ذاكــر المعــروف

[مبارك الحجيلان]

إذا الذكرى غدت حلمي ملاذي واروع اوراقي = ابثني للزمن وصـلك رغم فرقاك بالتقديـر



ولا باقي سوى حــــبر (ن) يخـــط القــاف باشواقي = ولا ميت رغم موتـه ذكركم باسهل التعبيـر



ولا شمــس (ن) تبي ظـــلك دفــعها وقت الاشراقي = تـريث واقبل ابيـاتي عساهـا تخلـق التأثيــر



علـــيكم لو بدى مني نهايـــة عصرك البـــاقي = ترى مقطع جزى وقتك لو امدح ينقص التفسير



ابكــــتب لو عــواذلـــنا عجبهم متــــعة فراقي = انا والله مـن طيبك لو ارسـم عــنـدي التبريـر



انا والله يكـــــفيني لو اني غـــــبت تـــــشتاقي = وانا ادري للسجين احلام تحقق لحظة التحرير



مطرنا مــــرر أشواقه حـــــوى خير(ن) وبراقي = وانا ودي إذا ودك تشاهـــد متعــة التمريــر



تــــذكر طيبة أمواجـــــك حنان مات بغـراقي = تبيني أنسى...يا كيف أنسى وأبيع الزود بالتقصير



صفـاتــــك ذوق للشــيمة إذا بالشيمة اذواقي = وغلاتــك شوق للوافي إذا كان الوفا تصويــــر



ألا يا ذاكر المعروف قلبـي للـــوفا بــــاقي = ولا خير(ن) بهاالدنيـــا.....إذا كان الهوى تحذيــــر



ترى من ينكر العشرة بليد شعور ســـراقي = وترى من يذكر العشـره صفاته تشمل التقديــر