سالم بن جمعان (اباالظهور)

[شاعر زمانه]

هو الشاعر سالم بن جمعان الدواي عم الشاعر سالم بن تويم الدواي لقب با الظهور قيل انه لطول قامته وقيل انه سبب هذه التسميه هو انه قد كسر ظهر شخص واسموه بعدها بابالظهور والله اعلم واتمنى من الاخوه الافاده في مثل هذه الشخصيات والتي قل ذكرها واسمحولي على الاطاله

[اللميعي]

بسم الله الرحمن الرحيم شكرا جزيلا للاخ الفاضل شاعر زمانه على اختيار شخصيه من الشخصيات البارزه في القبيله والتي سجلة بذاكرة ابناء القبيله ان ابا الظهور عاش فتره قصيره وتوفي وكانت هذه الفتره قبل ظهور الاعلام من راديو وتلفزيون وصحف فاسمحوا لي انت اتطرق له بما اعرف عنه واتمنى ان اجيز في كلامي واتي بالمفيد.
الشاعر هو:-سالم بن جمعان بن سعد الدواي (ابا الظهور) هو اخ لشاعرين بارزين فالقبيله :-
- تويم بن جمعان بن سعد الدواي / والد الشاعر المعروف سالم بن تويم والشاعر عبدالله بن تويم
- عوض بن جمعان بن سعد الدواي /الملقب بـ(عويضه) وهوشاعر مراد من الدرجه الاولى وله قصائد مشهوره على اللسن العامه
ولد ابا الظهور سنة 1890 تقريبا في الكويت وتوفي سنة 1917 اي انه توفي عن عمر 27 سنه
وله قصائد عديده وجميله جدا وهو الابرز من بين اخوته ولكنه توفي صغيرا وفي عهد قديم فساعرض لكم بعض قصائده واتمنى ان تحوز على اعجابكم:-


عديت بالنايفه والنفس مشحونه=واثر المشاريف غربال المشقيني
مريت خدٍ هل الغالي يرودونه=يومٍ حنا واهل خلي فريقيني
ياتويم فرقى الضحى بالله ملعونه=ياشينها يا جرت بين المحبيني
ياتويم راع الموده لا تلومونه=يعل من لام راع الحب للديني
يالعين نيت لطيف الروح ملعونه=مغليه انا قبل يوم الزين يغليني
والله لمشي على غيضك وممهونه=يالعين ياالعاصيه هالحين طيعيني
والله يا مدمج السيقان ما دونه=لا غاب صافي الثنايا من يغريني
يازين فوق النواهد صفة قرونه=شقرٍ على صاحبي غادٍ صفيفيني

وقال في رائعه من روائعه:-




على لطيف الروح عرص بي الفال=قمت اتمنى ليتني كان ما جيت
ياحيس في ليت اريش العين ما قال=والا لقوله ليتني ما توحيت
يا شوق وشعلمك تغثبر على البال=في كلمةٍ لك قلتها يوم قفيت
حسيت فيها بالحشا دابها عال=كان انت راعي تنَةٍ ما تقاضيت
بالعون ما زليت زلة من الجال=مير انت يا ضافي الدليقين زليت
من اولٍ لا شفت زولك بالازوال=اقول لك من بد الازوال حييت
واليوم زولٍ زال من عرض من زال=مع اوسط الازوال مامن تفاخيت
قلبيٍ يحب من ابغضه كله اهبال=والي يعاد الي مصافيه حلتيت

وهناك العديد العديد من قصائده التي لم تحفظ والسبب كم ذكرة ان الوسيله الوحيده للحفظ في لك الوقت هي حافظت الرجال واغلب من عاصروه توفوا رحمهم الله جميعا نسال الله العلي القدير ان تظهر مثل هذه الشخصيات البارزه في تاريخ القبيله وان يساعدنا الاخوان فيما قد يعرفوه او يفيدونا فيها عن هذه الشخصيه وشخصيات عديده لم تظهر بالصوره الصحيحه اسف على الاطاله واسمحولي وسامحوني عن أي زلل

[بدوي]

جزاكم الله خير أخواني شاعر زمانه والهلالي وبيض الله وجيهكم على تطرقكم للشاعر ابا اظهور الشاعر سالم بن جمعان الدواي اللي توفاه الله وهو في عز شبابه.

والقصيدتين الجميلتين اللي ذكرهم أخوي الهلالي يعكسون مدى جمال قصائد الشاعر المرحوم بأذن الله.

ماقصرتوا وبنتظار المزيد والجديد منكم كما عودتمونا

تحياتي
بدوي

[النوخذة]

مشكور اخوي شاعر زمانه على الموضوع الشيق

عن الشاعر المعروف سالم ابا الظهور00

وهو من ابزر شعراء جيله في الجزيرة العربيه 00

واعتقد ان تسميه ابا الظهور نسبة الى طول قامته وذلك حسبما

اوردة الاستاذ ابراهيم الخالدي في كتابه الشيق الالقاب والعزاوي 00

وحسب ما سمعت انا شخصيا من كبار السن والرواة والله اعلم 00

ونتمنى من زميلنا الاخ الفاضل بوحمود المشرف بالمجالس الشعريه

التفضل بتزويدنا بما لديه من قصائد للشاعر الكبير سالم اباالظهور

رحمه الله000

[اللميعي]

حياكم الله اخواني البدوي وشاعر زمانه على مروركم

وتشريفكم وتعليقكم واما بالنسبه للقب ابا الظهور

انا كلامك مضبوط والاخ شاعر زمانه كلامه مضبوط

يوجد من الرواة من قال بهذا ومن قال بالقول الاخر

والله اعلم بالصواب وزياده على هالقولين يوجد قول

ثالث انه يرقى على الظهور اي المشاريف (المراقيب)

اي المرتفعات العاليه والله اعلم بالصواب اخي النوخذه

واشكركم على تعليكم وتواصلكم معنا

[fahd26]

اشكرا اخواني شاعر زمانه والهلالي على الموضوع الطيب والله يعافيهم ولاهنتو

وتقبلووو سلامي

[ابوحمود]

بسمالله الرحمن الرحيم اشكر الاخ شاعر زمانه على اثارة هذا الموضوع
والشكر موصول للاخوه الاعضاء على مشاركاتهم الطيبه والوافيه واشكر اخوي الهلالي على القصائد التي عرضها لنا والمعلومات القيمه التي اتحفنا بها والاخ النوخذه على التوضيح عن معنى ابا الظهور فكم قال اخوي الهلالي ان هناك ثلاثة اقوال والله اعلم بالصحيح منها وان الاخ الفاضل ابراهيم الخالدي قد اشار في كتابه الالقاب والعزاوي الى ان هذا اللقب سببه طول قامة الشاعر رحمه الله فهذا الكلام قريب من الحقيقه فان الشاعر سالم ابا الظهور طويل القامه وكذلك اخوته وابناهم الي يومنا هذا ذوي قامه طويله ولكن ارجع واعيد الى ان العلم عند الله بالسبب الحقيقي وهذه اقوال نحن نجمع ونرجح ما نراه اقرب الى الواقع واما بالنسبه للقصائد فحبيت ان انقل لكم هذه القصائد وهنا اريد ان انوه الى ان هذا الموضوع ينفرد به منتدانا كون ان الشاعر لم ينشر له قصائد من قبل



الكبر لله يا الغضى معطي المال=ما عاد تعطي العلم كنك قريزي

ان كان شوفك بارقٍ له برجال =تراي ابلقى واحدٍ عنك ييزي

ما من طهامات ترى الحال بالحال =الفرق في جزل العطايا العزيزي

لا تحسبني يالغضي ضايق البال=نفسي تهقويني قوىٍ حزيزي

مير اشره عليك بكلمةٍ مثل من قال=كلمه تخلي الكل منا بريزي


وهذه ايضا :-




صبرت امس واليوم صبري تلزى=مير الشي باكر وباجي الليالي

أنا كل مابي سبايب تهزى=تهزيت بالحب والله شفى لي

أنا اول عذابي معرفة معزي=أنا اجنبت واهله نحويه شمالي

حلي الحبيب فريدٍ يفزي=ليا صاعه الريح والدو خالي

خدوده تشاد القمر يبره هزى=ليا جاه نسناس والغيم جالي

أنا اشوف حالي بدابه تمزى=تمزى من اللبس همد الشيالي

صبرت امس واليوم صبري تلزى=مير الشي باكر وباجي ليالي

[اللميعي]

شكرا للاخ ابو حمود على التوضيح وعلى هالقصايد الجميله الي اتحفنا فيها

[بوسعد]

رحم الله الشاعر سالم ابا الظهور

واسكنه فسيح جناته اللهم امين 0

[ابوحمود]

لا شكر على واجب يا اخواني وهذا شايب من شيبانا

ولافيه منه الجهد علشانه

[^^العااااازمي^^]

اللة يرحمك يا سالم وعلى فكرة ترى اخو جدي الشاعر عوض الدواي