ياحبيبي تعبت

[مرزوق الصواغ]

ياحبيبي تعبت وضاع فيك اتعبي=زدت جرحى عذابه يوم توه برا
ويـــن ابـلـقـا عـلاجــى يـاحـلـي الـضـبــي=وانـــت حـبــك بـدمــى ياحبـيـبـي ســــرا
مـنـك حـالـى بـراهـا الـحـب وانـــت اسـبـبـي=مارحـمـت الـخـفـوق الـلــى لـهـرجـك ضـــرا
كـــان نـومــك تـهـيـا لاتـغـبــط اهــدبــي=ماسـتـلـذ ابمـنـامـه عـــاف حـلــو الــكــرا
انـــت مـــن بـــد والله لابـســات الـعـبــي=استحـلـيـت قـلـبـي غـصــب عـنــى تــــرا
والله انــــه سـبـانــى زود حــبــك ســبــى=اسـتـقــر ابـضـمـيـري مـامـعــاه اخــشــرا
فـــى مـحـيـط الـهــوى ضيعـتـنـي مـركـبـي=لاعتـلـيـت ابـسـمــاى ولاوصــلــت الــثــرا
جـيــت ابـشــب ضـــوى مالـقـيـت احـطـبـي=ماحـصـلـى شــبــوب وفــيــك مــامــن ذرا
انتـصـرت بعـذابـي يــوم انـــا بـــك غـبــي=ويــش تبيـنـى اســوى كـــل شـــى جـــرا
ضــاع كـسـبـي مـعــاك ولا خـذيــت اطـلـبـي=يــوم غـيـرى بـسـوق الـحـب بـــاع وشـــرا
شـتــت الـحــب فـكــرى مـاعـرفـت اشـتـبـي=كــل شـيـن فــى بـالـى عـقـب صــدك طــرا
اخـتـلـف مـذهـبـك مـانـتـه عـلــى مـذهـبـي=اتــقــدم بـحـبــك وانــــت تــرجـــع ورا
دون نـظــرت حـنـانــك لاتــشــد اعـصـبــي=كــان قلـبـك عــن الـلـى صابـنـى مــادرا