الذيـــــــــــب يا ذيـــــــب

[سالم الجلاوي]

http://biology.plosjournals.org/archive/1545-7885/3/4/figure/10.1371_journal.pbio.0030132.g001-L.jpg


من قول الشاعر براكات الشريف ينصح ابنه مالك
ونصائح رائعه ... اتمنى أن يستفيد بها الكثير

[line]

يالله ياللـي كـل الأمـات ترجيـك

يا واحـدٍ ما خـاب حـيٍ ترجـاك

[line]
يا مرقبٍ بالصبـح ظلّيـت اباديـك

ما واحـدٍ قبلـي خبـرتـه تعـلاك

[line]
وليت يا ذا الدهر ما اكثـر بلاويـك

الله يزودنـا السـلامة مـن أتـلاك

[line]
ياللي على العربـان عمت شكاويـك

وليت يا دهـر الخطـا ول مقـواك

[line]
واليـوم هالكـانـون غـادٍ شبابيـك

تلعـب به الأريـاح من كل شبـاك

[line]
يا مالك اسمع جابتـي يوم أوصيـك

واعرف ترى يا بوك بامرك وانهـاك

[line]
وصيـةٍ مـن والـدٍ طامـعٍ فيـك

تسبق على السـاقه لسـانه لعليـاك

[line]
أوصيك بالتقـوى عسى الله يهديـك

لهـا وتـدركـها بتوفيـق مـولاك

[line]
الله بحـق أجـدادك الغـر يعطيـك

رضاه مع كل ما تمنـى من امنـاك

[line]
احفظ دبشـك اللي عن الناس مغنيـك

اللي إلـى بان الخـلل فيـك يرفـاك

[line]
واعرف ترى مكـة ولاها ابن اخيـك

لو تطلبه خمسـة دواويـن معطـاك

[line]
اجعـل دروب المرجلـة من معاليـك

وادراج سيّسـها على العـز مرقـاك

[line]
لا تنسـدح عنـها وتبغينـي أعطيـك

جميـع ما يكفيـك ما حـاصـل ذاك

[line]
احـذر امـر ليعـات أبيـها لتاليـك

ايضا ويرخص عنـدها قدر مـأواك

[line]
أدّب ولـدك إن كان تبغيـه يشفيـك

واستسعفـه من بعـد مربـاه بـالآك

[line]
أما سمـج واستسمجـك عند شانيـك

ويفر من فعلـه صديقـك وشـرواك

[line]
وإلاّ بعـد جهلـه تـرى هو بياذيـك

لـو زعلـت أمـه لا تخليـه يـالاك

[line]
واحذر تضيع كل من هو ذخر فيـك

معروفه لا تنسـاه واوفـه العرفـاك

[line]
ترى الصنايع بين الاجـواد تشريـك

إلـى طمعـت بركزهـا لا تعـداك

[line]
واحذر سرور بغبة البحـر يرميـك

ولا عنده افلس من تجزعك وابكـاك

[line]
واوف الرجال حقوقـها قبل تعنيـك

لا تعتمـد بالعفـو فـالحـق يقفـاك

[line]
وهرج النميمة و القفا لا يجـي فيـك

واياك وعرض الغافـل اياي وايـاك

[line]
تبـدي حديـث للنـاس فيه تشكيـك

وتهيم عند الناس بالكـذب واشـراك

[line]
واذا نويـت احـذر تعلـم بطاريـك

كم واحد تبغي به العـرف واغـواك

[line]
واحذر شماتة صاحب لك مصافيـك

والى جـرا لك جـاريٍ قال لـولاك

[line]
ولا تحسـب إن الله قطـوعٍ يخليـك

ولا تفرح إن الله على الخلـق بـداك

[line]
إن اشتـهى حط الطمـع في تواليـك

لو ما لقيتـه يا فتـى الجـود يلقـاك

[line]
والضيـف قـوم لـه حيـن يلفيـك

مما تنوشه يا فتـى الجـود يمنـاك

[line]
اكرم قبالـه فانـها مـن شواديـك

وابـذل له المجهـود ما دام يعنـاك

[line]
واحذر تلاقي الضيف مقرن علابيـك

خلـه محـب لك صـديق إذا جـاك

[line]
وأوصيك زلات الصديق إن عثا فيـك

ما زال يغطاها الشعـر فاحتمـل ذاك

[line]
راعـه ولـو ما شفـت انه يراعيـك

عسـاك تكسـر نيّتـه عن معـاداك

[line]
واحذر عـدوك لو بقا بي يصافيـك

عود الجنـا واطعنـه حينـما جـاك

[line]
لا تامنـه فاطلـب مـن الله ينجيـك

ويكفيـك ربـك شــر ذولا وذولاك

[line]
شفنـي أنا يابـوك بآمـرك وانهيـك

عن التعـرض بين الاثنيـن حـذراك

[line]
وإذا حضـرت طـلايبٍ مع شرابيـك

اسـع لهم بالصلـح والـلاش يفـداك

[line]
ابـذل لهـم بالطيـب ربـك ينجيـك

لا تجضـع الميـزان مع ذا ولا ذاك

[line]
أمـا الشـهادة أدّهـا إن دعوا فيـك

بيّن عمود الدين لا عميـت اريـاك

[line]
بالـك تماشـي واحـد لك يرديـك

طالع بني جنسـك وفكـر بممشـاك

[line]
رابـع أصيـل في زمانـك يشاكيـك

وإلى شاف خملاتك عن الناس غطاك

[line]
واحذر عن طرد المجفـي حذاريـك

عليـك بالمقبـل وخـل من تعـداك

[line]
ثـم العـن الشيطـان ليـاه يغويـك

تـرى إن تبعتـه للشّـرابيـك وداك

[line]
واوصيك لا تشكـي علينـا بلاويـك

أنت السبب اخـذك عيـونك بيمنـاك

[line]
واعرف ترى اللي وطا الفهر واطيك

ولا أنت أعز من الجماعة هـذولاك

[line]
المسك يا راسي عن الذل واخطيـك

واحـذر تكلـم يا لسانـي حـذاراك

[line]
والطف بجـارك ثم قم دون عانيـك

وافطن إلْما يعنيك عن ربعة أخـواك

[line]
يا ذيب وان جتك الغنـم في مفاليـك

فاكمن إلى حيـث الـرعايا اتّعـداك

[line]
مـن أولٍ يا ذيـب تفـرس بياديـك

واليوم جا ذيبٍ عن الفـرس عـداك

[line]
يا ذيب عاهدني وأعاهدك ما رميـك

مرميك أنا يا ذيـب لو زان مرمـاك

[line]
والنفس خالف رايـها قبـل ترميـك

ترى لها الشيطـان يرمـي بالادراك

[line]
ومن بعد ذا لا تصحب النذل يعديـك

وعن صحبة الأنذال حاشاك حاشـاك

[line]
ترى العشير النذل يخلـف طواريـك

وأنا أرجي إنـك ما تجي دون آبـاك

[line]
والهقـوة انك ما تجـي دون أهاليـك

ولا ذكر عود الـورد يثمـر بتنبـاك

[line]
والحر مثلك يستحي يصحـب الديـك

وان صاحبه عاعا معاعات الاديـاك

[line]
لا تستمع قـول الطـرف يوم يلفيـك

بالكذب يقضي حاجتـه كل ما جـاك

[line]
من نـم لك نـم بك ولا فيه تشكيـك

والاَّه قــد أزرا رفيقــك وأزراك

[line]
عندك حكا فينـا وعنـدي حكا فيـك

وأصبحت كارهنـا وحنـا كرهنـاك

[line]
ما اخطاك ما اصابك ولو كان راميك

واللي يصيبك لو تتقيـت ما اخطـاك

[line]
مير استمع منـي عسـى الله يهـديك

النصـح يـا مـالك لك الله مـولاك

[line]
عنـدي مظنـة مـا تمثلتـها فيـك

واطلب لك التوفيـق من عند مـولاك

[line]

[الشمعول]

صح السانك اخوي سالم الجلاوي ومشكووور على المجهود الرائع المميز ;)

[mech-eng]

قصيده رائعه وفيها من النصائح الشي الكثير وشكرا

[احمد العازمى]

قصيده رائعه ومشكووور على المجهود

[سالم الجلاوي]

العفو ومشكورين على مرور
تقبلوا تحياتي