الغلا ذباح
08-08-2007, 09:48 PM
السلام عليكم ورحمة الله وبركاته
وأسعد الله مساءكم وصباحكم بكل خير
موضوع ربما يكون مكرر ولكني لم أجده بهذا القسم
وسبب كتابتي لهالموضوع أبيات نادره لشاعرنا تذكرتها وأنا في طريقي للبيت وحبيت
أن أكتبها هنا لكي تحفظ حيث أن الكتاب الذي كنت أحفظ فيه قصايد شاعرنا حليوان بن مديعج
والشاعر سعود الصقلاوي والفارس والشاعر كريدي بن زابن وغيرهم للأسف الشديد
قد ضاع وفيه الكثير من القصايد النادره التي لم اجدها في كتب المؤلفين من القبيله او غيرهم
سوف أتطرق اليوم لشاعرنا حليوان بن مديعج وفي الأيام القادمه إن شاء الله سوف أتطرق
لشاعر الحرايب سعود الصقلاوي وبعده للشاعر والفارس كريدي بن زابن
هو الشاعروالفارس ابداح بن غانم بن مديعج وقد حضر العديد من المعارك
ومنها معركة النقيره ومعركة رضا ومعركة نقير
وقد كان موجودا ً في خلاف نشب بين الظفير والعوازم سنة 1944 وقد اصيب بكسر في ذراعه
وأنشد هذه القصيد
يالعين وش علمك دموعك خوافي=هذي ثلاث أوجاب ماجاك نومي
حنا فريق ٍ بين سبع اللوافي=وجونا قطين العد لما لمومي
صاح الصياح وقيل ما من عوافي=وقرومهم منا نطحهم قرومي
تبيّنت ما كن على الناس خافي=فيهم دموع ٍ وأعتلنا دموعي
رحنا بالأول مير جاله مكافي=كن الحسيني للسعيدات يومي
من بان بالفرقا فراقه عوافي=ومن شام عنا يالحسيني نشومي
أنا أحسبه درعن على المتن ضافي=وخلا العلوم الأوله واللزومي
أهوش قدم وطقتي من خلافي=لين الجرايد غاديات ٍ لهومي
ما منهم اللي قال يا (( ابداح )) قافي=يوم ٍ يمنايه مع الربع تومي
أنا ثنالي من ربوعي سنافي=قمدان شوق اللي تحط الرقومي
إبن دريع اللي فعوله تشافي=يوم ٍ ولد اللاش خلا السلومي
حنا مواقفنا تراها تشافي=جهيلنا تركض مراكيض رومي
بمضمنات ٍ يرعبن الخفافي=طريحهن يا جل دمه يزومي
وحنا لكم سم ٍ على الكبد صافي=سم ٍ من الهالك عليكم يزومي
ربعي كما سيف ٍ نصابه زرافي=يفرا اللحم لو كان دونه هدومي
ترى الليالي تصتفق بالخلافي=يجيبك الله ياخبيث العلومي
في ساعة ٍ ماعندك أحد ٍ يكافي=عليك مذلوق الجناحين يومي
وأنا بريت ولا بجسمي خلافي=واللي بعمر الآدمي ما يدومي
قمدان هو الفارس قمدان بن مبرك بن دريع
وهذي القصيده قالها في معركة رضا
وردنا على عد ٍ سقاه الدبا ودهور=وساعة وردنا والبيارق تبادينا
وصاح الصياح وشبهر الورع والغندور=على فرع الأرض ولا بنينا محاجينا
ونطحنا البيارق والدهينه وبن مشهور=بصنايع قريز ٍ تلتعج في يمانينا
ركضنا عليهم ركضة ٍ وأعتزى المسطور=يوم الخيل تدفع وأشهب الملح كاسينا
لعيناك يا شعل ٍ تلافت على المقهور=ذعرها الصياح وتلتفت في عزاوينا
طعنّا لعين فاطر ٍ خلفها مصرور=لبنها عن الزاد المسمّى يعزينا
وبالك تهج الزمل يالجادل الغندور=وخلي الزمل ثم انهمينا بأسامينا
وأحذرك عقب اليوم عن عشقة المثبور=عن اللي ليا جت لقوة ٍ يدّرق فينا
وعدّ الجنايز وأعرف الكون يامنصور=وهذا جزا من زارنا عند أهالينا
الدهينه هو مقعد الدهينه أخو حسنه أحد أمراء عتيبه
بن مشهور أحد أمراء عنزه
وهذى القصيده أيضا ً قيلت بمعركة نقير
قم أطلب الله يالشجاع بن مانع=في طلبة ٍ جعل الولي يستجيبها
أنه يعاونا على من نوانا=يا مظهر الغواص من غبيبها
وقم شيّد المثلوث في راس قاره=وضو ٍ لطرشان الخلا تقتديبها
يا سربة ٍ جتنا تنازع بغلمه=ولها ديون ٍ عندنا تدعيبها
ويا مزنة ٍ جتنا شديد ٍ نوّها=والمسعد اللي ما يحاضي لهيبها
من شقّت الأنوار الى رونق الضحى=فيها البنادق ما يهوّد نحيبها
حنا حنجنا دون سمحات اللحى=وهم كما بزون ٍ بعيد ٍ مقيلها
جونا مثل سيل ٍ يتبع النحو=وحنا جبال ٍ جنّب الما شعيبها
وجونا مثل مهب الشمال بيمّته=وحنا كما ليليةٍ ماسريبها
ياكن تناخينا بطراف بوشنا=لجّة حدابيرٍ غريف ٍ جليبها
وش عذرنا من دون شعل ٍ عقّلت=موارث الجدان ما ينصخيبها
تسمّعت حس الصياح وشوّشت=وتوحي عيال ٍ عندها تعتزيبها
من ذل منكم يالنشاما يفتكر=لاجت ورى الأجناب يامن يجيبها
تباشري بالفك يا حم الذرا=في ساعة ٍ ما ينتداوى صويبها
تنطحوا حام الرصاص وحومروا=وبقعا على العربان يومي سبيبها
ياكن جضع قومهم من قومنا=خشيب طلح ٍ في مثاني شعيبها
كله لعين أنثا تلافت فينا=طوال ٍ غواربها وحلو ٍ حليبها
ما أزين تهزعها بوادي الحيا=ياقامت الورقا تنادي صيبها
وكله لعين كل هرجة مجلس=ناس ٍ توديها وناس ٍ تجيبها
وكله لعين كل دلة سنافي=حلو ٍ طعمها ما ينقّع سريبها
وكله لعين كل بنت ٍعانس=بيض العواتق ما لهجها صيبها
خير ٍ على الجيران بالطيب والصخا=ولانهّضت حجانها لصحيبها
ونعم بولد القويعي غلمه=نطاح للقوات ياما بليبها
ولد غياض مثل تارس الهوى=يادرعنا الضافي على ما يصيبها
والكثر ما سر الجراد اليا أنتشر=أرهى على الدنيا ولا ينرهيبها
وراحت مجاريهم مع السيف وأشملت=ناس ٍ نوت فينا بنو ٍ نويبها
بن مانع هو الفارس والأمير مبارك بن مانع الملعبي أمير الملاعبه
وهذى القصيده أيضا ً في معركة نقير
ياراكب اللي للرسايل تودي=مافوقها كود القلص والورادي
بانت فوايها بقو ٍ وسدي=ولا دقها زور الجمل بالهدادي
مع طلعة النجمه ركبها مقدي=من الطف تركبه خشوم الحمادي
قال لي مادل الدرب رس ٍ وعدي=قلت أقطر الممشى ولا انته بغادي
يجنك الأخبار من كل بدي=ناس ٍ معاوشها بذاك البلادي
بلاد شيخ ٍ للقبايل يصدي=تكفكف الأطراف ياقيل عادي
عبدالعزيز اللي كمامه معدي=يا زبن من صكت عليه الأيادي
ما يعتدي مثل القمر مجرهدي=ولا ينرقي ضلع ٍ خشومه حدادي
النادر اللي بايمن السر هدي=ما يخضع الا في جمال الهدادي
وأذكر لك الله في مواريث جدي=يا عقلوا ذرعانها والعضادي
قل له ترى اللي بالخراجي تبدي=تهرجوا فيكم بهرج ٍ وكادي
خانوا بعد عفوك وجوني بخدي=وجموعهم تشبه عمود الجرادي
وحنا حديناهم عن البوش حدي=بمضمناتٍ مع قروم ٍ نوادي
كم واحد ٍقدام ربعي يكدي=وهذاك نار وعبرته بالفؤادي
(( والشيخ )) لولا صدته يوم صدي=خطر ٍ على بيضه تصك الحدادي
وراك ياطير السعد ماتهدي=((ياشيخ )) ماتركب عذود الشدادي
بالقيض نرجيكم وبيّح بسدي=واليوم هب لك الشتا والبرادي
ياشوق من ريحه زباد ٍ يندي=ومسك ٍ ينثّر عنبره بالوسادي
ياعل ما حظك عليك متردي=وعسى لكم في عرش ربي منادي
كلمة الشيخ الاولى يقصد بها فيصل الدويش
اما كلمة شيخ الثانيه المقصود بها الملك عبدالعزيز
وقصائد شاعرنا وفارسنا حليوان بن مديعج كثيره ولكن للأسف نادرا ً ما نجد من يحفظها
وهذى بعض قصائده بالغزل والسموحه على التقصير لاني مثل ما ذكرت لكم
ان الكتاب اللي كنت جامع فيه قصايدهم للأسف الشديد ضاع
وهذا ما احفظه لشاعرنا حليوان بن مديعج ومن لديه قصايد لحليوان يضعها هنا
وهذى قصيده غزليه له
يا ياه ماني طيب ٍ واتعشا=عشاي هرجة جادل ٍ عند ساره
الراس من زين العطايا يرشا=مفقود
يا ونتي ونة قريص ٍ يغشا=و إلا كسير ٍ ولموله جباره
واعوي كما ذيب ٍ ليا ضيّع الشّا=ويعطّله صوت ٍ على راس قاره
وأنشهدني ياهلي مستغشا=غش العراق اللي تجيكم أذكاره
وهذى ايضاً احدى قصائده الغزليه ولا احفظ منها سوى بيتين
يا ليتني ورع ٍ غرير ٍ صغيّر=كبر علي والا بعد منه وأدون
عشان لاجاني عشيري مسيّر=يحبّني لو القبايل يشوفون
وسوف احاول ان اتذكر ما نسيت من قصائده وأسأل كبار السن عسى أن اجد عندهم شي
من قصائده
وأسعد الله مساءكم وصباحكم بكل خير
موضوع ربما يكون مكرر ولكني لم أجده بهذا القسم
وسبب كتابتي لهالموضوع أبيات نادره لشاعرنا تذكرتها وأنا في طريقي للبيت وحبيت
أن أكتبها هنا لكي تحفظ حيث أن الكتاب الذي كنت أحفظ فيه قصايد شاعرنا حليوان بن مديعج
والشاعر سعود الصقلاوي والفارس والشاعر كريدي بن زابن وغيرهم للأسف الشديد
قد ضاع وفيه الكثير من القصايد النادره التي لم اجدها في كتب المؤلفين من القبيله او غيرهم
سوف أتطرق اليوم لشاعرنا حليوان بن مديعج وفي الأيام القادمه إن شاء الله سوف أتطرق
لشاعر الحرايب سعود الصقلاوي وبعده للشاعر والفارس كريدي بن زابن
هو الشاعروالفارس ابداح بن غانم بن مديعج وقد حضر العديد من المعارك
ومنها معركة النقيره ومعركة رضا ومعركة نقير
وقد كان موجودا ً في خلاف نشب بين الظفير والعوازم سنة 1944 وقد اصيب بكسر في ذراعه
وأنشد هذه القصيد
يالعين وش علمك دموعك خوافي=هذي ثلاث أوجاب ماجاك نومي
حنا فريق ٍ بين سبع اللوافي=وجونا قطين العد لما لمومي
صاح الصياح وقيل ما من عوافي=وقرومهم منا نطحهم قرومي
تبيّنت ما كن على الناس خافي=فيهم دموع ٍ وأعتلنا دموعي
رحنا بالأول مير جاله مكافي=كن الحسيني للسعيدات يومي
من بان بالفرقا فراقه عوافي=ومن شام عنا يالحسيني نشومي
أنا أحسبه درعن على المتن ضافي=وخلا العلوم الأوله واللزومي
أهوش قدم وطقتي من خلافي=لين الجرايد غاديات ٍ لهومي
ما منهم اللي قال يا (( ابداح )) قافي=يوم ٍ يمنايه مع الربع تومي
أنا ثنالي من ربوعي سنافي=قمدان شوق اللي تحط الرقومي
إبن دريع اللي فعوله تشافي=يوم ٍ ولد اللاش خلا السلومي
حنا مواقفنا تراها تشافي=جهيلنا تركض مراكيض رومي
بمضمنات ٍ يرعبن الخفافي=طريحهن يا جل دمه يزومي
وحنا لكم سم ٍ على الكبد صافي=سم ٍ من الهالك عليكم يزومي
ربعي كما سيف ٍ نصابه زرافي=يفرا اللحم لو كان دونه هدومي
ترى الليالي تصتفق بالخلافي=يجيبك الله ياخبيث العلومي
في ساعة ٍ ماعندك أحد ٍ يكافي=عليك مذلوق الجناحين يومي
وأنا بريت ولا بجسمي خلافي=واللي بعمر الآدمي ما يدومي
قمدان هو الفارس قمدان بن مبرك بن دريع
وهذي القصيده قالها في معركة رضا
وردنا على عد ٍ سقاه الدبا ودهور=وساعة وردنا والبيارق تبادينا
وصاح الصياح وشبهر الورع والغندور=على فرع الأرض ولا بنينا محاجينا
ونطحنا البيارق والدهينه وبن مشهور=بصنايع قريز ٍ تلتعج في يمانينا
ركضنا عليهم ركضة ٍ وأعتزى المسطور=يوم الخيل تدفع وأشهب الملح كاسينا
لعيناك يا شعل ٍ تلافت على المقهور=ذعرها الصياح وتلتفت في عزاوينا
طعنّا لعين فاطر ٍ خلفها مصرور=لبنها عن الزاد المسمّى يعزينا
وبالك تهج الزمل يالجادل الغندور=وخلي الزمل ثم انهمينا بأسامينا
وأحذرك عقب اليوم عن عشقة المثبور=عن اللي ليا جت لقوة ٍ يدّرق فينا
وعدّ الجنايز وأعرف الكون يامنصور=وهذا جزا من زارنا عند أهالينا
الدهينه هو مقعد الدهينه أخو حسنه أحد أمراء عتيبه
بن مشهور أحد أمراء عنزه
وهذى القصيده أيضا ً قيلت بمعركة نقير
قم أطلب الله يالشجاع بن مانع=في طلبة ٍ جعل الولي يستجيبها
أنه يعاونا على من نوانا=يا مظهر الغواص من غبيبها
وقم شيّد المثلوث في راس قاره=وضو ٍ لطرشان الخلا تقتديبها
يا سربة ٍ جتنا تنازع بغلمه=ولها ديون ٍ عندنا تدعيبها
ويا مزنة ٍ جتنا شديد ٍ نوّها=والمسعد اللي ما يحاضي لهيبها
من شقّت الأنوار الى رونق الضحى=فيها البنادق ما يهوّد نحيبها
حنا حنجنا دون سمحات اللحى=وهم كما بزون ٍ بعيد ٍ مقيلها
جونا مثل سيل ٍ يتبع النحو=وحنا جبال ٍ جنّب الما شعيبها
وجونا مثل مهب الشمال بيمّته=وحنا كما ليليةٍ ماسريبها
ياكن تناخينا بطراف بوشنا=لجّة حدابيرٍ غريف ٍ جليبها
وش عذرنا من دون شعل ٍ عقّلت=موارث الجدان ما ينصخيبها
تسمّعت حس الصياح وشوّشت=وتوحي عيال ٍ عندها تعتزيبها
من ذل منكم يالنشاما يفتكر=لاجت ورى الأجناب يامن يجيبها
تباشري بالفك يا حم الذرا=في ساعة ٍ ما ينتداوى صويبها
تنطحوا حام الرصاص وحومروا=وبقعا على العربان يومي سبيبها
ياكن جضع قومهم من قومنا=خشيب طلح ٍ في مثاني شعيبها
كله لعين أنثا تلافت فينا=طوال ٍ غواربها وحلو ٍ حليبها
ما أزين تهزعها بوادي الحيا=ياقامت الورقا تنادي صيبها
وكله لعين كل هرجة مجلس=ناس ٍ توديها وناس ٍ تجيبها
وكله لعين كل دلة سنافي=حلو ٍ طعمها ما ينقّع سريبها
وكله لعين كل بنت ٍعانس=بيض العواتق ما لهجها صيبها
خير ٍ على الجيران بالطيب والصخا=ولانهّضت حجانها لصحيبها
ونعم بولد القويعي غلمه=نطاح للقوات ياما بليبها
ولد غياض مثل تارس الهوى=يادرعنا الضافي على ما يصيبها
والكثر ما سر الجراد اليا أنتشر=أرهى على الدنيا ولا ينرهيبها
وراحت مجاريهم مع السيف وأشملت=ناس ٍ نوت فينا بنو ٍ نويبها
بن مانع هو الفارس والأمير مبارك بن مانع الملعبي أمير الملاعبه
وهذى القصيده أيضا ً في معركة نقير
ياراكب اللي للرسايل تودي=مافوقها كود القلص والورادي
بانت فوايها بقو ٍ وسدي=ولا دقها زور الجمل بالهدادي
مع طلعة النجمه ركبها مقدي=من الطف تركبه خشوم الحمادي
قال لي مادل الدرب رس ٍ وعدي=قلت أقطر الممشى ولا انته بغادي
يجنك الأخبار من كل بدي=ناس ٍ معاوشها بذاك البلادي
بلاد شيخ ٍ للقبايل يصدي=تكفكف الأطراف ياقيل عادي
عبدالعزيز اللي كمامه معدي=يا زبن من صكت عليه الأيادي
ما يعتدي مثل القمر مجرهدي=ولا ينرقي ضلع ٍ خشومه حدادي
النادر اللي بايمن السر هدي=ما يخضع الا في جمال الهدادي
وأذكر لك الله في مواريث جدي=يا عقلوا ذرعانها والعضادي
قل له ترى اللي بالخراجي تبدي=تهرجوا فيكم بهرج ٍ وكادي
خانوا بعد عفوك وجوني بخدي=وجموعهم تشبه عمود الجرادي
وحنا حديناهم عن البوش حدي=بمضمناتٍ مع قروم ٍ نوادي
كم واحد ٍقدام ربعي يكدي=وهذاك نار وعبرته بالفؤادي
(( والشيخ )) لولا صدته يوم صدي=خطر ٍ على بيضه تصك الحدادي
وراك ياطير السعد ماتهدي=((ياشيخ )) ماتركب عذود الشدادي
بالقيض نرجيكم وبيّح بسدي=واليوم هب لك الشتا والبرادي
ياشوق من ريحه زباد ٍ يندي=ومسك ٍ ينثّر عنبره بالوسادي
ياعل ما حظك عليك متردي=وعسى لكم في عرش ربي منادي
كلمة الشيخ الاولى يقصد بها فيصل الدويش
اما كلمة شيخ الثانيه المقصود بها الملك عبدالعزيز
وقصائد شاعرنا وفارسنا حليوان بن مديعج كثيره ولكن للأسف نادرا ً ما نجد من يحفظها
وهذى بعض قصائده بالغزل والسموحه على التقصير لاني مثل ما ذكرت لكم
ان الكتاب اللي كنت جامع فيه قصايدهم للأسف الشديد ضاع
وهذا ما احفظه لشاعرنا حليوان بن مديعج ومن لديه قصايد لحليوان يضعها هنا
وهذى قصيده غزليه له
يا ياه ماني طيب ٍ واتعشا=عشاي هرجة جادل ٍ عند ساره
الراس من زين العطايا يرشا=مفقود
يا ونتي ونة قريص ٍ يغشا=و إلا كسير ٍ ولموله جباره
واعوي كما ذيب ٍ ليا ضيّع الشّا=ويعطّله صوت ٍ على راس قاره
وأنشهدني ياهلي مستغشا=غش العراق اللي تجيكم أذكاره
وهذى ايضاً احدى قصائده الغزليه ولا احفظ منها سوى بيتين
يا ليتني ورع ٍ غرير ٍ صغيّر=كبر علي والا بعد منه وأدون
عشان لاجاني عشيري مسيّر=يحبّني لو القبايل يشوفون
وسوف احاول ان اتذكر ما نسيت من قصائده وأسأل كبار السن عسى أن اجد عندهم شي
من قصائده