بعض القصائد عن القبيله الجزء الاول

[محمد عبيد]

خيّال صبحا



كل القبايل ما نسفه جنابها=نعمين في شيبانها مع شبابها
عدنان مع قحطان للطيب كلها=قحطان صايبها وعدنان صابها
وانا مهيضني يالاجواد فعلٍ=لللابة اللي باللقا يعتزا بها
يوم الشريف اللي بحيله وحيلته=حوّل يبي حرب الرجال وغدابها
حتى تهيّض باللقا من فعلوهـم=وقصيدته مما حصل فيه جابهـا
عوازمٍ من ساسهم منبع الظفـر=قصيدةٍ مطبوعـةٍ فـي كتابهـا
وفي نجد سبع ابواع محلا قليبنا=وحلالنا يسرح بها مـا يهابهـا
وخيّال صبحا عزوةٍ نعتزي بها=يوم احتمينا فاللـوازم هضابهـا
وكم وقعةٍ لو كان نبغـا نعدهـا=في دفتر التاريخ يحسب حسابها
وكم شيخ قومٍ يوم بارت فعايله=خلوه ربعي مندفن في ترابهـا
افعالهم يدري بها كل مجتهد=ولا ردي المعرفه ما درابها


[line]



عطا بني عامر


ياهوين وش عندك تسب النشامه=اللي عــن هروج القفا منك ساهين
اهرج على اللي ما يعرف الفهامه=ولا كثير الناس ياهوين واعين
ومن لا يجوّد فالبعير وخطامه=حنا نجوّد له خطام وبعارين
ومن لا يثمن يالعصيمي كلامه=يخرج عن المله ويخرج عن الدين
والادمي عيبٍ يقل احترامه=لحيث اهو من طين والناس من طين
والخوض فاللي ما تعرفه غشامه=وسرجٍ على ظهر البقر منظره شين
لبّست نفسك يالعصيمي عمامه=ونصّبت حالك من ثقات البلادين
رفعت لك هامه ووطيت هامه=وسويت لك علمٍ بليا قوانين
علم النسب صعبٍ عليك افتهامه=قليل عرف ولا تعرف العريبين
ما هيب ياضعيف الجدا لعب دامه=ولا كلامٍ نقّلوه الوراعين
علم النسب دونه رجالٍ شهامه=معهم على ما ينقلونه براهين
قصيدتك بنحطها بالقمامه=ونجيك فالجاسر وقول ابن جبرين
عطا بنـــي عامر هوازن عمامه=مدونه ياهوين وسط الدوانين
عوازمٍ يــــــــــــوم القبايل خصامه=حيين مـــــن عرض المناعير حيين
وترى العوازم محتمين الجهامه=من عام الاول يال(.....) لهالحين
وملبوسنا ياهوين تاج الزعامه=حتى ولو انا من الهند والصين
وافين من (عامر) رفيع المقامه=وغير اصلنا بافعالنا دوم وافين
واصغر دليل انا رجالٍ نشامه=نكرم عتيبه عن سواياك ياهوين

[line]


العطوان



لا صــــار كلــــن يفتخـــر بالقبايـــل=لي لابتــن مـا يجلبــون الفشايل
هم ربعي العطوان كسابت الطيـب=عـوازمٍ تعــرف بــزيــن الفعايل
مـــن اطيب العربان صفـــوة هـوازن=تشهـد لهم بالطيب كــل القبايل
تاريخهـــم معروف ماضـي وحاضــر=وتشهد على ما اقول كل الدلايل
عاداتهــم بالضيــف وان كـان سيـر=يكــرم ويبشــر بالعلـــوم الجزايل
كل العــوازم مــن رجال الشجـاعه=نقالـــت الــــرايه علــى كل عايل
عدوهـــم ملــزوم تكثــــر جـــروحه=ومـن حارب العطـوان جته العلايل
عــز وفخــر لا قلت ربعـي عــــوازم=قلتــه وقبلــي قالهـــا كــل قايل
هم عزوتي نسـل الرجـال المناعير=يفداهم اللي ما يعــرف الحمايـل
خويهـــم يحشـــم يعـــزون شانـــه=محسـوب منهم لو يكيلــون كايل
باسم القبيلـــه يارجــــال الحميه=الاد عطا وان حــال بالجـــو حايل
من عانهـم ما ضاق لا شـان وقتـه=عنـــده ولـــو زادت عليـه الهوايل
قلته وانا مـن نسل ناسـن كريمين=جدانــي اللمعــان زبــن الدخايل
جـــدي حزام العز معــروف جـدي=اللي بوقت الضيـق للناس شايل
ولي الفخر لا صرت من ترثت عبيد=اللي بوقـــت المـــدح للمـدح نايل
عبيــد ابـــوي اللي ورثنـــــاه طيبه=ريـــف الركاب مزبنــــن كل سايل
هذا ولا تقصير في باقــــي الناس=والنعــــم والله في جميع القبايل


[line]

محمد عبيد بن حزام
ابو عبيد
31-8-2007