ماالفرق بين الفارس والخيال

[جراح ارشيد الضرباح]

حبيت اسال عن شي
الي يركب الخيل بالوقت الحالي يعتبر فارس وله خيال
لاني اشوف الناس كلها لاشافو واحد عنده خيل وله شافوه علي خيل قالو هذا فارس

وانا اعتبر الي يركب الخيل لغرض غير الحرب ولا يحمل سلاح فهو خيال وليس فارس
وتعتبر خياله فقط وليس فروسيه

[Knight]

صدقت

الفروسيه صعبه مو اى واحد يصير فارس , لازم يكون رجل شجاع و يتمتع بالفراسه و الرجال تشهد بفروسيته .

ولكن الان بحكم عدم وجود معارك على ظهور الخيل . يستخدم هذا الإسم للاشخاص الموهوبين فى أمور الخيل والفروسيه .

[الغلا ذباح]

ما ازيد على ما قاله القفيدي

[داموك]

الخيال اللي يركب الخيل يسمي خيال وكلمة فريس تنقال للجماعه اللي يركبون الخيل يقال لهم هل الخيل او الخياله او الفريس كلها وحده ويسمي اللي مايركب الخيل عكلي هذا فرق بين الخيال والعكلي بعضهم ياركب علي الخيل مايثبت يطيح لكنه شجاع واشجع من الخيال لاشك انه مهوب علي كل حال يثبت علي الخيل تلقاه يثبت علي الذلول ولايثبت علي الخيل لان الخيل ماتثبت تعود خلاف وتميل يمين وترفع رقبتها ماتثبت اما الذلول ممشاها واحد

قولت فليح ولد راجي الصواغ في رضا يوم يكونون عليهم

رجلينا يركض علي القوم ماصد ==وخيالنا الواحد جما دولة اشراف

[الغلا ذباح]

يالضرباح

هذولا خياله والخياله مو شرط انه شجاع

يمشي حاله لو انه شرود عادي

انا الفارس هو من ينطح القوم وشجاع وقاطع

اما اللي الحين يربون خيول هذولا خياله مهب فرسان

[فارس العازمي]

سلام عليكم مو كل من ركب الفرس فارس لا ياقلبي
عبد الكريم الجربه امه عطت واحد فرس الجربه وهو مو فارس لانه قال البيت ولاكن ماعرف الشخص يوم قوم غزت عليهم
قال احدهااا علي السعا وتزبن الضيق تحسبن عليه واحدن
وهذا اللي اقدر اقوله

[فارس العرب]

انا الي اشوفه الخيال والفارس واحد الخيال يعني خيل الفارس يعني افراس يعني كلهم يركبون خيول ينقالهم فارس او خيال

[فارس العرب]

انا الي اشوفه الخيال والفارس واحد الخيال يعني خيل الفارس يعني افراس يعني كلهم يركبون خيول ينقالهم فارس او خيال

[عاشق بنات الريح]

اولا السلام عليكم ورحمت الله وبركاته جذبني الموضوع وحبيت اشارك الخيل مايركبها شرود والخيل تكمل الفارس وعمر الرجلي ماكان فارس الدعوي الحين سهود ومهود والخيل تعتبر رياضة النبلاء والفارس تنطق علي الحليم الشجاع الوفي الصادق والمتواضع الكريم الخيال فقط00000000000000000000000000000000000000000000000 0

[جراح ارشيد الضرباح]

ياجماعه انا الحين ابي اشارك بالموضوع الي حطيته انا
حبيت اقول شي يمكن كان خافي عن الكثيرين منك
الفارس هو الي يغنص ويغزي ويحارب علي الخيل ولديه مهارات كثيره وهو علي متن الخيل
والخيال هو من يركب الخيل بغرض السفر وللتنقل وللهوايه فقط

[المــرتجــــز]

الله يعطيك العافية الضرباح


سمية الخيل لانها تختال من الخيلاء و سمية الفرس لافتراسها الارض حين العدوا

ومن المعروف انة لايختال في مشيتة الا اثنين وهم الفارس اثناء الحرب على صهوة جواده

والعروس ليلة زفافها بكبرياء وشموخ


مالفرق بين الفارس والخيال في

الفارس هو الشخص المدجج بالسلاح وهو من تجتمع فية صفات الفراسه

وجمع كلمة فارس : فرسان و فوارس و فريّـس

والخيال هو الشخص الذي يمتطي صهوة جواده وعادتا ً يكون اعزل

وجمع كلمة خيال : خياله ومفردها خيال او خائل

ويقال ايضا ً سربة فرسان او خياله

ولا اعتقد هناك اختلاف كبير بين التسمية فالماضي والحاضر سوى تغير الزمان والعدة والعتاد


دمتم بخير

اخوكم \ المرتجــــــــــــــــز


:6

[رعاد]

بيض الله وجيهكم على الموضوع وصراحتن اشكركم على الطروحات الطيبه كلكم

وماقصر اخوي المرتجز على الافاده الطيبه وبيض الله وجهك
ونتيجة كالمه مثل ماقالو اكثر الاخوان

الفارس الشجاع الي يغزي ومعه اسحلته ويعرف للكر والفر

واما اللي يكرب الخيل ولا فيه شجاع ولا يعرف الكر والفر بالحرب هذا خيال

واشكركم كلكم على الموضوع واللي عنده فايده لايبخل علينا

[ناصر البواردي]

معنى كلمه خيال اذا كنت تجهل الي على الخيل تقول خيال ولاتقول فارس الانك ماتدري هو فارس او شرود

[الجريان]

الله يعطيك العافيه
شكراااااا

[جراح ارشيد الضرباح]

بيض الله وجيهكم وهذا الي كنت ابي اوصله للي كان يجهل هل شي

[مبارك رشيد بوضريس]

الله يعطيك العافيه

[fayez]

موضوع طيب وحلو منك يا الضرباح
وانا مع كلام اخوي البواردي ولكن عندي زياده شوي
من السهل ركوب الخيل تصبح خيال , ولكن من الصعب ركوب الخيل لتصبح فارس
ولكن من قبل حوالي 80 عام او اكثر ايام الغزواة والحرايب كل من يركب فرس او احصان فارس
لأن من يركب الخيل يكون مستهدف اما الغير ذالك لايمكن يركب الخيل حتى لو عنده ثمنها
وفي ذالك الزمان الخيل غالية الاثمان ودائما الخيل تكون مسفوطه لطرف لطرف اخر .
أما الخيال اوافق كلام اخوي البواردي حين قال اذا تجهله تقول له خيال .
وعندي اضافه وهي الخيال من يعرف مهارات بالخيل اي ركات ويستخدم الخيال في الاحتفالات وماشابه ذالك
الفارس يكون خيال مادام ركب الخيل , اما الخيال لايشترط ان يكون افارس لان الشجاعه في القلب وليسه في المهارات
ومن الممكن ان يكون الشخص فارس اي شجاع من غير الخيل يكون شجاع فارس على المطايا وتسمى باجيش
ودمتم في حفظ الله ورعايته

[شـجاع]

السلام عليكم ورحمة الله وبركاته
حبيت اشارك اخواني بالراي
من يتعلم الفروسية ويتقن ركوب الخيل يطلق علية فارس
يبقى الفرق بالاستخدام اذا الفارس ركب بقصد الركوب ينقال له اخيالة
اما اذا ركب بهدف تحقيق هدف بواسطة الخيل ينقال له فارس
فالفارس نفسه يركب يكون فارس ويكون خيال
ماله علاقة لا بالجراة ولا الشجاعة لان في بنات تتقن ركوب الخيل وماتصير رجال
لان الشجاعة بالقلب قبل الركوب و الجبان مايصير شجاع
وشكرا
وتسلمون,,,

[الغيهبان]

الله يعطيك العافيه أخى العزيز

[أم خالد]

لاوالله مو كل من ركب حصان ينقال عنه فارس
خخخخخخخخخخخخخ
الله يعطيك العافيه وماقصرت علي السؤال الحلو
تسلم ولاهنت
تقبل مروري السريع