سكبتى سكبة وزير

[مرزوق الصواغ]

سكبتى ياصاحبي كنها سكبت وزير= اتكخش لك وامنيك مير الوضع ماش

لاتغرك سكبتى والكلام اللى يثير= والله انك لو تمعنت مافينى اعراش

الوزير ابعز واللى يبي ماهو عسير= لو يصيبه مثل ماصابنى ماكان عاش

مانى ابحوله وفرقه علي فرق (ن) كبير= الاوامر فى يدينه وكل شى بلاش

له وضع ثانى وانا وضعى يالمجمول غير= وينى وينه له الجو دايم بنتعاش

لا بغاله حاجتن مايبا والله شوير= تاصله من دون تاخير مايبقيه ناش

يامر وينهى ودونه سكرتير ومدير= سلطتن مافوقها الا الولى محي الد شاش

والا انا جيبي من النوط خالى يالعشير= مايكفى راتبي لو ابى قطعة اقماش

ماتسرك حالتى عيشتى عيشة حسير= اتحرى كل ماجا الشهر صرف المعاش

ولو بغيت اجدد القرض قالو مايصير= صكو البيبان دونى ولافيها نقاش

والله انه اقشر الحظ هو حظ الفقير= لو يبي يجلس مع الناس ماحصل افراش

والغني حظه يوديه للعد الغدير= دايمن محظوض لوهوعلى الخد العكاش