شنو الدول اللي زرتها و الدول اللي حبيت تزورها ؟

[آمر تدريب]

بسم الله الرحمن الرحيم


موضوع جدا سهل و ممتع بنفس الوقت و أتمنى الكل يشارك ؟


حبيت أسأل الكل عن الدول اللي زاروها و أي دوله عجبتهم و ليش عجبتهم ؟
و نفس الشي شنو الدول اللي للحين ما زاروها و حابين يزورونها و ليش ؟


أبتدي الأول

1- الخليج كله ما عدا عمان ( تعجبني الامارات و خصوصا دبي عشان تغيير جو على السريع و تعجبني مكه عشان الأجواء الروحانية اللي فيها )

2- سوريا ( ما عجبتني )

3- الأردن ( ما عجبتني )

4- النمسا ( فيينا - زل أم سي - سالزبورغ ) متعة الرحله كانت زل أم سي ... مناظر و لا بالاحلام و اللي قلبه من صخر راح يلين اذا شاف هالمناظر الطبيعية الرائعة و مهما أوصف ما أقدر بس فيينا مو ذاك الزود

5- مصر ... متعقد اهي حلوه و الا لا :) ... و الاغلب لا ... صج مصر لها ناسها و أهلها

6- استراليا (سيدني - جولد كوست ) فعلا تستاهل لقب العالم الجديد ... كل شي مرتب و نظيف " تقول قاعد برحلة مدرسية مو بسفر " و عجبني بسيدني العمارات الشاهقة و مناظرها الليلية ، جولد كوست كانت عالم ثاني و خصوصا لمحبين النشاطات البحرية و كانت شاطئها فعلا ذهبي على اسمها من حيث النظافة و الترتيب و الرمال البيضاء الصافية، و فوق هذا كله كانوا يميزون المسلمين بالأكل الحلال المتوفر و بالمصليات و لكن الحجي هذا قبل أحداث 11 سبتمبر ... الحين ما ادري :)
يعيبها الطريق البعيد بس ... 16 ساعه طيران ... شنو رايح القمر :)
تقييمي لها 90 %

7- تايلند ... حلوه بس تستاهل تجيها مره أو مرتين بعمرك كله و لا تطول فيها ... بانكوك مو نظيفة و خصوصا شارع سوكومفيت أو حي العرب تقييمي لها 40 %

8- ماليزيا ... عجبني الترتيت و النظافه و تحس ناس مستعدين للسياحة و تلاحظ هذا الشي من أول ما توصل مطارهم و الاسلام هناك منتشر و لله الحمد و تصلح للعائلة
يعيبها الجو الرطب نسبيا و يمكنك التغلب على هالشي اذا رحت شهر 12 و 1
تقييمي لها 90%

9- لندن ... حلوه بس لا تطول فيها ... روح لأكسفورد بس
تقييمي لها 60 %

و تقبلوا مني فائق الاحترام و التقدير

[غلا_ابوها]

خوووش موضوع

أنا دول الخليج رحت لهم كلهم ماعدا قطر وعمان
وأحلى دوله فيهم الامارات بس مخرب عليها جوها لأني رحت لها بالصيف

والأردن حلوو جوها بس تخووف شووي :)

مصر أزعااااج ناس ماتنام لاصبح ولاليل :):)

ألمانيا عجيييبه

سوريا ماأعجبتني كلش ملش

لبنان نااااس ذربييين ومحترمين وطبيعه وجو عجيييب

وان شاء الله الصيف الجاي بسافر بس ماأدري وين وأذا رحت ورجعت بالسلامه أن شاء الله اقوولكم :):):)

ويعطيك العافيه عالموضوع

[همزة وصل]

اللة يعطيكم العافية على الموضوع اما انا الى العجبتنى ثلاث دول المغرب وتايلند و سورية

[الوحيـــــــــــــــــــد]

دول الخليج الا عمان واحسن مافيهن أبها
الاردن ماشيه
لبنان ماعجبتني
مصر ونيسه
تركيا زوينه
النمسا _فينا_سالزبورغ_زلامسي وأحسنهن زلامسي
ألمانيا حلوه
بريطانيا تضيق الخلق

[السهل الممتنع]

دول الخليج رحتلها واحلى شي كانت السعودية يوم افترينا بالسيارة صوب الطايف :)
بس ما رحت لقطر

ماليزيا ..حلوة ولا تاخذ حريم وياك بتزهق ...بتصير حمالي هناك وبيأذونك على السوق-- الي يسمع يقول امقطع الزواج انا وراسي :d

النمسا مثل رحلة امر التدريب
وكانت شي رهييب بصراحة ..وكلش ولا زالامسي يااااااااااااااااااااااااااااااااااهي حلوة ....بس غالية وما تصلح لتسوق

المانيا ...زينة ..خوش سكاكين عندهم :) لا ومحلات سلاح بعد

بريطانيا ...زينه جانك تدور التشري بس غالية ...

امريكا ....كبيرة وكل منطقة غير عن الثانية ...واحلى المناطق ...كاليفورنيا و نيويورك وحدة باقصى الشمال الشرقي ووحدة باقصى الجنوب الغربي :)

لبنان .....وناسة وتغيير جو بس بصراحة خطرة لانها في حالة حرب



والمكان الي ودي اروحله ...هو الصين ....بصراحة ودي اشوف سور الصين ....بنحط مخيمنا هناك ;)

[خالد البريكي]

جيت السعوديه + البحرين + الامارات +الاردن + سوريا + لبنان


واحلاهم لبنان لانها جو حلو ونظيفه



واتمنى اسافر الى ايطاليا


تحياتي



خالد البريكي

[النوخذة]

مساكم الله بالخير 00

وموضوع خفيف وحلو الله يعطيك العافيه اخوي امر التدريب00

والدول اللي زرتهم اهم 00

دول الخليج كلهم الا عمان واحلاهم البحرين لاني بالغزو العراقي فيها 00

ومصر مستواها نص ونص00

وسوريا كمان نص ونص 00

وتونس حلوه وكانها نسخه من اسبانيا بس نسخه ابيض واسود يعني تقليد بس مو مضبوطه 00

واستراليا جميله وتستاهل الزياره بس درب طويل (سكه طويله ؟؟)

وتايلند وبايخه 00

وسنغافوره حلوه ونظيفه 00

ونروح الى المانيا والنمسا وبريطانيا و اسبانيا وبلجيكا واليونان وتركيا وقبرص وفرنسا كلهم حلوين ويستاهلون 00

بس هولندا احلاهم ويازين امستردام ولاهاي وديره جميله وانصح بالزياره لها 00

واتمنى زياره امريكا وصار لي اكثر من عشر سنوات كل مره اقول الصيف هذا راح اسافر لها لكن يتاجل السفر والله كريم 00

[راعي البلها]

مشكورين على الموضوع الحلووووووو0

[راعي الحرشه]

يعطيك العافيه
وانا والله ودوي اروح امريكا ودش بذات ولادزني يقلون متعه هناك
ورحت زلمسي والله زلمسي لها جو خطير ومتعه وراحه
ونفس الشي لمانيا لها طابعها من الطبيعه
واما الخليج رحت كل دول الخليج لا عمان
وما ادري عمان حلوى ولا لا؟؟؟؟؟؟؟؟؟؟؟؟؟؟؟؟؟
ولا ودي روحلها ام الدنيا مصر يقولنا عنها ام الدنيا وبذات الفيوم وسكندريه
وطبعا واهم شي مكه الي في الكعبه المشرفه وانا الحمد الله كل سنه اروح لمكه آخذ عمره
ودي اروح الدوله يقولن عنها عجيبه والي هي اليابان
هذا الي ودي عليه ويعطيكم العافيه

[عازميه KSA وافتخر]

مساء الخيرااااااااااااات

انا رحت لدول الخليج كلها حلوه ااحلا شي الاماراااااااااات والبحرين ارتاااااااااااح فيها

الاردن و لبنان ومصر ام الدنياااااااااااااا

وماليزيا حلوه كلهااااااااا خليجيييييييين بالصيف كنها مصر

واكثر شي احب اروح له مــــــــــــــــــــصــــــــــــــــــــــــــــ ــــــــــــــــــــــــــــــــــــــر

[اعتذار]

مشكور أخوي آمر تدريب على هالموضوع الجميل

وبصراحة أنا زرت جميع دول مجلس التعاون الخليجي ما عدا سلطنة عُمان

وسوريا والأردن ( وجمهورية مصر العربية )

وزت بريطانيا وفرنسا والمانيا وسويسرا وبلغاريا وتايلند وسنغافوره وماليزيا

وبصراحة أنا من أشد المعجبين في مصر لأن أهلها ناس طيبين وحبيبين وارتاح نفسياً فيها

أما بخصوص الطبيعة فهي في المانيا وسويسرا

وأنصحكم اللي يزور المانيا يروح منطقة أسمها ( فيز بادن ) منطقة صغيره
وهي عبارة عن منطقة مصحات طبيه
وفيها طبيعة حلوة وللسياحة

واجد عليها 3 أيام لأنها صغيرة

[ابوجاسم]

ماأقدر اقول
الا ديره بتايا سقاها السيل*** ديره طلب العزوبيه

[ابوجاسم]

مصر حلوه والاردن طبعاً حلوه لاني ادرس فيها أما تايلند واااااااااااااااااااااااو :)
والكويت احلى من جرب الغربه عرفت لذه الدار **** ومن عرف الشوق لكويت يشتاق :)
اما اللى يبي يسافر يروح لهنت كليم سلباخ بين النمسا والمانيا وماليزيا متعه العائله
وهالصوره في كوشنغ جزيره تايلنديه

[ابوجاسم]

الله يالدنيا

[البرنسيسه]

الدول اللي زرتها مش كثيره بس اللي اعجبتني منها هي

بلغاريا وباكستان لاني قضيت فيهم سنوات طويله

والطبيعه فيهم تجنن 000000

[العليا q8]

يعطيك العافيه عالموضوع الحلو
اولا انا زرت تركيا واعجبتني بالطبيعه
ومصر كلش مو حلوه <<<< ما احبهم
ورحت دول الخليج ماعدا عمان
اعجبوني كلهم بس احلى شي الطائف ومكه اكيد
واكثر شي عجبني بلاد الضباب (لندن) كانت رحله ممتعه لاني زرت فيها بريطانيا كلها
وكانت روحتي لها ورجعتي بروحي
واكثر شي احب الدول الاوربيه لانها تستاهل اللي يروحلها للتمشي والنقاهه

[حمود الهاجري]

والله مافي على الكويت هههههههههههه

والله شوف يالحبيب

امريكا تعتبر احلى دولة رحت لها وخاصه ولايه فلوريدا وبالتحديد (منطقه ديتونا بيتش) مدينه ساحليه وتطل مباشره على المحيط الاطلسي ما اروع تناول كيك الدونات الشهيرة في امريكا وعصير البرتقال الطازج وانت جالس على شرفات (بالكونة) عمارة في الطابق 28 وتشاهد منظر الدلافين وكأنها سربه خيول <----- يعرف يعبر :)

وبعدين سوريا ماعجبتني جوها مو جوي :)

جنيف في سويسرا حقيقه يعجبني فيها الوك(البحيرة) والتمشي فيها يرد الروح بس الي يزعجني فيها كثرة السواح والمقيمين العرب <<--- وراك وراك بس مرات استانس لما اشوف كويتي يتمشى صراحه اتذكر الكويت وجمعه الربع هههههه

وباريس يعجبني التمشي على الشانزي ليزي الشارع الشهير في فرنسا

ومرات اطق براسي امشي من الشانزليزي لين اوصل قوس النصر واتعداه واوصل برج ايفل الشهير <<----- راعي طويله :)


مصر حقيقه ماعمري زرتها مع اني متأكد ان جوها يناسبني :)

ودبي اروح لها كل صيفيه وعطلة ربيع وما اطول فيها لان جوها رطوبه وانا واحد من الناس يزعجني هذا الجوو ولكن اروح لها لازور بعض الاشخاص والاصدقاء شرواكم


قطر ماعمري جيتها والله <<--- شلون هاجري هههههههه


البحرين عد وخربطططط


السعودية مايحتاااااااااااااااج


ونرد ونقول (حب الوطن غالي غالي وماكو على ديرتنا الحلوة الكويت الحلوة بناسها واهلها وبشوارعها )




كل الشكر


حمود الهاجري


وبالاخير ماكو شي يعلو على شعوري حين اصل الى مكه شرفها الله

[عايض الهدلاني]

والله انا اعجبتني دولة الصباحيه وفيها ياخي جو عجيب خاصة التمشي فيها الساعه 12 الظهر

تشوف الغيوم مغطيه السما وهناك رذاذ خفيف ملطف للجو, وزرت دولة السفانيه الشقيقه

بصراحه وبختصار البحر امامك والغابات خلفك منظر لا ينسى وانصحكم تصيفون فيها ,

اما دولة ام الهيمان الشقيقة ارض العود والعنبر والبخور تحس بعبق التاريخ والاصاله فيها,

هذه الدول اللي زرت ولكم اجمل تحياتي

[kuwait77]

السعودية
البحرين
قطر
الامارات
الاردن
لبنان
سوريا
مصر بلد الخوال
استكتلندا رحلة قصيرة جدا
بريطانيا (لندن+ بلاك بول
باريس
جنيف
ميونيخ
النمسا 3 مرات
سلوفاكيا 3 مرات
هنغاريا(المجر)
رومانيا
بلغاريا
اليونان
قبرص
تركيا 4 مرات
الهند(مومباى)
سيلان(كاندى +نوريا عليا)
تايلند
ماليزيا
سنغافورا
وقريبا التشيك فى 15/6/2006
انشالله

[جراح ارشيد الضرباح]

رحت كل دول الخليج معاده عمان
ولا دوله فيهم تعجبني يمكن بسبب كثرت روحاتي لهم
ورحت الاردن وهم ماعجبتني
ورحت سوريا يعني ماشي حالها حليوه
ورحت تركيا ماعجبتني
ورحت بالغاريا حلوه
رومانيا شفت العذاب اهناك هههههههههه
هولندا من احلي الدول الي رحتلها وخصوصاً منطقت روتردام ومنطقت فلو قريبه من الحدود الالمانيه
ورحت المانيا حليوه
ورحت بلجيكه موحلوه
ورحت السويد ابيخ دوله باللعالم
ورحت تايلند حلوه حلوه حيل تايلند
صرت ابن فطوطه عي الدول اي رحتلها انا
واتمني اني اروح روسيا والارجنتين والهند

[الحقاني]

يا أخــــــــــــــــي تبي تروح وترد تبي تعيش وتموت تبي تستانس ماكـــــــــــــــــــــــــــــو الأ ملقا بأسبانيا من صج من صج منطقة شنووو تبي فيها موجود فيها شارع حق العرب فيها طبيعه أي زلمسيا أي روتردام أدري تحسبوني أبالغ بس أنتم روحووا شوفوها وأحكموا فيها نهر الافت بارد وحار مع بعض فيها أكواخ ماتقول منطقه تقول حديقه أنا أنصح أهل السفر أنهم لا يخلونها

أدري تحسبوني أسويلها دعايه بس لا عندنا سفريات ولا شي وتذكرتها رخيصه 190 دينار

[أمانه]

مشكور اخوي امر تدرين عالموضوع الررروعه الصراحه

اول شي ابدي بالدول الي رحت لهاااا

رحت دول الخليج ماعدا قطروالصراحه استغرب لان كلكم مارحتووو لعمان عمان طبيعه عجيبه حلوه لاني كنت قاعده فيهااا بالغزو 7 شهور روعه الصراحه
ورحت امريكااا 5 مرات وبامريكااا رحت فلويدا ونيويورك ومنيسوتاااا جزر الكاريبي :) هذي اخذنا رحله بالبحر كرووز 5 ايام والله خياليه عجيبه وطبعا كولارادوووو
وبعدين رحت بريطانيا واسكتلنداااطبيعه بره لندن تهبل
واسبانيااا ورحت باسبانيا قرطبه اشبيليه الصراحه روعه وايد حلوه
ومصر ام الدنيا وماعجبتني كلش كلش
لبنان ناس ذوق وطبيعه وذرابه
تونس رحنا سوسه هم حلوه وااايد بس كنت صغيره ما اذكرهااا عدل اشوفها بالصور :d
تركيااا قعدنا فيها 25 يوم الصراحه حلوه ومتحفها روعه
فرنساااا ياي على الشانزليزيه قمه القعده بالقهاوي بس هذا الي فيها فرنسااا
ماليزيا الي عجبني نظافتهاااا وترتيبهااا وانها دوله مسلمه
تايلند يوم رحت لبانكوك قعدت ابجي الصراحه وصخ وييييييييييييييع مو حلوه كلش
احلى شي بتايلند جزيره بوكيت تهبل الي ماراح نصيحه خل يروح
وفي ديره ان قلت لكم تبون تعيبون علي :(
بس والله ديره تهبل رحت لاس فيغاااس الصراحه عجيبه فنادقهاااا مبانيهااا اتعب واقول انها خياليه ديره خياليه انا رحت لها نظرااا لقربها من ولايه من الولايات الي رحت لهاااا بس للامانه قعدنا فيها 5 اايام ما دخلنا مكان القمااار :) بس تمنظرنا بالمباني الفخمه والمعمار الررروعه
عاد التمنى ::: امتنى اني اشوف سويسرا وفينا وزلمسي وبس
بس احلى شي والله مكه المكرمه طبعاااااا فيها راحه مو طبيعيه

[bnt-london]

السلام عليكم
انا رحت حق دووول ياكثرهم واهم
1-كل دول الخليج العربي الا عمان ((شكلة ماكو احد رااح عمان ))
2-مصر وماحبيتها
3-سوريا ولبنان والاردن اشتراكية وياا العايلة الكريمة
4-تركيا
5-هنغاريا وبلغاريا............ صج ايام
6-رومانيا ((هذي عااد غير لاني سكنت فيها سنتين))
7-المانيا
8-النمسا وسويسرا
9-بلجيكا وهولندا
10-فرنسا
11-لـــــــــــــــــــــــــــــــنـــــــــــــــــ ــــــــــدن ((علي قولت البنات ديرة القز))
12-رحت امريكا بس حق نيويورك+كاليفورنيا+واشنطن ((انا واختي مع ابوي))
واحلي مكان اعجباني كانت منطقة سياتل في واشنطن

[اماني العازمي]

والله مارحت اله دبي والدمام وجيت والحمدالله والشكر :):):)

بس امنيتي اروح حق زلامسي

يعطيك العااافيه

وتقبل مروري .......

[AL-3AZME]

1- دول الخليج ماعدا ( قطر وعمان ) دبي صراحه من أعلي إلي أعلي

2- ( سوريا ، الاردن ، مصر ) شعب (×) ، كـ دول لابئس عليها

3 - ( ماليزيا ، سنغافوره ) جو ومناظر وشعب طيب

4- إلمانيا ( برلين ، هنوفر ) أوربا جنة بلا منازع طبعا


الدول إلي اتمني أزورها ( بريطانيا ) ، ( إسبـآنيا)

وقريبـآ ( تركيا ) إن شاء الله واذا الله قدرني إسبانيا وفرنسا :)

[فهد الجلاوي]

مصـــر ( ديرة الكشيـــخ ) :) حليــوه

تايـــلنـــد ( لأرجاع ايام الطفوله ) مو طبيعيه

لبنان ( اتيكيت )

سوريــا ( اللهم لا شماته )

دول الخليج الا عمان ( دهنا في مكبتنا ) :)


وشكرا

[هوازن العرب]

ماشاء الله اغلبهم راحو لدول تمنيت لزيارتها
انا دول الخليج عدا عمان بس احتمال ازورها هالاسبوع
رحت لتايلاند بس حلوة
دول عربية مارحت
رحت لسيلان ممتازة للعوائل لان مافيها اسواق(:
وافكر اروح لهوتشي منه................................ فيتنام.......................
بس الي الحين ماحصلت لي صاحب