ٍ جزايل
عن سنام المدح منتي بمعذوره
بعتزي في لابتي و الراس طايل
شاعرٍ ساس الحميه في شعوره
العوازم عزوتي يوم الهوايل
يوم زرق الرمح و السيف مخبوره
يومها غاره نشوف الشر زايل
ماخذين مع الزمن لفه و دوره
ننطح الفريس و انعن الاصايل
من طناخة روسنا في كل ثوره
وان تعودها علينا كل عايل
مايروح غير والرجل معثوره
ما نعيد غير بسيوف ٍ صقايل
يوم ولد اللاش خطوته معسوره
و يوم شب النار في روس الفتايل
رجلنا بالفعل ما تقصر شبوره
انتحدى الموت في كل الوسايل
ما نهاب الموت نسبح في بحوره
دون قاصر بالقبايل والعوايل
لابتي ماهي عن الذكر محقوره
انشد التاريخ يعطيك الدلايل
يشهد التاريخ في ماضي عصوره
فعلنا معروف من بين القبايل
في بلاد اخوان مريم و اخو نوره


وسـلامـتـكـم

[باختصار]

صح لسانك رائعة وتبعث على الفخر

تسلم يا فياض

[مهند علي العازمي]

ما نهاب الموت نسبح في بحوره
صح ألسانك