(( إن غداً لناظره قريب ))

[محمد]

(( إن غداً لناظره قريب ))

.
.
.



انا غريب اطوار! مدري هالغرابه فالزمن؟!! = احسّ في بالي كذا شي. وعجزت اعبّره

انا على صهوة جواد بدون سرج ولا رسن = والمقبلات من السنين بكل حال مدبّره

اقول يا دنيا من انتي له!! تجاوبني لمن.؟ = واسحب نفس واكتم نفس وارفع يدي واكبّره

سبحان منهو اودع التفكير في راسي ومّن = لا قلّت الدبره على العبد الفقير يدبّره

اللي خلاف ( السدّ ) كايد. ما عليك من العلن = حتيش لو قد قلتلك صدري بيَدك مشبّره

ابلشتني بإن ( غدًا لناظره ). وإن غداً = هالحين شف لك حل في نفسك وكسرك جبّره

كنت انظرك( بلقيس ) والباقين مثل اهل اليمن = فجأه تهآوى العرش. واللي من غلاك مزبّره

صحوه.. كما الاسلام في عزّه( لعبّاد الوثن) = ريّح مراسيلك ومندوبك وقلبك خبّره

ما عاد يغريني غرورك والمحاسن والفتن = النفس فاطمها( بتقوى ). والفؤاد مصبّره

بعت الحياه وبعت معها ناس في ابخس ثمن = على يقين ان آخر الصفوه تجيك مغبّره

قلت اشتري مرضاة وجه اللّه واشريلي كفن = واشوم عن شيِ بقا بالصدر كنت معبّره