مليت من لندن عساها للافلاس

[راشد بن مريعيه]

في شارع اجور رود وفي زحمة الناس= سجيت رجلي لين جيت الحديقه
وعودت مع دربي وبالقلب هوجاس=يسوقني واحس بالصدر ضيقه
يسوقني سوق الركايب بالاطعاس= في يد منجوم ٍ مضيع طريقه
سلطان ضاقتبي عريضات الارماس= جروح قلبي بالحنايا عميقه
ضاقتبي الديره تقل مابها اوناس= من ضيقتي طالت علي الدقيقه
مليت من لندن عساها للافلاس = ما ليبها يا جعلها للحريقه
لو كان فيها العشب ينبت على الساس= وفيها الشجر كاسي وضافي وريقه
ما جيت انا يا ابوك للخد عساس = رجلي على جيتك ماهي طليقه
جابتني امك يا بعد كل الاجناس= جدتك تسوى عند ابوك الخليقه
ملحق جزاها لو كسا الشيب بالراس= يابوك جاك العلم جتك الحقيقه