شرق الصباحـية شمال الحديقه

[محمد مريبد الفهيدي]

البارحـة ياطـول ليـل المشاريـه=بين اختلاف الراي واصل الحقيقـه

الجيب ساري واسود الليـل قافيـه=اهو رفيـق الـدرب وانـا رفيقـه

حركت من شرق الكويت وشواطيـه=اللي على بحـر الخليـج ومضيقـة

مع شارع(ن) غرب البحر زحمته فيه=شرق الصباحيـه شمـال الحديقـة

لا يابحر لو تدري الصدر وش فيـه=مااقفيت من شاطيك والصدر ضيقـة

حدتني ايامـي علـى شـي مابيـه=والمسألـة ماعـاد فيهـا طريقـة

ماغير اروبع من قصيـدي واغنيـه=اللـي مصبرنـي بمـا لا اطقـيـه

لأني ماسمي شـي مانـي مسميـه=ولا احـدث العاقـل بمـا لا يليقـه

اللي يجينـي جعـل ربـي يحييـه=واللي يـروح يسهـل الله طريقـه

لا هاجر رجولـه ولا مقيـد ايديـة=ولا ني زرار(ن) في حلوق الخليقـه

واللي يجيب العلـم واللـي يوديـه=تفـوح لـه دلـه ويغلـي بريقـه

يرسل مراسيلـه وينـدب محاميـه=مبطي يـدور فـي ملفـي وثيقـه

مايدري اني لا احتمى الموقف احميه=واحمي صديقه لو عـدوه صديقـة

تصغر فعوله قبـل تكبـر هقاويـه=ويعيش في طيب الوجيـه الطليقـه

هـذا زمـن مـره مغلـف بحاليـه=وضعوف الانفس بالنمايـم غريقـه

ياموتري قدمك اعـراض المهاميـه=وخلفك بساتين المواصـل حريقـه

للمتـرف اللـي كـل ماقـال لبيـه=يقولها ومن الخجـل نشـف ريقـه

ياحـي ابـو داره وياحـي طاريـه=اللي مـن العـلات يشفـي رحيقـه

عزالله انـي كثـر ماحبـه اغليـه=حبه مثل حـب الكويـت الشقيقـه

واحلى منه مافيـه واللـي محليـه=كله على بعضـه مشاعـر رقيقـه

اشعلت له جمـر القصيـد وقوافيـه=وسهرتله ليـل العشيـق وعشيقـه

وعلمته اسلـوب الغـرام ومباديـه=واشتقتلـه بالثانـيـه والدقيـقـه

حتى اصبحت كل المبانـي مبانيـه=تاريخ وامجـاد وحضـارة عريقـة

الله يغفـر اخـطـاه والله يخلـيـه=والله يحرسه مـن عيـون الخليقـه


تحيـــاتـي لـكم