أبشر بعزك يا مساعد

[ناجي]

السلام عليكم ورحمة الله وبركاته



صبحكم الله بالخير جميعاا



قصيده موجهه للاخ العزيز الشاعر : ناجي بن سودان العازمي



بسم الله الرحمن ابدي جوابها = نفس ٍ ٍ من الايام شافت عذابها

من عقب فرحتها وضحكات سنها = سود الليالي كشرتلي بنابها

من حال في حال ٍ ٍ تردى نصيبها = واليوم نفسي بيحت من صوابها

ياراكب ٍ ٍ من عندنا فوق داربه = حايل رباع السن ما شق نابها

مني لابن سودان بالحال حملت = مضمون نفس ٍ ٍ بيحت في خطابها

النفس من جور الليالي تكدرت = تجرع مرار ٍ ٍ فوق كبدي سطابها

إليا بغيت اسلا واسلي مع البشر = قامت تدق طبول بقعا احرابها

عامين والثالث تقفاه رابعه = واربع مع عامين شبت اشبابهاا

اسنين من بين الاطالب تتبعت = ياكن حرب الزير هبت اهبابهاا

عام ٍ ٍ اصدربه وعام ٍ ٍ اورده = وعام ٍ ٍ يجي ما بين حيه ودابهاا

بينت يا ناجي على كل ما جرى = في نفسي اللي كل هم ٍ ٍ سعابهاا

واسبابها هي عنطموس ٍ ٍ وفاخره = متسيده بالغي عالي هضابهاا

كل الملوك تشيد في غي حسنها = في ديرة النهرين كل ٍ ٍ حكابها

تضفي على بلده وبعواء تنصفت = وشرطين باخرهاا والانوا كتابهاا

وفي جملة الابجد نوينا بعدهاا = وبحسابها ماغاب عنها اعرابهاا

ميتين مبداهاا وبـــأول حروفهاا = وبالاربعين يتم واحد احسابها

وبالخاء نبداها وبالكاف تسلسلت = وبالواو ننهيها ويكمل اقطابهاا

درسعتهاا بالحرف واخفيت سدها = وبينتها يا أديب وفكيت بابهاا


وتـــــــــــــــــمت




مساعد


مع التحيه إليك أخي الشاعر / مساعد

ردٌ على قصيدتك ياناجي أفزع ارجو ان اكون قد وفقت في الرد



هدأ الليل وألهمت المشاعر كتابها= وحسستها فيما طرقها وجابها

وعطيتها من هاجسي ما يشدها = ويمدها ويعز حضرة جنابها

خيال به الخايل يخيّل مخايله =نبا في المخاييل وسما في ظباابها

بعد ما ذكرت الله في معتم الدجى = ورقد من رقد والسهر عيني لقابها

رحابه وماوى انس وانساح خاطره = بعد ما أستلذ بطرف عينٍ لجابها

وسويت لي فنجال اشقر بحضرته =لانه صديق و صحبته مادرابها

وطلبت الهجوس اللي لهاعام غايبه=اللي بها لغز الحياة وجوابها

وأخذت القلم من نون ياحيي حيها = مايسطرون وحي شخص قرابها

وعطيته حروف الضاد لكفوف ملهمه= على كفها ينقش خضاب زهابها

اجيها وانا ضايق وتنفك ضيقي = وتجيني وأصافحها وتضحك اعذابها

لها سري المكنون لاجيت ابوح به= رعى الله عذراً سرها ما سرابها

هلا بالفضاء واهل الرضى وأول النضاء= على سرعة أنتر والمحرك عدابها

وهلا بالذلول اللي لفتني منجبه = نجيبه منجبها نجيب نجابها

نجيبه وقطاعة فيافي وسابحه = فجوج الدياراللي تطارد سرابها

لفتني ضحى الأتثين وانساح خاطري= وانا خاطري منساح للي مشابها

جنبْها فهد وابو لمى وأحمد الولد,= وحمد جد من قاد الجموع ونصابها

ثمانين ساعه سيرها في طريقها=وثلاثين في واحد مدى ما نحابها

مشت عن سموم القيظ مع نثرة الحيا=قداها الخبير اللي قدى والتوابها

منجوبة جت من مساعد موجهه= مندوبة مخصوصة ف انتدابها

عليها رسالة ود وصلت مظرفه = وشكوى من أحداث السنه وانقلابها

ما يكفي انه من عطا حي عزوته = العزوة اللي عزها من عزابها

يشكي ولاحدد لي الدور بالمثل= على شأن يعرف قومتي لاانتخابها

ياشكياً من هم بقعا وشرها = ما تدري ان المهتني ما بقابها

ترى الله قال انه خلقنا من النكد = أخذ طيب الدنيا وصاحب إلبابها

والعسر معه اليسر والضيق بالفرج = الأيام ماتركد ويصفي شرابها

توكل على الله واجمع العزم والنجم = ولاتشيل هم اللي هواها هبابها

تخير من اوجيه الوفاء حاجب الندى=بعيد المدى لاصار فيها ومابها

يسرك بقوماته وعزمه ومذهبه= تبيد السنين وهمته بأكترابها

وانا مألومك في هواء من عشقتها=الومك على الذكرى بصفراً غدابها

نصيب كتبها حال بيني وبينها = توسمتها بالخيل والدل آدابها

صفراً لعوب يناصد الريح عرفها=تفز القلوب لغيها وانتصابها

اهاوي بنات الريح كله من أجلها= ألا ليتها الفرقى على من نوابها

حسيبي على هاك النهار الذي مضى=مضى ما انقضى كم ليلة ما انتهابها

وحسيبك تذكرني وانا الشوق ذاكره = سرحت الفياض وسندت بي اشعابها

تفكرت في قيصومها وزين نبتها=وانفاس يشموم الهواء في رحابها

ترى هاذي الذكرى وهاذي رسالتي= رعى الله عين صبت الماء عبابها

ضربت المثل حيث المثل يعطي المثل= لعلك تفوز بقربها عن غيابها

وانا ما اكشف الخافي ولا ارمي بصاحبي=على غبة حيتانها في غبابها

خفيتها بالدرسعي لين ابجدت= وصبت على انواها بوادر سحابها

وزهى وردها من حين شميت نبتها= ريحانها ماينتهي يبتدابها

تعديت حرف الخاء على شان خاطره= ودخلت الكويت وشفت شامخ اقبابها

ولقيت الرجال اللي عريبه جدودها= وامجادها ينبيك عنهامصابها

على شان تقرأ خافي السر بالورق=على شجرة الريحان صكيت بابها
ناجي العازمي