فهد بن جافور

[شاعر زمانه]

بسم الله الرحمن الرحيم انا بصدد الكلام عن الشاعر الكبير شاعر الجزيره العربيه فهد بن جافور ومهما كتبت ومهما قلت عن هذا الشاعر فلن اوفيه حقه شاعر علم من مواليد القرن التاسع عشر وهو علم من اعلام الشعر النبطي وله العديد العديد من القصائد وله من اقاربه الشاعر فهاد بن جافور والذي تعلم من الشاعر الكبير فهد بن جافور حتى اصبح ايضا شاعرا ممتاز واتمنى من الاخوه الادلاء بدلوهم بقصائد واخبار هذا العلم الكبير

[بدوي]

فهد بن جافور شاعر كبيير وفصيح وله العديد من الألغاز الصعبه وله ايضاً رديات مع الكثيرين من الشعراء امثال بن فرزان السهلي وله العديد من قصائد الحرب والكثير من القصائد الأخرى.

اتمنى من الأخوان اضافة بعض قصائده حتى يتسنى للقارئ الكريم وخصوصاً متذوقي الشعر منهم أن يستمتعوا بقصائد فهد بن جافور العازمي الهوزاني.

كل الشكر لك أخوي شاعر زمانه
بدوي

[اللميعي]

الله الله الله الشاعر العلم الكبير فهد بن جافور شاعر الكويت الاول والجزيره العربيه والوطن العربي كافه ومن لا يعرف هذا العلم شاعر قدير قصائده في كل البحور وكل الاغراض اود ان انقل لكم بعض قصائده

هذه القصيده في معركة نقير:-




بادي باسم الله ولا غير الله البادي خشير =واحمد الله واشكره عد مارفرف وطار

والسلام اثنيه للورع واخص الكبير =لأهل العوجا مواكر صواريم الحرار

خبر المقرن وكزوا لابو تركي بشير=البيارق سندله وعدوانه دمار

واستوى يوم عبوس على جوبة نقير =قبل نور الصبح ينباج لي وسط النهار

وامطرت فوقه رعود مطرها حشر طير =وبلها مثل الرعد والهوا لاهوب نار

صبح العجمان نوه وضافله مطير=وارتكا تالي خياله على علوه يسار

ما وطا سيله تعشاه دالوبه ضرير=ماخبر مثله بالاكوان بالدنيا وصار

هاشوا المطرا سبحات قدام الأمير =والجنوبي هاش لين اعدمه صلف المثار

وردوا على العوازم وردوهم صدير=صدروا من شوبة الموت قصاف العمار

خابرين فعل ربعي معطشت الذخير =من نهق فسقان حطوا برجليه الهجار

المعقل دونه الموت طيره مايطير=شايط باطرافه الموت شيطات العشار

كن جضع الزلم في نحورهم جضع الهصير =من قنابير المشوك وبالشرف القصار

واوقدوا فيهم بالاحراق يامطفي السعير=لين عافوا من طمع لابتي والكل نار

بشروا سبع الخلا والطيور اللي تطير=بالعشا في جوبة نقير ودوهن خبار

جعل ربعي بالملاقى لهم حظ كبير=جمعهم يركض على الموت لي جاله شرار

ربعي العطوان عز الضعيف والقصير=وان نهق فسقان حطوا برجليه الهجار

لين يرغي ثاوي عندهم عقب الهدير=لي حصله ينطلق همل الفتنة ونار

حلة العجمان ومعقل الراس الكبير=كلبوهن عند ربعي على وضح النهار

يوم جونا بالملاقى وجيناهم نسير=لين ذوب مقدم جموعهم ضرب القرار

قد كسرنا جمع ابو فيصل يومه صغير =وقبل جمعه جمع الأشراف قد جاكم خبار

في رجا الله ثم عبدالعزيز أنه يغير=عند طيحات التشاريب من دار لدار

صار للديرة واهلها وما فيها صرير =من وحم عبدالعزيز ابو تركي يوم ثار

نادر العقبان يومي بمخلابه ضرير=خمرت منه الحباري اليا نهض وطار

سيف ماص شذرته ما يتاقيها الجفير=ما يباع ولا تمده يمينك لليسار

دولته من فعل يمناه ما تاخذ قصير=مالها غير ابو تركي من العربان جار

يتبعونه دولة كما كتفانن يسير =حولت عنده قناصل المناصيب الكبار

لولا بالحكام حبس وحيلي بصير=شاخ في كل الجزيرة وما خذها جهار

ماشي درب المطاعه وعينه للفقير =جعل ربي ينصره كل ما سمى وسار

ودي انيك مسندلي وذخر لي تصير=ياعطا الله منك تغلي ومداتك كبار

يوم تمت هللوا بالذكر اخير =خاتمت قيلي صلاة على سيد البشار



وهذه قصيده له في وصف الكبر :-





باديــن مـرقبـن والشمـس تبغـى المغيب =فــي تجـلا النهــار والليــل قـرب دجـاه
واطلـب للـي عسانـي ياطلبتـه ما خيـب=صـايمـن لـه نصـوح ومجهـدٍ بالصــلاه
يـامقـدي العمى اللي مايشـوف الدربيب =يــوم يمشـي مـع البيــدا يقلــط عصـــاه
فـي شفاعهـة محمـد جعلها لـي نصيــب =يــوم كــلٍ تعــــادل ســايتــه وحسنـــاه
عذبنـــي ثــلاثــه بكــار راحــن ذهيـــب =مــالقـــوهـــن مداويــري غــداً هسـواه
صــوبني على الابهـر صوابن عطيـب =وكســـرن مني الضلعــيـن بــا اول بــداه
اخرن في ضميـري مثـل حاض الهيب =يـاكـل القلـب والمعلـوق حامـي سـنـاه
بوجديـلٍ على الارداف مثــل السبيـب =ذيــــل شقـــرا ذنـــوب كــاسياتيــن قفــاه
لاقفــن مـا يصيـد القايـده مـا يصيـــب =وش يبــي بااتبـورد خيـب الله رجـــاه
والله انــي شـاب وعقـب هـذا بالشيـب =لانسيتــــه ولا أحـــدٍ خاشـــره في غــلاه
اول العمر يطرخ مثل طرخ العسيـــب =مثـــل طـــرخ العسيـــب للــي كنيـن ذراه
العبــث بالجهالــه والــوثـن بالمشيــب =يـــوم فكــر وشاف الشيــب والكبـر جــاه
اول الكبر منه والشوف يدني قريــب =الطـواحـن تفــرق والحــم نــش مـــاه
والنـواضـر تهـدل والـواحي تشيـــب =والقــوايـــم تخـــطا ثــالثتهــن عصــــاه
قــام يطوي بحالـه مثـل طــي القليـب =طي بيرٍ نسع من حـدر واقرش حصـــاه
يـاوصل راس تيمه لـو يساقا حليــب =مــايسـره عــطاه العـود حتمــه عـــــواه

[بوسعد]

رحم الله الشاعر الكبير فهد بن جافور العازمي 000

[السلماوي]

السلام عليكم ورحمه الله وبركاته 0


الشاعر فهد محمد الجافور من اعلام



الشعر بالجزيره العربيه ومعروف بين



كافه القبائل العربيه وشكرا للاخ


شارع زمانه على ذكر هذا الهرم


الشعري الكبير0

[(الفهيدي)]

الهلالي مشكور على سرد قصيدة الشاعر المعروف فهد الجافور ولاكن في اخطاء كثيره ارجو القيام بالتعديل مثل البيت الاول بادي بالله ولاغيره البادي يصير

[بشاير]

يسلمؤؤؤؤؤؤؤؤؤؤؤن ويمال العافية,,

[النوخذة]

رحم الله الشاعر الكبير فهد بن جافور 00

ويعد رحمه الله من كبار شعراء الجزيره العربيه 00

[طـلال الجويعد]

صراحه الشاعر فهد بن جافور رحمه الله من عمالقة الشعر العوازم فهل هناك كتب ومراجع كتبت عنه حتى نستفيد منها؟

[الفارس]

شكرا لجميع الأخوة الذين تكلموا عن هذا الشاعر الذي لن تنجب العرب مثله ، ومن لديه مراجع أو كتب يمكن

الإستفادة منها فليتكرم على الأخ ارسلان بإعطائه إيها ، لأن الأخ أرسلان من الناس المجتهدين بالبحث عن

تاريخ قبيلتنا العريقة وهو بصدد تقديم رسالة الماجستير عن هذه القبيلة ومن ضمنها هذا الشاعر الكبير رحمه

الله

[المحامي الفريشي]

رحم الله شاعرنا الكبير فهد الجافور...... والاخ ارسلان يستاهل كل خير والله يوفقه بدراساته العليا

[بن مبارك]

شاعر كبير وعلم من اعلام الجزيره العربيه والف نعم بابن جافور رحمه الله 0