الفارس
14-04-2005, 05:14 PM
هذه القصيدة لشاعر الجزيرة العربية فهد بن جافور رحمه الله في معركة نقير بين قبيلة العوازم بقيادة الأمير فلاح بن جامع رحمه الله من جهة وبين قبيلتي مطير بقيادة فيصل الدويش والعجمان بقيادة نايف بن حثلين أبا الكلاب وكان النصر حليف العوازم وذلك في شهر سبتمبر عام 1929م.
بادي باسم الله ولا غير الله البادي خشير *** واحمد الله واشكره عد مارفرف وطار
والسلام اثنيه للورع واخص الكبير*** لأهل العوجا مواكر صواريم الحرار
خبر المقرن وكـزوا لابو تركي بشير*** البيـــارق سندله وعدوانه دمـــار
واستوى يوم عبوس على جوبة نقير*** قبل نور الصــبح ينباج لي وسـط النهار
وامطرت فوقه رعود مطرها حشر طير *** وبلها مثل البرد والهوا لاهوب نار
صبح العجمان نوه وظاف لي مطير *** وارتكا تالي خياله على علوه يسار
ما وطا سيله تعشاه دالوبه ضرير *** ماخبر مثله بالاكـوان بالدنيا وصـــار
هاشوا المطران سبحات قدام الأمير *** والجنوبي هاش لين اعدمه صلف المثار
وردوا على العوازم وردوهم صدير *** صدروا من شوبة الموت قصاف العمار
خابرين فعل ربعي معطشت الذخير *** من على عصر الفتيل المعقل مــا يزار
المعقل دونه الموت طيره مايطير*** شايط باطرافه الموت شيطات العشار
كن جضع الزلم في نحورهم جضع الهصير** من قنابير المشوك وبالشرف القصار
واوقدوا فيهم بالاحراق يامطفي السعير*** لين عافوا من طمع لابتي والكل نار
بشروا سبع الخلا والطيور اللي تطير*** بالعشا في جوبة نقير ودوهن خبار
جعل ربعي بالملاقى لهم حظ كبير*** جمعهم يركض على الموت لي جالــه شرار
ربعي العطوان عز الضعيف والقصير*** وان نهق فسقان حطوا برجلــيه الهجار
لين يرغي ثاوي عندهم عقب الهدير*** لي حصله ينطلق همل الفتنة ونار
حلة العجمان ومعقل الراس الكبير*** كلبوهن عند ربعي على وضح النهار
يوم جونا بالملاقى وجيناهم نسير*** لين ذوب مقدم جموعهم ضرب القرار
قد كسرنا جمع ابو فيصل يومه صغير*** وقبل جمعه جمع الأشراف قد جاكم خبار
في رجا الله ثم عبدالعزيز أنه يغير*** عند طيحات التشاريب من دار لــدار
صار للديرة واهلها وما فيها صرير *** من وحم عبدالعزيز ابو تركي يوم ثار
نادر العقبان يهوي بمخلابه ضرير*** خمرت منه الحباري اليا نهض وطار
سيف ماص شذرته ما يوقيها الجفير*** ما يباع ولا تمده يمينك لليـــــسار
دولته من فعل يمناه ما تاخذ قصير*** مالها غير ابو تركي من العربان جار
يتبعونه دولة كما كتفانن يسير*** حولت عنده قناصل المناصيب الكــــبار
بادي باسم الله ولا غير الله البادي خشير *** واحمد الله واشكره عد مارفرف وطار
والسلام اثنيه للورع واخص الكبير*** لأهل العوجا مواكر صواريم الحرار
خبر المقرن وكـزوا لابو تركي بشير*** البيـــارق سندله وعدوانه دمـــار
واستوى يوم عبوس على جوبة نقير*** قبل نور الصــبح ينباج لي وسـط النهار
وامطرت فوقه رعود مطرها حشر طير *** وبلها مثل البرد والهوا لاهوب نار
صبح العجمان نوه وظاف لي مطير *** وارتكا تالي خياله على علوه يسار
ما وطا سيله تعشاه دالوبه ضرير *** ماخبر مثله بالاكـوان بالدنيا وصـــار
هاشوا المطران سبحات قدام الأمير *** والجنوبي هاش لين اعدمه صلف المثار
وردوا على العوازم وردوهم صدير *** صدروا من شوبة الموت قصاف العمار
خابرين فعل ربعي معطشت الذخير *** من على عصر الفتيل المعقل مــا يزار
المعقل دونه الموت طيره مايطير*** شايط باطرافه الموت شيطات العشار
كن جضع الزلم في نحورهم جضع الهصير** من قنابير المشوك وبالشرف القصار
واوقدوا فيهم بالاحراق يامطفي السعير*** لين عافوا من طمع لابتي والكل نار
بشروا سبع الخلا والطيور اللي تطير*** بالعشا في جوبة نقير ودوهن خبار
جعل ربعي بالملاقى لهم حظ كبير*** جمعهم يركض على الموت لي جالــه شرار
ربعي العطوان عز الضعيف والقصير*** وان نهق فسقان حطوا برجلــيه الهجار
لين يرغي ثاوي عندهم عقب الهدير*** لي حصله ينطلق همل الفتنة ونار
حلة العجمان ومعقل الراس الكبير*** كلبوهن عند ربعي على وضح النهار
يوم جونا بالملاقى وجيناهم نسير*** لين ذوب مقدم جموعهم ضرب القرار
قد كسرنا جمع ابو فيصل يومه صغير*** وقبل جمعه جمع الأشراف قد جاكم خبار
في رجا الله ثم عبدالعزيز أنه يغير*** عند طيحات التشاريب من دار لــدار
صار للديرة واهلها وما فيها صرير *** من وحم عبدالعزيز ابو تركي يوم ثار
نادر العقبان يهوي بمخلابه ضرير*** خمرت منه الحباري اليا نهض وطار
سيف ماص شذرته ما يوقيها الجفير*** ما يباع ولا تمده يمينك لليـــــسار
دولته من فعل يمناه ما تاخذ قصير*** مالها غير ابو تركي من العربان جار
يتبعونه دولة كما كتفانن يسير*** حولت عنده قناصل المناصيب الكــــبار